Walamuzi 11:3 - Luganuzi Luswanu Kuli Wanhu Wose 2002

³ Hodu nayo Yefuta yakawa kuwuka mu kaya, yakawa kubita kwikala mu yisi ya Tobu. Na lono yali yali kuko, yakakwega cipuga ce wanhu we cakacaka, wakawa wakujendana nayo.

Walamuzi 11:3 ပူးပေါင်းရင်းမြစ်များ

2 Samwili 10:6

Nawo Waamoni wakamanya vyono litumo lilyo, lyakondya kuwaletela wulugu no mutemi Dawudi. Holeka wakawa kuwazima wasilikale elufu makumi mejete we Cishamu, ku wulawa ku Betilehobu na ku Zoba. Na wasilikale wanji kanyhi elufu yikumi na nyejete ku wulawa ku Tobu, na wanji kanyhi wanhu elufu monga ku walawa ko mutemi wa Maka.

2 Samwili 10:8

Waamoni wakatandala ha mulango we likaya lyawo lya Laba. Nawo wasilikale wono walawa ku Siliya na wono walawa ku Tobu, hamonga na wono walawa Maka, wawa wose wakatandala mu yisi yo wuhihi.

Metumo ge Watumwa 17:5

Ninga Wayahudi waza wona vyono wanhu wenji wakumwihuwila Pawulo, wakawona wivu, wakakonghola cipuga ce wanhu we cakacaka kulawa mu sokoni, no kuleta mazozo mawaha mwi'kaya. Wakekongholela ha kaya ya Yasoni, wehwesaga wowagana wa Pawulo na Sila mumo, ho wawalete hamwande ye wanhu.

Walamuzi 11:2

Yuyo Gileyadi, yali yena ne wana wanji we cilume kuli mugolece wakwe. Ne wana wawa lono wali wakondya kuwiluka, hodu wakawa kumuwinga Yefuta yawuce mu kaya. Wakamutya, “Agwe sikosuma kuwa muhazi wa cinhu co cose ca mu nyumba yo sogo yetu Gileyadi, hambi 'gwe, nha wuli mulelwe no mucekulu yunji.”

Walamuzi 9:4

Baho wakamupela zifweza makumi mupunghati ku wulawilila mu nyumba ye cilagane ya Baali-beliti, zifweza zizi Abimeleki yakawafupa i wafyuzi ne wenyanyaguzi ho wamutyatye mwene.

1 Samwili 22:2

Ne wanhu wose wono wali wali mu wugaye, na wono wali wena migawa, na wose wono wali wena wukalale mu zinhumbula zawo, wose wakamubitila Dawudi, nawo wali waficile nha wanhu magana mane we cilume. Nayo Dawudi yakawa mulongola wawo.

1 Samwili 27:2

Hodu Dawudi, hamonga ne wanhu wakwe magana mutandatu, lolulo lulo wakawa kutuluka, wakawa kubita kuli Akishi u mwana wa Mawoci u mutemi we yisi ya Gati.