Walamuzi 1:3 - Luganuzi Luswanu Kuli Wanhu Wose 2002

³ Nawo wo mulango wa Yuda wakawalonjela wo mulango wa Simiyoni wandugu zawo wakawatya “Ale, cibitane hamonga na nyenye sunga ko ku yisi yono yakondya kuwagwa so sese ho cikehome ne Wakanani, hanyuma ho cobitana nanye ku yisi yono yowagwa so nyenye.”

Walamuzi 1:3 ပူးပေါင်းရင်းမြစ်များ

Mwamulizo 29:33

Leya yakadinghula kanyhi 'nda, yakasawa kanyhi mwana wa cilume, yakamucemela litagwa lya Simiyoni, yakutya, “U Muwaha Mulungu kamhela mwana yunji kanyhi wa cilume, hambi nha kahulika vyono ane suligwe.”

2 Samwili 10:11

Yowabu yakamulonjela Abishayi yakatya, “Ale, hono wuwone Washamu weza kusumiliza, wuze mbela mbela wunhaze. Nane hono mbone Waamoni weza kukusumiliza, ale nane nokuza mbela mbela nghutazilize.

Yoshuwa 19:1

Ligawo lye kejete lyono lyawagwa, lyali lya wo lulelo lwe zimhuga zo mulango wa Simiyoni. Yisi yawo yikawa yinjiye sunga na mu wutemi we yisi ya wo mulango wa Yuda.

Wugubule 7:7

Wo mulango wa Simiyoni, elufu yikumi na nyejete. Wo mulango wa Lawi, elufu yikumi na nyejete. Wo mulango wa Isakali, elufu yikumi na nyejete.

Walamuzi 1:17

Wana wa Yuda vyabitana hamonga ne wana wa Simiyoni, wakawahoma no kuwasuma Wakanani wono wekalaga mwi'kaya lya Zefati. Wakalilijita likaya no kulyongomeza wakalicemela litagwa, lya Holema.

Walamuzi 1:2

U Muwaha Mulungu yakawapitula yakatya “Wo mulango wa Yuda wo wolongolela, hambi nha nakondya kuyiwika yisi mu miwoko yawo.”

Walamuzi 1:4

Hobaho wo mulango wa Yuda na wa Simiyoni wakatulukana hamonga sunga ku wulugu. Muwaha Mulungu yakawapela wusume kuli Wakanani ne Wapelizi wakawahoma wanhu we cilume, waficile elufu yikumi, kuko ku Bezeke.