Wafilipi 4:9 - Luganuzi Luswanu Kuli Wanhu Wose 2002

⁹ Mwitumaje zono mweyijiza, na zono mwabocela kulawa kwangu, i zinghani zangu, ne metumo gangu. Nayo u Mulungu wo mulamu, kowezana nanye.

I CILAGANE CIPYA 1991

⁹ Mwitumaje zono mweyijiza, na zono mwabocela kulawa kwangu, i zinghani zangu, ne metumo gangu. Nayo u Mulungu wo mulamu, kowezana nanye.

Wafilipi 4:9 ပူးပေါင်းရင်းမြစ်များ

Isaya 41:10

Holeka mulece kogopa, ane nha nili hamonga nanye! Ane yo nene Mulungu wenyu, holeka mulece kogofywa na cinji co cose! Ane nomupenyi vilungo, kanyhi nomutazenyi. Nomudimenyi, kanyhi nomuponyenyi.”

Isaya 8:10

Mwihehaje! Ninga hamba si mokwambulila cinji yaye. Anye mulonje du mu nghango yenyu! Ninga yowa nghani ya bwete du. Hambi ase, Mulungu nha yali hamonga nase.

Matayo 1:23

“Langa ta, u musindile kolodinghula muda, nayo kololela u mwana we cilume, nayo kocemwa Emanuweli. Nhunizo yayo wo wutya, ‘U Mulungu yali hamonga nase.’ ”

Matayo 28:20

Kanyhi, muwejizaje, webate i malajilizo gose gono namupelenyi. Nane nili hamonga nanye vilo vyose, heya, sunga ko ku ndumilizo ye vilo.”

Matayo 7:21

“Si munhu wo wose mono yakunyitya, ‘Muwaha, Muwaha,’ yo kokwinjila mu wutemi wo Mulungu, langa yuyo du mono yakwituma u wuhile wo Sogo yangu mono yali ku wulanga.

Luka 6:46

“Nghuwona mukunyitya, ‘Muwaha, Muwaha,’ akuno si mukwituma zono nghulonga?

Luka 8:21

Ninga Yesu yakawalonjela wanhu wose, “Yaya ne wandugu zangu, wo walya wono wakuyihulika nghani yo Mulungu no kuyitumama.”

Yohana 13:17

Holeka hono muwe mwayimanya i mbeka yiyi, mowa wamoti hono muyitume.

Yohana 15:14

Anye muli wendece wangu, hono muzitume zono nghumulajilizenyi.

Yohana 2:5

Hobaho u nyina, yakawalonjela wetumami yakawatya, “Vyono komulonjelenyi, vyo mutende.”

Metumo ge Watumwa 9:6

Ninga winukaje wukenjile mwi'kaya, na kuko kolonjelwa yono yikunojeye witume.”

Walumi 15:33

Ale u Mulungu wo mulamu yawezane na nyenye wose. Heya.

Walumi 16:20

Nayo u Mulungu mono yo mwamulizo wo mulamu, sikocela kumuponda Setani hasi ye migulu yenyu. Ilihewa lyo Mutwa, wetu Yesu Kilisito, liwezane nanye.

1 Wakolinto 10:31

Holeka muli yo yose yono mukwituma, hono yiwe kulya zindigwa, hamba kung'wa, ale mwitumaje zose ku soko yo lukumyo lo Mulungu.

1 Wakolinto 14:33

Hambi u Mulungu wetu, nha si Mulungu we mazozo, langa yo Mulungu wo mulamu.

1 Wakolinto 4:16

Ku soko yiyi, holeka nghumunenenyi, munyigaje nene.

2 Wakolinto 13:11

Na ye ndumilizo, wandugu zangu, nghutya, mwikalaje! Mweze mukamile, muwibataje muno muno u wijize wangu, mweze mulaganiye kumonga, mwikalaje mwilamuye. Nayo u Mulungu wo wendo no mulamu, kowa hamonga nanye.

Wukumbucize wo Wulajilize 5:1

Musa yakawakonghola hamonga i Waisilayeli, yakawalonjela yakatya, “Anye nyo Waisilayeli, alu nghumunenenyi, muhulicize malajilizo gono nghumulajilizenyi izuwali. Mugeyijize, sunga mumanyile lukulu nha vyono mwakondya kugakamisa gose.

Wafilipi 3:17

Wandugu zangu, mujendelele wose kunyiga nene. Camupelenyi wijizwe wuswanu wa muli sese, holeka muwahulikaje wawo wono wakuwutyatya u wijizwe wuwo.

Wafilipi 4:7

No mulamu wo Mulungu wono wucizize u wumanye wose we wanhu, womukamisenyi zinhumbula ne mahala genyu mu wilunza na Kilisito Yesu.

1 Watesalonike 1:6

Nanye mukega u wuwe wetu, hamonga no kumwiga u Muwaha. Hamba muwe mwatuga wugaye, ninga mwayibocela nghani mu nyemo yono yikulawa mu Muhe Mono Yelile.

1 Watesalonike 2:14

Nye wandugu zangu, nanye nha zamwaganenyi zono zagagana i Makanisa go Mulungu ga ku Yudiya, zinghani zono zawagana i wanhu wa Kilisito Yesu. Nanye mwatamiswa ne wanyawusi wayenyu, nha vyono iwene nawo wagazwa ne Wayahudi wayawo,

1 Watesalonike 5:23

No Mulungu mono kacipelaga mulamu, yamunozenyi muwe mwelile muli zose, yamukamisenyi nyenye, u muhe, no wumi ne miwili yenyu, ho mulece kuwa na yilema lyo lyose ha wuze wo Muwaha wetu Yesu Kilisito.

2 Watesalonike 3:4

Nayo u Muwaha yakucipela u witumbilo wuwaha ku soko yenyu, nase citumbiye du vyono mokwituma, kanyhi vyono mojendelela kwituma zizilya zono camulonjelenyi.

2 Timoteyo 4:22

Ale, du, u Muwaha yawezane nagwe mu nhumbula yako. Ne lihewa liwezane nanye wose.

Yakobo 1:22

Mulece kwiyikonga nyo weneco, mu wuhuliciza i nghani yakwe du, langa mweze wetuma i nghani yakwe.

2 Petelo 1:10

Ale, holeka, wandugu zangu, piligalenyi muno muno kulunoza lulo ulucemo lwenyu lono mwacemelwa no Mulungu, luwe nghani ye cibitilila mu mikalile yenyu, na hono mwikale nhavivyo, simosuma kuwulecela lukulu uwihuwilo wenyu.

1 Yohana 3:22

nase cosuma kubocela co cose cono colomba, hambi nha cigebate malajilizo gakwe, no kwituma zono zikumwendeza.