Wafilipi 4:8 - Luganuzi Luswanu Kuli Wanhu Wose 2002

⁸ Ze ndumilizo wandugu zangu, mugamemyaje mahweso genyu ne zinghani ziswanu zono zili mbeka, swanu, na ze ling'ani, zono zilenguce, zono zikwendeza na ze cogopo.

I CILAGANE CIPYA 1991

⁸ Ze ndumilizo wandugu zangu, mugamemyaje mahweso genyu ne zinghani ziswanu zono zili mbeka, swanu, na ze lingʼani, zono zilenguce, zono zikwendeza na ze cogopo.

Wafilipi 4:8 ပူးပေါင်းရင်းမြစ်များ

Mwamulizo 18:19

Nimuhagula ho yawejize wanagwe hamonga no lulelo lwakwe, wayibate i nzila yangu nene no Muwaha Mulungu, mu wituma ziswanu na zo wiling'ano, nane no Muwaha Mulungu ho nimufisilizize zono namwihuwiza.”

2 Samwili 1:23

“Sawuli na Yonazani wo wanhu wo wizine, kanyhi weyendile. Wali wali hamonga mu wumi, na mu wufwe, kanyhi wali wamanyhi kuciza Ndi, wali wali vilungo kuciza simba.”

2 Samwili 23:3

Mulungu wa Isilayeli yalonga, u mudimi wa Isilayeli yanonjela yakatya, ‘Mutemi mono katemaga kwe ling'ani, mono katemaga mu cihuliko kuli Mulungu,

Zabuli 82:2

“Lecelenyi lukulu ning'aniza, yono si yili ling'ani! Kanyhi mulecele lukulu kuwahijila mbejele, no kuwendeza iwabi!

Zimbazi 11:1

U Muwaha Mulungu, sikendezwaga ne wanhu wono wetumamilaga vipimo vyo wukoci. Ninga mwene, kendezwaga ne vipimo vye ling'ani.

Zimbazi 12:4

U mucekulu musindile, lye 'lumbo ne nyemo kuli mulume wakwe, ninga mucekulu mono kamukozaga cevu u mulume wakwe, yehwanile lilonda libi muno, mu mafupa gakwe.

Zimbazi 16:11

U Muwaha Mulungu kendezwaga ne vipimo vye ling'ani no wuguzi wono wuling'aniciye.

Zimbazi 20:7

Wamotile wana, wono wena sogo yawo mwihuwilwa, kanyhi mono yakwituma ze ling'ani.

Zimbazi 31:10

Na mbeka kukamu kumutuga mugolece mono yakwiliye! Hambi nha yena wuguzi wukamu muno si nha vibwe vyo wuguzi wukamu!

Zimbazi 31:29

Mulume wakwe katezaga, “I wacekulu wenji, mbeka wagolece waswanu, ninga agwe wuwacizize wawo wose.”

Zimbazi 31:31

Wumulumbaje mugolece wako, muli zose zono yakwituma. Nayo, holeka kotuga lukumyo hali wanhu wose.

Lwimbo Luswanu muno 5:16

No mulomo wakwe, lono wukuwunonela, nye muswanu si! Ne zinghani zakwe zose, zinyendezaga muno. Holeka anye nyo wacekulu wa mu Yelusalemi, nhavivi vyo yenha u mwendece wangu.

Isaya 26:7

Gwe go Muwaha Mulungu, kuyitelemezaga nzila ye wanhu we ling'ani, wawa kukola mu nzila yo wuhihi.

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nha si cinji kuli'gwe.

Maluko 6:20

Na Helode yamogopaga Yohana, hambi nha yali yamanyile vyono mwene yali munhu we ling'ani kanyhi yelile, holeka yakamukamisa. Helode yali yendile kumuhuliciza Yohana, hamba yiwe kolo yamuhuliciza, yagazikaga muno.

Luka 16:15

Nayo yakawatya, “Anye mwinozaga muli waswanu ha meso ge wanhu, ninga Mulungu yo yazimanyile zinhumbula zenyu, hambi cono cijelaga cina lukumyo hali wanhu, Mulungu yakuciwona nha takataka du.”

Luka 2:25

Baho hali na munhu ku Yelusalemi litagwa lyakwe Simiyoni, no munhu yuyo, yali yali ling'ani na mwihuwilwa kuli Mulungu, yalanjililaga muno wukombozwe we Waisilayeli. No Muhe Mono Yelile yali yali muli mwene.

Luka 23:50

Kukawa na munhu yunji litagwa lyakwe Yusufu, mono yali munya citumbi cinji, ce Wayahudi, cono cicemwaga Alimataya. Yali munhu muswanu na wa cogopo.

Yohana 7:18

Ninga u munhu mono yakwilonjela mu wulajilize wakwe mweneco du, yakulondola u lukumyo lwakwe mweneco, ninga mono yakulondola u lukumyo lwa mono yamutuma, yuyo yaweza mwihuwilwa, na muli mwene musina wavu wo wose.

Metumo ge Watumwa 10:22

Wanhu wawo wakamutya, “Kolineliyo u muwaha we wasilikale yigana, munhu mono yali ling'ani, kanyhi mwihuwilwa, mono kamogopago Mulungu, kanyhi mono yena lilumbo mu nghungugo yose ye Wayahudi, kacituma. Yalonjelwa na Malayika mono yelile, yakuceme wubite ku kaya yakwe, ho yahulice nghani yo yose yono kowa wina nayo yo kumulonjela.”

Metumo ge Watumwa 22:12

“Kuko ku Damesiki kwali na munhu yunji litagwa lyakwe Ananiya, munhu muswanu, mukamisa wulajilize, mono yali yena lilumbo kuli Wayahudi wose, wono wekalaga kuko ku Damesiki.

Metumo ge Watumwa 6:3

Holeka wandugu zetu, mwiyihagulaje muli nyenye, wanhu mupunghati, we lilumbo, wono wamemile Muhe ne mahala, ciwawice mu mulimo wuwu.

Walumi 13:13

I mijendele yetu, yeze yina cogopo nha vyono yinojeye mu misi, cilece kuwa no wubugu no wugala wujimbi, si mwi'hede na mu wusenyha, si mu wugombane no wivu.

Walumi 13:3

Hambi wono watemile, nha si wakuwa kuwogofya iwanhu waswanu, langa iwanhu wabi. Holeka hono wuwe wukusaka wulece kumogopa munhu mono yena u wulajilize? Ale witumaje iziswanu, nayo kokulumba,

Walumi 14:18

Na mono yakumwitumamila Kilisito nhavivyo, yakuwa kumwendeza u Mulungu, no kulumbwa ne wanhu.

Walumi 2:29

U Muyahudi wa mbeka, yo yulya u Muyahudi wa mugati, yuyulya mono yalame mu nhumbula. Ne nghani yiyi, yo nghani ya Muhe, hamba si nghani ya mandiko go Wulajilize. No munhu we liwala lilyo, yakutuga lilumbo, si muli wanhu, langa muli Mulungu.

1 Wakolinto 4:5

Holeka mulece kuling'aniza lono vilo vikali si nafika, muzilekaje ziwe nhavivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, ku wulawa kuli Mulungu.

2 Wakolinto 13:7

Cikumulomba u Mulungu, ho mulece kwituma wubi wo wose, ninga si vyono ho cijele nha wanhu wono wakondya kusuma, langa ho musume kwituma ziswanu, hamba ase ciwe kwijela kotya nha cilemigwe.

2 Wakolinto 6:8

Nhondo zose ciwikanize kutuga lukumyo, kupegwa lilumbo no kubedegalwa, kuhoswa no kukumywa. Cikwijela nha cili walambi, kumbe ase ho cikulonga mbeka,

2 Wakolinto 8:18

Alu cikumutumiliza hamonga no ndugu yetu yunji mono u lukumyo lwakwe lutandaye mu makanisa gose ku soko yo wuganula u Luganuzi Luswanu.

2 Wakolinto 8:21

Ninga wuhile wetu, cikusaka citume viswanu du hali Muwaha, sunga na hali wanhu nhavivyo.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Waefeso 4:25

Holeka muwulekaje u wulambi, yinojeye mweze kulongana ze mbeka munhu na muyagwe, vyono ase wose cili vilunzwa vyo muwili wa Kilisito.

Waefeso 5:9

hambi imana go wuzelu nha gali mu wuswanu wose no wiling'ano ne mbeka.

Waefeso 6:14

Ale mwimaje mukamile! Ne mbeka yeze nha musipi mu viwino vyenyu, no wiling'ano weze nha civwalo co kumwimilenyi mu zimhambaga zenyu.

Wukumbucize wo Wulajilize 16:20

Holeka munojeye muyityatye no kuyibata ling'ani, ho musume kwikala no kuyitema yisi yono Muwaha Mulungu, u Mulungu wenyu, yakumupelenyi, kanyhi ho musume kujendelela kwikala mu yisi yiyo.

Wafilipi 3:1

Ze ndumilizo wandugu zangu, musecelelele muli Muwaha! Si nghukatala kwandika kanyhi zizilya zono nali nakondya kumwandicilenyi bahalya ha lulongozi, hambi nha zomonjelezenyi u wuswanu.

Wakolosayi 4:5

Mwikalaje nawo kwa mahala wono si wehuwiye, kanyhi mwitumamilaje viswanu i cilejeho cono mwina naco.

1 Watesalonike 4:12

Na muli zizo mo mokwitujila lilumbo yiswanu kuli awalya wono wakali si wanawa Wakilisito, kanyhi mowa musina soko yo kuwetumbila wanji ku soko ye visakwa vyenyu.

1 Timoteyo 2:2

so watemi na kuli wose wono wena u wulajilize, ho cikale mu mikalile yo wutuvu no mulamu, hamonga no wogopo Mulungu ne mijendele miswanu.

1 Timoteyo 3:11

Ne wagolece zawo nawo, yiwanojeye wawe ne mikalile miswanu, si waheha wanhu, wono si wakolwa, kanyhi wehuwilwa muli zose.

1 Timoteyo 3:4

kanyhi yimunojeye yeze munhu mono yasumile kuyitonga viswanu mhuga yakwe, no kuwanoza i wanagwe wawe ne cihuliko ne cogopo cose.

1 Timoteyo 4:12

Wulecele lukulu kulumba munhu wo wose ho yakubedegale ku soko yo wudodo wako, langa weze wuli musambo kuli wono wehuwiye: mu wulonje wako, mu mijendele yako, mu wendo, wihuwilo, na mu mikalile miswanu.

1 Timoteyo 5:10

yeze mono yena lilumbo yiswanu, umucekulu mono yawawiluse wanagwe viswanu, mono yawabocela wajenzi mukaya yakwe, mono yawazuguza magulu iwanhu wo Mulungu, yawataza wanhu mu wugaye wawo, kanyhi yelavya ku wituma metumo maswanu.

1 Timoteyo 5:2

nawo iwacekulu wadala, kotya nha wanyina zako, ne wahinza nawo, wuwatendelaje nha kotya walumbuzo, mu wele wose.

Tito 1:8

Langa yimunojeye yawe mucemezi, kanyhi mono yakwenda iziswanu. Kanyhi yimunojeye yawe munhu mutuvu, we ling'ani.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Tito 2:2

Wuwalonjelaje i wakombi vyono yiwanojeye waweze ne cisindo, wawe watuvu, weyimizi, kanyhi waweze no wihuwilo we telele, wawe no wendo hamonga no wukangalizi.

Tito 2:7

Yikunojeye gwegwe go mweneco weze wina musambo we metumo maswanu. Weze wuli mutuvu, ne mafundo gako geze gena wuzito.

Tito 3:14

Yiwanojeye wanhu wetu weyijize vyono yiwanojeye kuvitumila vidaha vyawo mu wituma ziswanu, ho wawataze wono wena wanjile we mbeka, ne mikalile yawo nayo yeze mikalile yono yinojeye.

Wahebelaniya 11:2

Hambi i wanhu we katali, nha watujila u wuvumilwe no Mulungu ku soko yo wihuwilo wawo.

Wahebelaniya 13:18

Mucilombelaje na sese. Cimanyiye lukulu vyono cina ciselinji ciswanu, hambi nha cendile kwituma yono yili ling'ani nhondo zose.

Yakobo 1:27

Hambi dini yono yelile, na yono yisina manamha manamha ha mwande yo Mulungu u Sogo yo munhu, nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

1 Petelo 2:12

I mijendele yenyu muli wanhu wono siwamumanyile Mulungu, yinojeye yiwe miswanu muno muno, na kolo wakumuvilenyi nha muli wetuma vibi, wasume kugawona i metumo genyu maswanu, ho wamulumbile Mulungu mwizuwa lyo wuze wakwe.

1 Petelo 4:8

Ne nghani mbaha muno muno, mwiyendaje yendi-yendi kwe nhumbula yose, hambi uwendo nha wuhiliwizaga wubi winji.

2 Petelo 3:1

Nyo wendece wangu, ayi yo baluwa yangu ye kejete yono nghumwandicilenyi. Na mu zibaluwa zizo zinyejete, nali kujela kumuswaswanizenyi i mahweso maswanu ga mu mahala genyu, ko kumukumbucizenyi zinghani zizi.

1 Yohana 3:18

Nye wanangu, wendo wetu wulece kuwa wa nonga du, langa wuweze wendo wa mu mbeka na mu witume.

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ng'o. Hambi i wawizi wenji wo wulambi nha wakwijela mononze.

Lutu 3:11

Holeka Lutu, wulece kwihwelela. Nane nokunozeza zose zono wukuhila, hambi wanhu wose wa mwi'kaya, nha wakumanyile vyono wuli mucekulu muswanu.