Wafilipi 4:6 - Luganuzi Luswanu Kuli Wanhu Wose 2002

⁶ Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

I CILAGANE CIPYA 1991

⁶ Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

Wafilipi 4:6 ပူးပေါင်းရင်းမြစ်များ

1 Watemi 8:28

Gwe go Muwaha Mulungu, u Mulungu wangu, ane nili mwitumami wako. Holeka wuhulice wulombe wangu, wumhele ne visakwa vyangu vyono nghukulomba izuwali.

2 Zinghomo 32:20

Ninga mwene mutemi Hezekiya, hamonga no muwizi Isaya u mwana wa Amozi, wakamulomba Mulungu no kumulilila yawapele wutazi.

Zabuli 51:15

Wundigulaje mulomo wangu, 'gwe go Muwaha Mulungu, ho sume kuzanza zo lukumyo lwako.

Zabuli 55:17

Ane nikalaga du nghulila ko wukalale, cinyamihe, hakali mitondo, na mu misi mugati, ninga mwene kolihulika lizi lyangu du.

Zabuli 55:22

Mulecelaje Muwaha Mulungu, wugazice wako wose, nayo kokucitila muli zose, hambi mwene nha si kamulekaga munhu, wakwe we ling'ani yasumwe.

Zabuli 62:8

Nye nyo wanhu, mumwitumbile Mulungu nhondo zose, kanyhi mumulonjele ne visakwa vyenyu. Hambi Mulungu nha wo wutizizo wetu.

Zimbazi 15:8

Nayo Muwaha Mulungu, kendezwaga no wulombe we wanhu we ling'ani. Ninga yagasulile makumbiko gono wamulavizyaga i wanhu wabi.

Zimbazi 16:3

Holeka yikunojeye wumukoze Muwaha Mulungu metumo gako. Ne mahweso gako ho gokangazwa.

Lwimbo Luswanu muno 2:14

Hambi nha wihwanile ngungulima, yono yihundikaga mu mapalika ga mu mabwe mawaha. Ta wundekaje nghulanje wusu wako vyono wunojeze, nilihulice ne lizi lyako, lyono likunhamisa mu nhumbula yangu.

Yelemiya 32:16

Nane, nali neza kukondya kumupela Baluku, zikalatasi zizo, hodu, nghawa kumulomba Muwaha Mulungu nghatya,

Yelemiya 33:3

“Wunyheme 'ne, nane nokupitula, nane nokulajila zinghani zimbaha, zono si wuzimanyile yaye.

Danyeli 3:16

Shedilaki, Meshaki na Abedinego wakamupitula wakamutya, “Gwe mutemi, ase sicokwilewela co weneco.

Danyeli 6:10

Nayo Danyeli yali yeza kumanya vyono lilajilizo lilyo lyawicilwa ne citanjilo, yakawa kubita ku kaya yakwe. Na mu cinyumba ca kucanyha ku golofa ya mu kaya yakwe, cali cina madilisha gono vyali vidomile na Yelusalemi. Baho, yakafugama ha madilisha ge nyumba yakwe, vyono gali gali mwazi, yakamulomba Mulungu nghanghulo yidatu kwe zuwa, nha vyono yali yazoweye.

Matayo 10:19

Holeka kolo wakumutegulenyi kuli mahakama, anye mulece kuwa na mahwele kuli zono molonga hamba lunji molonga nyhici, hambi nha mopegwa yono molonga mu cipango cico.

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Matayo 6:34

Holeka mulece kuwa na mahwele ku soko ye lizuwa lye mitondo, hambi imitondo nha yowa ne mahwele gayo nayo. Holeka hasina soko yo kutowelela u wugaye, vyono izuwa no wugaye wayo wulikwiliye.”

Matayo 6:8

Anye mulece kuwa nha vyono wenha wawo. Hambi u Sogo yenyu nha yavimanyile i visakwa vyenyu, sunga na lono mukali si namulomba.

Luka 10:41

Ninga Muwaha yamupitula yakatya, “Gwe Malita, Malita, nhawule wukwigaza no kwihwelela ku soko ya vinhu vinji,

Luka 12:22

Yesu yakawatya wejizwa wakwe, “Ku soko yiyo holeka nghumutyenyi anye. Mulece kwihwelela so ndigwa yono molya ho mwikale womi, hamba so myenda yono mosaka so miwili yenyu.

Luka 12:29

Holeka mulece kugazika mu mahala genyu, akuno mukuhangawicila cono molya, hamba cono mong'wa.

Luka 18:1

Hanyuma Yesu yakawalonjela cihwanicizo Wejizwa wakwe, yakuwalajila vyono yiwanojeye kulomba nhondo zose, walece kukatala.

Luka 18:7

Alu ma, Mulungu nayo, si kowalamulila wahagulwa wakwe wono wamulililaga misi ne cilo? Hambi kocela kuwataza?

1 Wakolinto 7:21

Wule, agwe wali wuli muwanda lono wacemelwa? Sawa! Wulece kwihwelela, ninga hono wutuje cilejeho co kuwopolwa, ale wucitumamilaje cilejeho cico.

1 Wakolinto 7:32

Ninga ane nali nyende anye mulece kuwa na mahwele. U munhu mono yasina mugolece, yuyo kepiganzaga ne milimo yo Muwaha, mu nghango vyono kosuma kumwendeza u Muwaha.

2 Wakolinto 1:11

nha vyono mukucitaza so wulombe wenyu. Holeka u wulombe wenyu wono mukucilombela muno, wopitulwa, no Mulungu kocilugutiza, na wanhu wenji wokwinula i mazi gawo, wawe kumulumbo Mulungu ku soko yetu.

Waefeso 5:20

Mumulumbaje u Mulungu Baba nhondo zose ku soko ya zose, mwi'tagwa lyo Muwaha wetu Yesu Kilisito.

Waefeso 6:18

Mweze kulomba nhondo zose, mukulomba u wutazi wo Mulungu. Mweze kulomba madaha gose mu vilungo vyo Muhe. Mwikalaje meso, mulece kukatala, mukuwalombela i wanhu wose wo Mulungu.

Wakolosayi 3:15

No mulamu wa Kilisito wuteme mu zinhumbula zenyu, hambi ku soko yiyo, nanye nha mwacemwa ho muwe muwili wuwo wumonga. Kanyhi muwe mwina lilumbo!

Wakolosayi 3:17

Na zose zono mukwituma, mu wulonje, hamba mu witume, mwitumilaje zose mwitagwa lyo Muwaha Yesu, akuno mukumulumbila u Mulungu Baba muli mwene.

Wakolosayi 4:2

Mweze kulomba nhondo zose, kanyhi mweze kulanjilila lono mukulomba, akuno mukumulumba u Mulungu.

1 Timoteyo 2:1

Ale, yinongozi muli zose, nghukong'onheza vyono wilombela ziswanu, wolombe, wulombezi, no wulumbe, vilavywe kuli Mulungu so wanhu wose,

1 Timoteyo 5:5

Ale, umucekulu mono mufwile mbeka, mono yasina munhu wo kumutaza, yakondya kumuwicilo Mulungu witumbilo wakwe, kanyhi yakujendelela kumulomba Mulungu no kuneneleza u wutazi wakwe cilo ne misi.

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

1 Petelo 5:7

Mumulecelaje u Mulungu zose zono zikumugazenyi mu zinhumbula zenyu. Hambi mwene nha yo yakumudimenyi.

1 Samwili 1:15

Nayo Hana yakamupitula yakatya, “Ng'o, ye, 'gwe mukohani ane, si ngalile yaye, hamba nghali si nang'wa divayi yaye! Langa nhumbula yangu yimemile wukalale. Nane nali nili muwulombe, nghumuwicila Muwaha Mulungu wugaye wangu.

1 Samwili 30:6

Alu nhondo, Dawudi yakenjila mu magayo mawaha, sunga ne wanhu wakwe wose mwipango lilyo, wakawa na wusungu wuwaha muno muno mu zinhumbula zawo so wajiliza i wana wawo we cilume na we cicekulu. Sunga nhondo wasakaga wamutowanje Dawudi ne mabwe. Ninga Muwaha Mulungu, u Mulungu wakwe, yakamupela vilungo.

1 Samwili 7:12

Baho Samwili yakasola yibwe, yakalisimya hagati ya Mizipa na Sheni, yakatya, “U Muwaha Mulungu kacitaza mu nzila yose.” Holeka yakalicemela litagwa lya Ebene-zeli. Nhunizo yayo Libwe lyo wutazi.