Wafilipi 4:3 - Luganuzi Luswanu Kuli Wanhu Wose 2002

³ Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

I CILAGANE CIPYA 1991

³ Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

Wafilipi 4:3 ပူးပေါင်းရင်းမြစ်များ

Zabuli 69:28

Wuwapatilaje lukulu mu citabu ce womi, walece kuwa mwi'walo lya we ling'ani.

Wutuluce 32:32

Ninga aluno go Muwaha Mulungu, ane nghukunena, wuwanenele wubi wawo. Na hono wulece kuwanenela, ale, nghukunena ciba nane wumhate mu citabu cako cono wuwandice wanhu wako.”

Isaya 4:3

Na muli wose mono kololekwa mu Yelusalemi, mono Mulungu yamulecile mumi, yuyo kolocemwa yelile.

Ezekiyeli 13:9

Nomuling'anizenyi no kumulipicizenyi, anye wose nyo wawizi mono mulongaga zo wugubulilwe wenyu wo wulambi, no kuwajiliza wanhu ku soko yo wuwile wenyu wono si we mbeka. Holeka ku soko yiyo, nanye si mowalilizwa yaye hamonga ne wanhu wangu, mu wihangulize wawo, sunga ne matagwa genyu, si gokwandikwa yaye mu zinghomo ze wanhu wa Isilayeli. Nanye hamba si molowuyila lukulu ku yisi yenyu. Nanye nhondo baho, ho molomanyila vyono, ane yo nene Muwaha Mulungu.

Danyeli 12:1

Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

Luka 10:20

Hamba nhavivyo, mulece kusecelela vyono macisi gakumuhulicenyi; langa musecelele vyono matagwa genyu gandikwa ku wulanga.”

Walumi 12:1

Holeka wandugu zangu, vyono u Mulungu yo wo lusungu lwinji, holeka nghumunenenyi ko mutima wangu wose, mwiyilavye nyenye mo weneco muwe likumbiko lyumi, lyelile, lyono likumunojeza u Mulungu. Na yiyi yo nzila yenyu yo kumuhembela mu wulunji.

Walumi 16:12

Munamusizaje wa Telufena na Telufosa, wono wakwituma muli Muwaha, no mwendece wangu Pelisi, mono yetuma u mulimo ku soko yo Muwaha.

Walumi 16:9

Mulamu kuli Ulubano, u mwitumami muyangu mu witumami wa Kilisito, mulamu wangu kanyhi kuli wendece wangu Sitakusi.

Wafilipi 1:12

Ale wandugu zangu, nghuhila mumanye vyono, zose zono zanyagana, zanhaza muno mu wujendeleza u Luganuzi Luswanu.

Wafilipi 1:16

Awa wakwituma nhavivyo ko wendo, hambi nha wamanyile vyono u Mulungu yo yamhelile u mulimo wuwu wo kulutetela u Luganuzi Luswanu.

Wafilipi 1:27

Ninga nghani mbaha yoyi, i mikalile yenyu yiweze yilunojeye u Luganuzi Luswanu lwa Kilisito, nane hono sume kuza kwenyu, hamba ndece kusuma kuza, hulice vyono mwimile mukamile mwina nhumbula monga, na vyono mukwihoma no wulugu muli hamonga, kanyhi mwina no mutima wumoga ku soko yo wihuwilo wo Luganuzi Luswanu.

Wafilipi 1:5

ku soko nha vyono mwanhaza mu mulimo wo Luganuzi Luswanu ku wulawilila mwi'zuwa alilya lilongozi sunga izuwali.

Wafilipi 1:7

Na vyo yinojeye nimwihwesezenyi, hambi nha nghumukumbucilenyi nhondo zose mu nhumbula yangu. Hambi na nyenye wose, nha muhanjile na nene, mwi'hewa lyono yamhela u Mulungu ho nilutetele no kulukangaza u Luganuzi Luswanu, mwi'daha lili lono nili mu jela, na kanyhi sunga na bahalya ha lulongozi lono nali nghali nawopwa mu jela.

Wafilipi 4:2

Anye Ewudiya na Suntike, nghumulombenyi dedede mujele kuwa mwilumbanizize kumonga kotya munhu no mwanakwawe, muli Muwaha.

Wakolosayi 1:7

Mweyijiza ze lihewa lyo Mulungu kulawa kuli Epafula u mwitumami muyetu, u mwitumami mwihuwilwa wa Kilisito ku soko yetu.

Wugubule 13:8

Na wose wono wekaye mono'nze wolihemba, ninga awalya wono matagwa gawo mandikwe mu citabu co wumi co Mwana we ngholo, mono yawulagwa ku wulawo mwamulizo we yinze, wawo langa si wolihemba yaye.

Wugubule 17:8

I lilimu lilyo lyono wuliwene, lyono lyali lyumi hamwamulizo, ninga aluno lyakondya kufwa. Ninga hamba nhavivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kono'nze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo we'nze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

Wugubule 20:12

Nane nghawona i wafu wawaha ne wadodo, wemile he'goda lyo wutemi, ne vitabu vikagubulwa. Hanyuma citabu cinji, i citabu co wumi, naco nhavivyo cikagubulwa. Iwafu wakaling'anizwa nha vyono genha metumo gawo, nha vyono yandikwe mu vitabu vivyo.

Wugubule 20:15

No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Wugubule 21:27

Ninga hasina cisemunwa co cose cono colokwinjila mumo, hamba munhu wo wose mono ketumaga i makani ge cikomaza, hamba i makani go wulambi lambi, yuyo si kokwinjila mumo. Langa wono wokwinjila mumo mugati, wo wawalya du wono wandikwe mu citabu co wumi co Mwana we ngholo.

Wugubule 3:5

“Nawo wono wosuma, wovwikwa vivwalo vizelu nhavivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.