Wafilipi 3:9 - Luganuzi Luswanu Kuli Wanhu Wose 2002

⁹ no kwilunziza nayo lukulu. Alu ane si nghuwusacila lukulu kanyhi u wiling'ano wa mu wuhulika u wulajilize, hambi alu nha nawutuga u wiling'ano wono wukwijelela mu nzila yo kumwihuwila Kilisito, u wiling'ano wono wukulawa kuli Mulungu, wono wukuziza mu wihuwilo.

I CILAGANE CIPYA 1991

⁹ no kwilunziza nayo lukulu. Alu ane si nghuwusacila lukulu kanyhi u wilingʼano wa mu wuhulika u wulajilize, hambi alu nha nawutuga u wilingʼano wono wukwijelela mu nzila yo kumwihuwila Kilisito, u wilingʼano wono wukulawa kuli Mulungu, wono wukuziza mu wihuwilo.

Wafilipi 3:9 ပူးပေါင်းရင်းမြစ်များ

Mwamulizo 7:23

U Mulungu yakavyongomezeza lukulu i viwumbwa vyose vyumi vyono vyali vili mono'nze, wanhu wose, vilimu, ne viwumbwa vyono vitambalaga, sunga ne zindeje zose zono zangaga mucanyha, vivyo vyose, vikongomezezwa lukulu. Wono wasigala, wali wo wa Noha du, hamonga na wawalya wono wali wali hamonga na Noha mugati ye Safina.

1 Watemi 8:46

“Na kolo wanhu wako wakukusutizya, hambi nha hasina munhu mono si ketumaga wubi, nagwe mwi'kuwo lyako wuwalece walugu wawo wawasume, kanyhi wawasole wenha wafungwa wawategule ku yisi yinji, hamba yisi yiyo yiwe yili kutali muno muno,

2 Zinghomo 32:25

Ninga mwene Hezekiya yakamema wikumyi mu nhumbula yakwe, hamba kulajila lilumbo kuli Muwaha Mulungu muli zose zono Mulungu yamutendeye. Na ku soko yiyo, Muwaha Mulungu yakamukolelwa likuwo, hamonga ne wanhu wa Yuda na Yelusalemi.

2 Zinghomo 32:31

Ninga lono watemi wa Babiloni, watumila wanhu waze kuli Hezekiya, wamuwuze ze vitanjilo vyo wizine, vyono vyejela mu'si, baho langa Mulungu yakamuleka Hezekiya yetume nha vyono kowona mweneco, ho yamumanye zono zili mu nhumbula yakwe.

Zabuli 14:3

Wose wapatuka, wose watipiye, hasina mono ketumaga ziswanu, hasina hamba monga.

Zabuli 143:2

Kanyhi wulece kuning'aniza ane no mwitumami wako, hambi hali'gwe nha hasina mono yali ling'ani, hamba yumonga bwete.

Zabuli 19:12

Ninga 'lu nani 'mbi, mono kewonaga i masutya gakwe mweneco? Gwe go Muwaha Mulungu, wumhonye ne masutya gono sinigamanyile.

Muganuzi 7:20

Na mbeka, hasina munhu wo wose mono'nze mono yali ling'ani, mono ketumaga ziswanu du nhondo zose, hamba kwituma wubi yaye.

Isaya 46:13

Nowusejeleza wiling'ano wangu nawo hamba si wuli kutali yaye. No wusume wangu hamba si wocela yaye noyiponya Yelusalemi, niwapele ne lilumbo lyawo wanhu wa Isilayeli.”

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Isaya 53:6

Ase wose cinha zingholo zono zajiliye, munhu yakubita na nzila yakwe mweneco. Ninga Muwaha Mulungu yakamulipiciza so sese, u wulipicizwe wono wali wucinojeye sese co weneco.

Isaya 6:5

Nane hobaho nghawa kutya, “Woyi hee! Nha najilila! Hambi nghani zose zono nongaga mu mulomo wangu, nha ziwezaga 'mbi du, nane cikalane hamonga ne wanhu wono wekalaga wakulonga makani mabi du. Ninga nane luno ho nakondya kumuwona Mutemi, u Muwaha Mulungu we mihanga!”

Yelemiya 23:6

No mutemi yuyo kolo yatema, i wanhu wa Yuda, wolowa wekaye wapolile. Hambi u mutemi yuyo nha kolocemwa, ‘U Muwaha Mulungu Muponyi wetu.’ ”

Yelemiya 33:16

Ne wanhu wose wa Yuda sunga na wa Yelusalemi, woloponywa no kwikala wapolile. Ne likaya lyolocemwa, ‘U Muwaha Mulungu yo ling'ani yetu.’

Danyeli 9:24

“Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Matayo 9:13

Holeka mwiyijizizaje mu nhunizo ye zinghani azino, ‘Ane nghusaka lusungu du, hamba si makumbiko.’ Hambi ane nha si naza ho niwaceme iwanhu waswanu, ng'o, langa iwanhu wabi.”

Walumi 1:17

Hambi u Luganuzi Luswanu, nha lukulajila calinze, vyono u Mulungu yakuwanoza iwanhu, ho wavumilwe no mwene, ne nghani yiyi, yikuwa kunozezwa mu wihuwilo, ku wulawa ku mwamulizo, sunga ko ku ndumo. Nha vyono yandikwe, “Mono yakuvumilwa no Mulungu so wihuwilo, kowumipa.”

Walumi 10:10

Hambi nha cikwihuwila mu nhumbula, no kunozwa ling'ani no Mulungu, na kanyhi cikuvumila kwe milomo yetu no kuyituga mhonelo.

Walumi 16:7

Kanyhi mulamu kuli Andeloniko na Yuniya, iwayangu wono cadindilanwa hamonga nawo mu jela, wene wamanyice muno muli iwatumwa, kanyhi wene wanongolela kuwa Wakilisito.

Walumi 5:21

Nha vyono ivilungo vyo wubi, viletaga lifwa, navyo ivilungo vye lihewa viletaga wiling'ano, na kundumilizo, wumi we cibitilila mu nzila ya Yesu Kilisito u Mutwa wetu.

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yiling'aniye no muwili wetu ase co wanyo wubi, ho vidome no wubi, na so muwili wuwo, yakawusuma u wubi.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

2 Wakolinto 5:17

No munhu wo wose hono vilunze na Kilisito, yakuwa ciwumbwa cipya, i ze katali zapuluta, alu zaweza mhya.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wiling'ano wo Mulungu.

Wagalatiya 2:16

Ninga cimanyiye lukulu vyono u munhu si kosuma kuvumilwa hali Mulungu ku soko yo kuwibata u Wulajilize, langa so kumwihuwila Yesu Kilisito du. Na sese cimwihuwiye Yesu Kilisito nhavivyo ho cisume kuvumilwa hali Mulungu mu nzila yo wihuwilo wetu kuli Kilisito, hamba si so wibate wo Wulajilize.

Wukumbucize wo Wulajilize 27:26

“Malijito go Mulungu, geze muli munhu wo wose mono si yakugebata malajilizo go Mulungu hamonga ne mejizo gakwe. “Nawo wanhu wapitule wose hamonga watye, ‘Heya!’ ”

Wafilipi 3:6

nane nali nili mupiligazi muno, ninga naligazaga likanisa. Na ku so wiling'ano wono wukutujilwa mu wuhulika u wulajilize, ane nghawa sina yilema lyo lyose.

2 Timoteyo 1:9

Mwene yacikomboza, kanyhi yakacicema ciwe wanhu wakwe mweneco, si ku soko vyono cinojeye so metumo getu, aa, ng'o, ninga ku so wuhile wakwe mweneco, na so lihewa lyakwe. Nayo yakacipela i lihewa lilyo ku soko ya Kilisito Yesu, lono vilo vyali vikali si vinawa.

Tito 3:5

yakacikomboza. Si yacikomboza ku soko ye nghani yo yose swanu yono cetuma sese, langa yacikomboza ku soko yo lusungu lwakwe, mu nzila yo Muhe Mono Yelile mono yakucipela ho cilelwe wupya, no kuwa ne mikalile mipya ko kucikwema kwe malenga.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.

Yakobo 3:2

Hambi na sese wose nha cisutyaga kali kenji. Ninga hone munhu sikasutyaga mu wulonje wakwe, munhu yuyo kowa yakwilaniciye, kanyhi kosuma kuwimila muwili wakwe wose.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

1 Yohana 3:4

Munhu wo wose mono yakwituma wubi, yakuwubena u wulajilize wo Mulungu, hambi u wubi nha wo wubena u wulajilize.