Wafilipi 3:8 - Luganuzi Luswanu Kuli Wanhu Wose 2002

⁸ Heya, hamba si nhavivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene, ane navumila kugaleka gose, nane nghagawona gago gose nha takataka, ho nimutuje Kilisito,

I CILAGANE CIPYA 1991

⁸ Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito,

Wafilipi 3:8 ပူးပေါင်းရင်းမြစ်များ

1 Watemi 14:10

Holeka nane ku soko yiyo, nokuletela wongomele munyumba yako, nowawulaga we cilume wose wa mu nyumba yako, i wana wadodo, hamonga ne wanhu mututu wose. Nane nowaleka wa mu mhuga yako wafwagulwe nhe matakataka.

2 Watemi 9:37

Sunga ne mafupa gakwe geyagazwe, gagumilwe ako na ako kotya matope, sunga ne wanhu walece kugamanya watye, “Ayu Yezebeli.”

Jobu 20:7

Ninga vyo koputwa nhe manghundi du, na wose wono wali wamumanyile, wolokwizina kolo si wakumuwona, wawe kutya, ‘Yali hayi?’

Zabuli 126:6

Wono wakubita ku wuhadici akuno wakulila, wowuya wasangalaye wadinghuye ne ndudula yawo.

Zabuli 73:25

Alu nani 'mbi kanyhi ku wulanga, mono kosuma kunhaza, langa hono si gwegwe du? Na hono niwe nili hamonga nagwe mono'nze, hamba sinosuma kwanjila cinji yaye.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

Malaki 2:3

Nane nowalipiciza wana wenyu, niwubuluje wusu wenyu ne matope ge mitugo zenyu zono mukulavya. Nanye mosolwa mutagwe ku cugulu hamonga ne matope gago.

Wuwale 14:30

Nali nihuwize vyono, anye wose mokwikala mu yisi yiyo, ninga luno, hasina hamba monga wa muli nyenye mono kosuma kwinjila mu yisi yiyo, langa Kalebi du na Yoshuwa, wo wosuma kwinjila.

Luka 1:43

Alu ne nili nani sunga nyina yo Muwaha wangu yanyizize?

Luka 11:20

Ninga hono niwe nghulavizya macisi mu vilungo vyo Mulungu, ale mumanye vyono wutemi wo Mulungu, wakondya kumuzizenyi.”

Yohana 14:20

Mwizuwa lilyo, anye ho molomanya vyono ane nili muli Baba, nanye muli muli nene, nane nili muli nyenye.

Yohana 14:7

Mhali mumanye ane, ho mwali mumumanye na Baba. Alu na lulu mumumanyile, kanyhi mwakondya kumuwona.”

Yohana 16:3

Wolomunozezenyi nhavivyo, ku soko vyono si wamumanyile Baba, hamba na nene si wamanyile yaye.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 17:8

Ane nakondya kuwapela inghani yako yono wamhela, nawo wayibocela, nawo wamanya vyono mbeka nalawa kwako, nawo wehuwiye vyono gwegwe wanhuma.

Yohana 20:13

Wamalayika wawo, wakamuwuza wakutya, “Alu yaya wukulilila cici?” Mwene yakatya, “Wamuwusa Muwaha wangu, hamba simanyile hono wamuwicile!”

Yohana 20:28

Tomaso yakapitula yakamutya, “Muwaha wangu no Mulungu wangu!”

Metumo ge Watumwa 20:24

Ninga ane si nghuganiciza wumi wangu nha cinji cikamu kuli'ne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Walumi 8:18

Hambi nha nghuwona vyono magayo ga lulu si nghani yaye, hono cigaling'anize no lukumyo lono lologubulilwa kuli'se.

Walumi 8:39

hamba iyinze ya kucanyha, hamba ya hasi muno. Hasina ciwumbwa cinji cose, cono cosuma kucitemanula mu wendo wo Mulungu, wono wuli muli Kilisito Yesu u Mutwa wetu.

1 Wakolinto 2:2

Na kanyhi, hamba si nasaka ho manye nghani yo yose ya muli nyenye, langa nghani monga du, heya, nimumanye Yesu Kilisito du, u mwene Kilisito mono yatumbikwa mu musalaba.

1 Wakolinto 9:10

Hamba yalongaga ku soko yetu, lono yalonjela nhavivyo? Na mbeka azi zandikwa ku soko yetu sese, ku soko vyono ayulya mono yakulima, na ayulya mono yakududula, wose vyono wejete, nha wanojeye ling'ani yo kuwa no witumbilo, vyono wotuga.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

Wagalatiya 1:16

Nayo yaza yeza kulamula du kungubulila zo Mwanagwe, ho niluganule u Luganuzi lwakwe Luswanu kuli wanhu wono si Wayahudi, nane si nejelela kuwuza mahweso kuli wanhu wanji,

Waefeso 4:13

Sunga cize ciwuficile u wumonga wo wihuwilo no kumumanya u Mwana wo Mulungu; ho ciwe wanhu wono cikangaye no kuwuficila u wukwilanicile wa Kilisito mweneco.

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

Wafilipi 3:10

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo,

Wafilipi 3:12

Si nghwiwona vyono kotya nakondya kusuma, hamba vyono nakondya kuwa nghwilaniciye, langa nghujendelela kusimbilila ho nicituje i cipegwa cono nebatilwa na Kilisito Yesu.

Wafilipi 3:7

Ninga muli zizo zose zono nali kwihwesa vyono zo ze cambuzi, nghaziwona vyono kumbe wambuce du, ku soko ya Kilisito.

2 Timoteyo 4:6

Ninga ane ku lubavu lwangu, niwikanize du, ku wulavywa niwe yikumbiko, ne lidaha lyo wufwe wangu nha lyasejelela.

Wahebelaniya 3:14

Hambi ase nha ceza cili hamonga na Kilisito, soko ciwe ciwukamise muno muno u witumbilo wetu wono cali cina nawo hamwamulizo.

1 Petelo 2:7

Ale kuli'nye mono mwihuwiye, ilibwe lilyo lyo lyo wuguzi wukamu, ninga kuli walya wono siwehuwiye, “I libwe lyono walilema iwazenji, ninga alu lyo lyeza libwe liwaha lyo musinji.”

2 Petelo 1:2

Ilihewa no Mulamu vyeze kuli'nye mu wumumanyo Mulungu, na Yesu Kilisito Mutwa wetu.

2 Petelo 1:3

Mu vilungo vyakwe vyo wulungu, u Mulungu yacipela vyose vyono cisakaga, ho cisume kwikala mu mikalile yo kumogopo Mulungu, no kumumanya mwene mono yacicema ho ciwuhanje ulukumyo no wuswanu wakwe mweneco.

2 Petelo 1:8

Na kolo mukuwa no winji wa zizi zose, zomunozenyi muwe muli wetumi, no kutuga cambuzi mu wumumanya Mutwa wetu Yesu Kilisito.

2 Petelo 3:18

Ninga mujendelele kuwilucila mwihewa no mu wumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.

1 Yohana 1:3

Cico cono cawona, na cono cahulika, co cikumwanzizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

1 Yohana 2:19

Ne wanhu wawo wakulawilila muli sese, ninga i mbeka, si wali wayetu, na ku soko yiyo holeka wakawuka, hambi mhali wawe mbeka wayetu, wali wawe wali hamonga na sese. Ninga alu wawuka, wakabita kono wakusaka, ho yijele calinze vyono si wali wayetu.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.