Wafilipi 3:20 - Luganuzi Luswanu Kuli Wanhu Wose 2002

²⁰ Ninga ase cili wanya ku wulanga, nase cikumulindiliza cikaluce muno, u Mukombozi yaze ku wulawa ku wulanga, u Muwaha Yesu Kilisito.

I CILAGANE CIPYA 1991

²⁰ Ninga ase cili wanya ku wulanga, nase cikumulindiliza cikaluce muno, u Mukombozi yaze kuwulawa ku wulanga, u Muwaha Yesu Kilisito.

Wafilipi 3:20 ပူးပေါင်းရင်းမြစ်များ

Zabuli 16:11

Agwe kondajila nzila yono yibitile ku wumi, hali'gwe yimemile nyemo, na mu muwoko wako mo mozili ziswanu ze cibitilila.

Zabuli 17:15

Ninga ane nokuwona, hambi nha sina wusutye, nane kolo neza kwinuka, nowa nina nyemo ku soko yo kukuwona.

Zimbazi 15:24

Ne wanhu we mahala, wayityatyaga nzila yono yiwatonganga ko ku wumi. Ninga si wayityatyaga nzila yono yowatonga sunga kwi'fwa.

Matayo 19:21

Yesu yakamulonjela yakatya, “Ale, hono wukusaka wuwe munhu mono wukwilaniciye, ale wubite wukaviguze ivinhu vyose, wuwapele iwaciwa, nagwe ho kowa na ciwutwa ku wulanga, hanyuma ho wuze wunhyatye.”

Luka 12:21

Yesu yakamalila ko wutya, “Ale, vyo yinha kuli munhu mono yakwiwicila sawo ku soko yakwe mweneco, nayo si mugoli kuli Mulungu.”

Luka 14:14

nagwe kolugutizwa, hambi nha wasina vyo kukuhaliza; nagwe kolohalizwa no Mulungu ha wuzuce wa we ling'ani.”

Metumo ge Watumwa 1:11

nawo wakatya, “Nye nyo wanhu wa Galilaya, alo so cici mwimile mugalamiye ku wulanga? Ayu Yesu mono yasoligwe kuli'nye no kuwuya ku wulanga, kolokuza kanyhi nhavivyo vyono mumuwene yakubita ku wulanga.”

1 Wakolinto 1:7

hamba si mucepuciywe cinji muli icipegwa co cose ca mu nhumbula, hono muwe mukuwulindila u wugubulwe wakwe u Muwaha wetu Yesu Kilisito.

1 Wakolinto 15:48

Holeka i wanhu wose vyono walawa mu muhangha, ale, wehwanile nha vyono yenha yuyo mono yawumbwa ko muhangha, awalya wa ku wulanga nawo, wehwanile nha vyono yenha yulya mono yalawa ku wulanga.

2 Wakolinto 4:18

Holeka ase cikuvilanjilila muno muno vinhu vyono si vijelaga, hamba si vinhu vyono vijelaga. Ku soko vyono vijelaga, nha vya cidaha cidodo du, ninga avilya vyono si vijelaga, vyo vikalaga cibitilila.

2 Wakolinto 5:8

Ninga hamba nhavivyo, cikamile du. Kanyhi cali cende cihame mu wikalo wuwuno wa mu muwili no kuhamila kuli Muwaha.

Wagalatiya 4:26

Ninga Yelusalemi ya ku wulanga, lye'kaya lilelele, nayo yo nyina yetu ase.

Waefeso 2:19

Holeka alu anye si muli wajenzi kanyhi, hamba si muli wanhu wakola nzila kanyhi, langa muli Wanyawusi hamonga ne wanhu wo Mulungu, kanyhi muli wanhu we Nyumba yo Mulungu.

Waefeso 2:6

Ku soko yo wilunza na Kilisito, Yesu, u Mulungu yacizukula hamonga nayo, ho cikateme hamonga nayo ku wulanga.

Wafilipi 1:10

ho musume kuhagula zinghani ziswanu. Baho ho mowa mwina nhumbula nzelu, kanyhi musina yilema sunga ko Kwi'zuwa lya Kilisito.

Wafilipi 1:27

Ninga nghani mbaha yoyi, i mikalile yenyu yiweze yilunojeye u Luganuzi Luswanu lwa Kilisito, nane hono sume kuza kwenyu, hamba ndece kusuma kuza, hulice vyono mwimile mukamile mwina nhumbula monga, na vyono mukwihoma no wulugu muli hamonga, kanyhi mwina no mutima wumoga ku soko yo wihuwilo wo Luganuzi Luswanu.

Wakolosayi 1:5

Hambi nha mwazihulika zo witumbilo, wono wukwijela muli mwene baho ha lulongozi du, lono mwayihulicila inghani ye mbeka yo Luganuzi Luswanu. Holeka aluno u wihuwilo wenyu, no wendo wenyu, vili mu nghani yiyilya yono mwayitumbila yono muwiciywe viswanu ku wulanga.

1 Watesalonike 1:10

na luno mumulindilize u Mwanagwe yatime kulawa ku wulanga, mono u Mulungu yamuzukula muli wafu, yo Yesu, mono yakuciponya ne likuwo lyo Mulungu lyono likuza.

1 Watesalonike 4:16

Hambi nha wololavywa u wulajilize, lizi lya malayika muwaha, ne lizi lye ndulele yo Mulungu, nayo u Muwaha mweneco kolotima kulawa ku wulanga. Hobaho awalya wono wawuka kononze akuno wamwihuwiye Kilisito, wololongola kuzukulwa.

2 Timoteyo 4:8

Alu yisigaye yo wubocela i cipegwa co wisumanize wangu, ku soko ye mikalile yo wiling'ano, i cipegwa cono Muwaha Muling'anizi we ling'ani, kolomhela Mwizuwa lilya, kanyhi hamba si nene du nili wene, langa na wose wono wakulanjilila ko wendo i mazizo gakwe.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lo Mulungu Muwaha no Mukombozi wetu Yesu Kilisito.

Wahebelaniya 12:22

Ninga anye muficile mwi'tunda lya Sayuni, ku kaya yo Mulungu mumi. Muficile Yelusalemi, ilikaya lya ku wulanga, kono wekonghoye wa malayika maelufu menji si wakuwala.

Wahebelaniya 9:28

nhavivyo nayo Kilisito, yelavya likumbiko lwa kamonga du ho yawuwuse u wubi wa wenji. Nayo yalaza kuza lwe kejete, ho yalece kuziza so wihoma no wubi, langa so kuwakomboza wawo wono wakumulindila.

Wugubule 1:7

Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kono'nze, gololila ku soko yo mwene. Heya! Vyo yiweze.