Wafilipi 3:2 - Luganuzi Luswanu Kuli Wanhu Wose 2002

² Mwilegaje na wawo wono wetumaga wavu, wawo wono wenha mabwa, wanhu wono wakukangaza u witemanje mu muwili.

I CILAGANE CIPYA 1991

² Mwilegaje na wawo wono wetumaga wavu, wawo wono wenha mabwa, wanhu wono wakukangaza u witemanje mu muwili.

Wafilipi 3:2 ပူးပေါင်းရင်းမြစ်များ

Zabuli 119:115

Mbucilenyi 'nye nyo wanhu wabi, nane ho nigebate malajilizo go Mulungu wangu.

Zabuli 22:16

Wihangulize wa wetuma zo wavu, wumhilime, wamhilime kose kose kotya litewa lya mabwa, wanhobola miwoko ne magulu.

Zabuli 22:20

Wumhonye no mumaje! Wumhonye wumi wangu ku wulawa mu mabwa gaga!

Zimbazi 26:11

U munhu mulele, kawuyilaga kanyhi kwituma zinghani zo wulele, nhe libwa lyono liwuyilaga madeko galyo.

Matayo 24:10

Na mu vilo vivyo, wanhu wenji wolowuleka u wihuwilo wawo, wolokwigalucila weneco wose no kwisula.

Matayo 7:15

“Mwilanjililaje kuli iwawizi wo wulambi. Wono wakumuzizenyi, akuno wakwijela kunze nha ngholo, ninga mugati yawo ho maminzi makali.

Matayo 7:6

“Mulece kuzipela izimbwa ivinhu vyono vyelile, ho zilece kupituka no kumulumanjenyi, hamba mulece kuzigumila izilulu zenyu ha mwande ye zingubi, ho zilece kuzikanyanjila.”

Walumi 2:28

Nha cinji wo wutya, si vyono Muyahudi wo wose, yaweza Muyahudi wa mbeka, hambi munhu nha si kawezaga Muyahudi wa mbeka, ati ku soko vyono yalame mu muwili.

2 Wakolinto 11:13

Hambi wawo nha wo watumwa wo wulambi, wetumami wo wukonji, wono wakwinoza nha watumwa wa Kilisito.

Wagalatiya 5:13

Hambi anye mo wandugu zangu, nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

Wagalatiya 5:15

Ninga hono mukwiyiluma kanyhi mukwiyilya kotya malimu, ale mulanjilile, mulece kwiyimala nyenye wose.

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama, mose musina cambuzi, i nghani yono yina cambuzi, wo wihuwilo wono wukwitumila mulimo mu wendo.

Wafilipi 3:19

Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

1 Timoteyo 1:19

kanyhi wuwukamisaje u wihuwilo wako ne ciselinji ciswanu. Hambi iwanhu wanji vyono si wasaka kuvihuliciza i viselinji vyawo, holeka wakawuhodanga u wihuwilo wawo.

Tito 1:16

I wanhu wono wenha wawo, watezaga ati wamumanyile u Mulungu, ninga kumbe mu metumo gawo ho wamukanaga. Wo wanhu we makomaza, kanyhi wali cibede, hamba si wakwiliye kanyhi mu nghani yo yose i swanu.

2 Petelo 2:22

Hambi nha howuli mulongo wono wutezaga, Libwa ligawuyilaga kanyhi imadeko galyo lyeneco. “No mulongo wunji wutezaga, Ligubi lyono lihovugwe, libiducizaga kanyhi mu madabaga!” Nhavivyo vyo yimile lu kuli wene.

Yuda 1:4

Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu, no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga ku wulawa katali zo wuling'anizwe wono wuwalindiye i wanhu wawo.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa yipuga lye Setani.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lye'fwa lye kejete.”

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.