Wafilipi 3:19 - Luganuzi Luswanu Kuli Wanhu Wose 2002

¹⁹ Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du.

I CILAGANE CIPYA 1991

¹⁹ Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du.

Wafilipi 3:19 ပူးပေါင်းရင်းမြစ်များ

Zabuli 17:14

Gwe go Muwaha Mulungu, wumhonyaje no muwoko wako kuli wanhu wawo, i wanhu wono walangaga za mu sawo ya mononze yiyi du. Wuwalipicizaje kwe magayo gono wawawicila, gawe gawakwiliye ne wana wawo, wawalecele sunga ne wezukulu zawo.

Zabuli 52:1

Gwe go munhu 'gwe, socici wukwilumbila wubi wako, kuli wanhu waswanu?

Yelemiya 44:17

Langa ase cojendelela du kwituma zinghani zose, nha vyono calonga. Cojendelela du kumulavizya makumbiko, mulungu wetu we cicekulu wa ku wulanga, no kumujidila vilavywa vyetu vye divayi, nha vyono canozaga ase, ne walezi wetu, ne watemi wetu, hamonga ne walongola wetu, mu makaya ga mu yisi ya Yuda, na mu zinzila za mu Yelusalemi. Na lono canozaga nhavivyo, cikatuga ndigwa nyinji muno, kanyhi cikamoteswa muno, cikawa cisina hamba wugaye wo wose yaye.

Ezekiyeli 13:19

Kanyhi mwakondya kumbedegala'ne hamwande ye wanhu wangu ku so wubocela shayili ndodo du yono yimemile mu maganza, hamonga ne vibegulwa vicefu vye mikate. Mukuwawulaga wanhu wangu wono si wanojeye kufwa. Mukuwaleka womi wono si wanojeye walekwe wekale womi. Na ku soko yiyo, mukuwakonga-konga i wanhu wangu, nawo wakumwitumbilenyi.”

Ezekiyeli 34:3

Hambi nha mung'wezaga mele, no kuvwala i myenda yo wukunzeje we zingholo, akuno mukuziwulaga no kuzilya zingholo zono zijinile.

Hoseya 4:7

Na mu nghango yono mukucila kuwa wenji, yo nghango yiyo du kanyhi, yono ucila kusutizya 'ne. Holeka nane nolipitula lilumbo lyenyu liwe cevu.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Mika 3:5

Wanhu wangu nha wakukongwa ne wawizi wo wulambi, wono wakuwehuwiziza vyono wokwikala wapolile, wawo wono wakuwalipa, na wono siwakwituma zizo, wakuwakajiziza wulugu. Ninga kuli wawizi wawa, u Muwaha Mulungu yakuwatya.

Malaki 1:12

Ninga anye si munyogopile 'ne, vyono mukuciwona cikumbicilo cangu si cinji yaye, lono mukulavya mucanyha yaco ndigwa nyavu, yono yisina cambuzi.

Matayo 16:23

Ninga Yesu yakapituka, yakamulonjela Petelo yakatya, “Wuwuce hono hangu 'gwe Setani! Agwe wuli cikobazo kuli'ne. Ne mahweso gako, hamba si gakulawa kuli Mulungu ng'o, langa ga cimunhu-munhu du!”

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Luka 12:19

Ho nowutya wumi wangu, ‘Go wumi, alu wina sawo nyinji yono yokukwila kwa myaka minji, alu wucehe, wulye, wung'we, wusangalale.’

Luka 16:19

Ale, kwali na munhu yunji mugoli, yavwalaga myenda yo wuguzi wukamu muno, myenda ye liwala lyo lugandu na bafuta swanu. Yekalaga yakumota vilo vyose.

Luka 18:4

Hakimu yuyo yakamula kulemalema kali kenji, ninga hanyuma yakehwesa mu nhumbula yakwe, yakatya, ‘Hamba niwe sinimogopaga Mulungu, hamba kumucelelela munhu wo wose,

Walumi 16:18

Hambi iwanhu wono wenha wawo, nha si wakumwitumamila Mutwa wetu Kilisito, langa wakuzitumamila izinda zawo weneco du. Kanyhi so zinghani zawo, no wuganule wawo wo wupepeleze, wakuwa kuwakonga iwanhu we zinhumbula zimhelu mhelu.

Walumi 6:21

Alu mwatuga cambuzi mu cici, kuli zizo zono mukuziwonela cevu alu? Ku soko mudumilizo wa zizo, nha yifwa.

1 Wakolinto 3:3

hambi nha mukali muli wanhu we ciyinze-yinze. Alu wulenyi, nha yili mbeka, vyono muli nyenye mukali mowuli wivu no wugombane? Alu i zinghani zizo zo zikulajilila vyono anye, mukali muli wanhu we ciyinze yinze, kanyhi mwikaliye mu mikalile ye ciyinze yinze.

1 Wakolinto 5:2

Alu mosuma nhawule kwilumba? Mbeka, yali yinojeye kuli'nye kulila, na yuyo mono yetumile zizo, yinojeye yawuswe muli'nye.

1 Wakolinto 5:6

Nye wayangu, u wilumbe wenyu wuwo, si wuswanu hamba hadodo! Alu si mumanyile vyono cisase cidodo du, cikuwa kutajila cisase mwibumundwa lyose lyo wusaje?

2 Wakolinto 11:12

Nojendelela kwituma du nha vyono nghwituma alu, ho ndece kuwapela cilejeho awalya wono wakusaka kutuga icilejeho co kwilumbila nha vyono ati wakwituma mulimo nha sese.

2 Wakolinto 11:15

Holeka si nghani mbaha yaye, hono wawo i wetumami wakwe wenoze nha wetumami wo wiling'ano. Ninga mudumo wawo, wocituga cico cono ciwanojeye vyono genhe metumo gawo.

Wagalatiya 6:13

Hambi sunga na wawo du weneco wono walame, nha si wakuwibata u Wulajilize, alu wakuhila anye mwalame ho wawe ne citanjilo co kwilumbila mu miwili yenyu.

Wafilipi 2:21

Hambi wanji wose nha wakulondola i zawo weneco, si nho kulondola za Yesu Kilisito.

Wakolosayi 3:2

Mwibataje mukamise zinghani za ku wulanga, ninga si zono zili mono'nze.

2 Watesalonike 1:9

No wulipicizwe wawo, wolowa wajilile we cibitilila, no kutemanulilwa lukulu no lukumyo lwakwe luwaha,

2 Watesalonike 2:12

Ne ndumilizo yayo ho yiwe, wose wono si wakuyihuwila i mbeka, langa wakwiyendeza no wubi woling'anizwa.

2 Watesalonike 2:8

Ale baho ho yuyo nayo u Mubi ho kolokwijelela, ninga u Muwaha Yesu kolo yakuza, kolomuwulaga ko muhe wo mulomo wakwe, no kumwajiliziza lukulu ko wung'alale wo wuze wakwe.

1 Timoteyo 6:5

no wiwanganile wono wusina ndumo, wono wukulawa kuli wanhu we mahala gono gavizice, kanyhi wono wayisina imbeka. Wono wehwesaga vyono dini, mba yo nzila yo kutujila wugoli.

2 Timoteyo 3:4

wolowa wagaluci, we lizeze, kanyhi wamemile widunhumuzi, nawo wokwenda zo wiyendeza weneco, si nho kumwendo Mulungu.

Yakobo 4:16

Ninga lu, mukwidunhumula no kwisaja, no widunhumuzi wono winha wuwu wo wubi.

2 Petelo 2:1

Wakalawila wawizi wo wulambi muli wanhu, nhavivyo kanyhi, iwejizi wo wulambi wololawila sunga na muli nyenye. Ne wanhu we liwala lilyo, wololeta i mafundo go wiwajize no kumukana Muwaha mono yakawakomboza, na mu nzila, yiyo wokwiletela musunho u wongomezwe wawo weneco.

2 Petelo 2:13

Kanyhi wolipwa magazo ku soko ye magazo gono wesaciye weneco. Ne nyemo yawo yili mu wunoza, co cose cono cikwigutya imasulumizi gawo go muwili, kanyhi wakuzinoza zizo mu misi du mugati. Iwanhu we nhavivyo wakuleta cevu hamonga na soni mbaha, kolo mwekonghola hamonga nawo, mu wulye we zindigwa zenyu ze zisikukuu, akuno wakuzisecelela i zinzila zawo zo wukoci.

2 Petelo 2:3

Na ku soko ye masulumizi gawo mabi, wolokwisavizya muli nyenye, kolo wakumulonjelenyi zinghani zo wulambi-lambi. No wulipicizwe wawo wakondya kuwikanizwa kulawa katali, siwocela yaye. Nayo mono kowongomeza, yali meso!

Yuda 1:10

Ninga i wanhu wawa watovulaga co cose cono si wakucimanya. I zinghani zono wazimanyile ku cihuma, nha vyono winha u wutanje we zinimu zono zisina mahala, muli zizo mo wakwiyongomezeza.

Yuda 1:16

I wanhu wawa wekalaga du wakung'ung'ulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.

Yuda 1:4

Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu, no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga ku wulawa katali zo wuling'anizwe wono wuwalindiye i wanhu wawo.

Wugubule 18:7

Mumupelaje magazo no wusungu, mu nghango yo wikumye wakwe, mu nghango ye mikalile yakwe yo wiyendeze. Hambi nha yakwiyitya mu nhumbula yakwe, ‘Ane nikaye baha, nili mutemi we cicekulu. Ane si nili mufwile, hamba si nowutuga wusungu!’

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete, wakagumilwa vyo womi du, mwilamba lyono lyakaga moto we cibiliti.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lye'fwa lye kejete.”

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.

1 Samwili 2:29

Alu nhawulenyi kanyhi mukugamelela mate, no kugabedegala makumbiko gangu, hamonga ne vilavywa vyangu, vyono nalajiliza muli wanhu wangu? Hamba so cici agwe Eli, kwikalaga wukuwakumya wanago du, kuciza ane no mweneco. Hambi nha wukuwaleceleza wakujina, so wulya zinyama zono zijinile, za muli makumbiko gono wanhu wangu wakundavizya nene?