Wafilipi 3:1 - Luganuzi Luswanu Kuli Wanhu Wose 2002

¹ Ze ndumilizo wandugu zangu, musecelelele muli Muwaha! Si nghukatala kwandika kanyhi zizilya zono nali nakondya kumwandicilenyi bahalya ha lulongozi, hambi nha zomonjelezenyi u wuswanu.

I CILAGANE CIPYA 1991

¹ Ze ndumilizo wandugu zangu, musecelelele muli Muwaha! Si nghukatala kwandika kanyhi zizilya zono nali nakondya kumwandicilenyi bahalya ha lulongozi, hambi nha zomonjelezenyi u wuswanu.

Wafilipi 3:1 ပူးပေါင်းရင်းမြစ်များ

1 Zinghomo 15:28

Nhavivyo Waisilayeli wose, wakawa wali hamonga, wakalitegula Lisanduku lye Cilagane sunga ko ku Yelusalemi, wena nyemo mbaha, hamonga ne mazi ge zindulele, ne misesele, wakwimba ne mazi mawaha ne zimbilili hamonga ne zindonondo.

1 Zinghomo 16:10

Cisangalale vyono ase cili wakwe. Wasangalale wose wono wamuhembaga mwene.

1 Zinghomo 29:22

Wakalya, wakang'wa hali Muwaha Mulungu, wakawa wena nyemo mbaha muno mwi'zuwa lilyo. Wakamutemya lwe kejete Solomona, wakamwitila mafuta mwi'tagwa lyo Muwaha Mulungu, yawe mutemi wawo, nayo Zadoki yawe yo mukohani.

Nehemiya 8:10

Alu, muwuye ku zikaya zenyu, ho mukanoze sikukuu. Muhanje zindigwa zenyu hamonga na awalya wono wena ndigwa ndodo. Zuwali lyo lizuwa lyono lyelile kuli Muwaha Mulungu, holeka mulece kuwa no wukalale. Hambi nyemo yono Muwaha Mulungu komupelenyi, nha yomupelenyi vilungo viwaha.”

Jobu 22:26

Wumwitumbile mwene nhondo zose, yawe lye 'pece lye nyemo yako.

Zabuli 149:2

Wusangalale, 'gwe Isilayeli, hambi mwene nha yo muwumbi wako, nanye nyo wekala ku Sayuni, sangalalenyi, hambi mwene nha yo mutemi wenyu.

Zabuli 32:11

Nanye mo wanhu we ling'ani, musecelele, no kusangalalila i metumo gono yetumile u Muwaha Mulungu, anye nanye mo wenenenyhezi, mutowe nyhenze za nyemo.

Zabuli 33:1

Anye mo wanhu we ling'ani, musangalalilenyi Muwaha Mulungu, nanye mo wenenenyhezi, mukumyenyi Mulungu.

Zabuli 37:4

Wuyilondolaje nyemo yako kulawa kuli Muwaha Mulungu, nayo kokupela vyose vyono wukusaka mu nhumbula yako.

Zabuli 42:4

Nina wukalale wuwaha muno, kolo nghukumbucila zono zapuluta, vyono nali nilunzize na wanhu wenji muno, nghuwatonga cikubita ku Nyumba yo Mulungu, na vyono cali cisangalaye no kwimba zinyimbo zo wulumbe. Ne lipuga lye wanhu wakunoza sikukuu.

Zabuli 5:11

Ninga wose wono wakwihundika Muli'gwe, wasecelele, wembe ko wusangalale vilo vyose, wuwadimaje wose wono wakwendile gwegwe, ho wasangalale ku soko yako.

Zabuli 97:1

Muwaha Mulungu yo yatemile! Yinze yisangalale, nanye, mo vizingwa sangalalenyi!

Isaya 41:16

Nanye mogesa mucanyha, nayo mbeho yogapemhelusa, nago gokwiyagazwa ne civulavumbi. Nanye baho nhondo, ho mosangalala, hambi ane nha yo nene mono nili Mulungu wenyu nanye nhondo, ho momhela lilumbo ane mono nelile, u Mulungu wa Isilayeli.

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Isaya 65:14

Wene wolokwimba so nyemo, ninga anye mololila so wukalale wa mu nhumbula.

Yoweli 2:23

“Holeka muweze ne nyemo anye wanhu wa Sayuni, musangalalile zono Muwaha Mulungu wenyu yamutendelenyi. Hambi mwene nha kamupelenyi mvula ye lifuku yono yikwiliye, kanyhi komutonyezezenyi ne mvula ye mhinga na ye mafuso ku soko yenyu, nhe vilo vyono vipulute.

Zefaniya 3:14

Ale, mwimbe ne nyemo kwe mazi mawaha 'nye nyo wanhu wa Isilayeli. Nagwe go Yelusalemi, wusangalale kwe nhumbula yako yose.

Zefaniya 3:17

Muwaha Mulungu wako, yali hamonga nagwe, ne vilungo vyakwe, vyokupela wusume. Muwaha Mulungu, kotuga wendezwe kuli'gwe, na mu wendo wakwe, kokupela wumi. Kokwimbila no kukusangalalila

Zakaliya 10:7

Wanhu wa Isilayeli wowa ne vilungo kotya wasilikale. Kanyhi wowa wena nyemo, kotya wanhu wono wang'weye divayi. Ne wana wawo, wolokumbucila zo wusume wuwu, nawo wolowa wena nyemo ku soko ya zose zono Muwaha Mulungu yazitumile.

Matayo 5:12

Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

Luka 1:47

No muhe wangu wumusangalaliye Mulungu Muponyi wangu.

Walumi 5:11

Kanyhi hamba si nhavivyo du, langa cikusangalalila muli Mulungu mu nzila yo Mutwa wetu Yesu Kilisito mono yacilamula no Mulungu.

2 Wakolinto 13:11

Na ye ndumilizo, wandugu zangu, nghutya, mwikalaje! Mweze mukamile, muwibataje muno muno u wijize wangu, mweze mulaganiye kumonga, mwikalaje mwilamuye. Nayo u Mulungu wo wendo no mulamu, kowa hamonga nanye.

Waefeso 6:10

Ze ndumilizo, nghumusacenyi mweze muli vilungo muli Muwaha na ko wutazi we vilungo vyakwe viwaha.

Wukumbucize wo Wulajilize 12:18

Ne vilavywa vivyo vyose, munojeye muvilile hali Muwaha Mulungu, u Mulungu wenyu. Muvilile i hanhu bahalya du hono yahahaguye u Muwaha Mulungu, u Mulungu wenyu. Muvilye nyenye, ne wana wenyu, hamonga ne wetumami wenyu, hamonga ne Walawi wono mwikalane nawo mu makaya genyu. Nanye muzisangalalile zose zono mwitumile.

Wukumbucize wo Wulajilize 16:11

Musangalalile hali Muwaha Mulungu, u Mulungu wenyu, mwi'zuwa lilyo, hamonga ne wana wenyu we cilume na we cicekulu, ne wetumami wenyu, ne Walawi, ne Wajenzi, hamonga ne wana wono wasina walezi, hamonga ne wacekulu wafwile, wono mwikalane nawo mu makaya genyu. Na zizi zose mweze kuzinozeza i hanhu ha wuhembelo du.

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Wafilipi 4:4

Holeka musecelelele nhondo zose, muli Muwaha! Kanyhi nghutya, Musecelele!

Wafilipi 4:8

Ze ndumilizo wandugu zangu, mugamemyaje mahweso genyu ne zinghani ziswanu zono zili mbeka, swanu, na ze ling'ani, zono zilenguce, zono zikwendeza na ze cogopo.

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

1 Watesalonike 5:16

Mweze museceleye nhondo zose,

Yakobo 1:2

Wandugu zangu, muweze na nyemo kolo mukuzizwa ne majelo ganji ganji,

1 Petelo 3:8

Ale, ze ndumilizo nghutya nhavi: yiwanojeye muwe na nhumbula monga, ne 'hweso limonga, yiwanojeye kwiyenda nha ndugu, mweze wapolo kanyhi muli wenenenyhezi nyenye wose.

1 Petelo 4:13

Langa musangalale vyono mukuhanga imagazo ga Kilisito, ho musume kuwa na nyemo mbaha muno muno mwidaha lono ulukumyo lwakwe lukugubulwa.

2 Petelo 3:1

Nyo wendece wangu, ayi yo baluwa yangu ye kejete yono nghumwandicilenyi. Na mu zibaluwa zizo zinyejete, nali kujela kumuswaswanizenyi i mahweso maswanu ga mu mahala genyu, ko kumukumbucizenyi zinghani zizi.

1 Samwili 2:1

Nayo Hana yakalomba yakutya, “Muwaha Mulungu kayimemya nhumbula yangu nyemo, Nane sangalaye muno so zose zono yanhendeye! Nane nowaseka walugu wangu so nyemo yono nina nayo, vyono nghuyisanglalila mhonelo yakwe!