Wafilipi 2:14 - Luganuzi Luswanu Kuli Wanhu Wose 2002

¹⁴ Mwitumaje zose akuno musina wung'ung'ulice hamba wiwanganile,

I CILAGANE CIPYA 1991

¹⁴ Mwitumaje zose akuno musina wungʼungʼulice hamba wiwanganile,

Wafilipi 2:14 ပူးပေါင်းရင်းမြစ်များ

Zabuli 106:25

Wakang'ung'ulicila mu mahema gawo mugati, hamba si wasaka kanyhi kumuhulika Mulungu.

Zimbazi 13:10

Wusisi, wuletaga wiwanganile. Holeka yili ciba kulondola wutazi, hambi nha go mahala.

Wuwale 14:27

“Alu mwene, i wanhu wawa wabi, wojendelela kung'ung'ulicila sunga nili lo? Hambi nha nacilwa muno ne mang'ung'uliko gawo gaga!

Matayo 20:11

Hodu du wakazibocela izipesa zizo, ninga akuno wakumung'ung'ulicila yu yulya muwaha.

Maluko 14:5

Hambi nha gali gaguzwe pesa zono zificile dinali magana madatu, ho wapegwe waciwa!” Hodu wakamutacila u mucekulu yuyo.

Maluko 9:14

Nawo wali weza kuwagana awalya iwejizwa wanji, wakawona lipuga yiwaha lye wanhu baho. Na wanji wa mu wejizi wo Wulajilize, wewuzaga nawo.

Luka 5:30

Wafalisayo ne wejizi wo Wulajilize wakawang'ung'ulicila wejizwa wakwe; wakutya, “Alo so cici mukulizana kanyhi mukung'wezana ne watoweza kodi ne wanyo wubi?”

Metumo ge Watumwa 15:2

Ne nghani yiyi, yikaleta wiwanganile wuwaha, nawo wa Pawulo na Balanaba waza kukondya kulongana nawo, wakelumbaniza vyono, wa Pawulo na Balanaba, hamonga na wanji wandugu we likanisa lilyo lya Antiyokiya, wabite ku Yelusalemi wakawawuze nghani yiyi watumwa ne wanyamhala.

Metumo ge Watumwa 15:39

Kukawa na wiwanganile wuwaha muli wene, sunga waketemanucila lukulu, na Balanaba yakamusola yuyo Maluko, wakajendela mu ngalawa sunga ku Kupulo.

Metumo ge Watumwa 15:7

Na gaza kuwa mawuzo menji, Petelo yakenuka yakawatya, “Nye wandugu zangu nha mumanyile vyono ha mwamulizo, u Mulungu yakenda kuhagula nene muli nyenye, ho niluganule Luganuzi Luswanu, ho wanhu wono si Wayahudi, wahulice no kwihuwila.

Metumo ge Watumwa 6:1

Mu vilo vivyo, lono liwalo lya wono wehuwiye lyonjelezekaga, gakejela mang'ung'uliko hagati ya Wayahudi wono wali wehuwila, wono walongaga nonga ye cigiliki, na wono walongaga Cihebelaniya, awalya wono walongaga Cigiliki, wang'ung'ulikaga wakutya, iwafwile wawo siwakukumbucilwa mu wupegwa visakwa vyawo vye nhondo zose.

Walumi 12:18

Mu nghango vyono yisumice ku lubavu lwenyu, mwikalaje mwilamuye ne wanhu wose.

Walumi 14:1

Mosuma kumubocela kuli nyenye, u munhu mono yasoceye mu wihuwilo, ninga mulece kuwangana nayo kuli ze mahweso gakwe.

Walumi 16:17

Ale nghumunenenyi wandugu zangu, muwalangaje wono wakuleta matemanuko ne vikobazo vyo kuwagwisa wanji, cinyume ce mejizo gono mwejizwa, muwelegaje iwanhu wawo.

1 Wakolinto 10:10

Hamba mulece kumung'ung'ulicila nha vyono wanji wamung'ung'ulicila, nawo wakawulagwa wose no Muwulaji!

2 Wakolinto 12:20

Nane nghogopa vyono na lunji kolo nghuza kwenyu, nomwaganenyi mu wuwe wono si wukunyendeza, nane baho lu, si noleka kuwa mu wuwe wono si mwendile nanye. Nane nghogopa yilece kuwa lunji ko wuli wugombane, wivu, makuwo, wubuguci, maheho, nzwaji ze caka caka, wusomenghanya, wiwoni, no wisagale muli nyenye.

Wagalatiya 5:15

Ninga hono mukwiyiluma kanyhi mukwiyilya kotya malimu, ale mulanjilile, mulece kwiyimala nyenye wose.

Wagalatiya 5:26

Cilece kuwa cili wedunhumuzi, cilece kwisagala, hamba kwiyiwonela wivu.

Wafilipi 2:3

Mulece kwitumila nghani yo yose mu mutima wo wivu, hamba mu widunhumuzi wa bwete, mweze mwina winenenyhezi nyenye wose, na munhu wo wose yamuwonaje muyagwe yo yamucizize lilumbo sinha mweneco.

1 Watesalonike 5:13

Muwalumbizaje muno no kuwenda ku soko yo mulimo wono wakwituma. Kanyhi mweze mwilamuye nyenye wose.

1 Watesalonike 5:15

Mulanjilile, munhu wo wose yalece kumugomolezeza u muyagwe wubi na wubi, langa wuhile wenyu, weze wo kwitendela ziswanu nhondo zose munhu na muyagwe, no kuwatendela ziswanu wanhu wose.

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono, hasina u munhu mono kosuma kumuwona u Muwaha Mulungu, hono yawe yayisina mikalile yono yinha yiyo.

Yakobo 1:20

Hambi u munhu mono yena likuwo, nha sikosuma kwituma zo wuhile wo Mulungu wono wuli ling'ani.

Yakobo 3:14

Ninga hono zinhumbula zenyu ziwe zimemile wivu, simbili no wiyendezi, ale, mulece kwikumya no kuyilambiza i mbeka, ku soko yo wikumizya i mahala genyu.

Yakobo 5:9

Wandugu zangu, mulece kwing'ung'ulicila nyenye wose, ho mulece kuling'anizwa no Mulungu. Hambi u Muling'anizi nha yeza behi no kwinjila ha mulango.

1 Petelo 3:11

Kanyhi yeleje ne zimbi, yetume ziswanu, yawulondole mulamu no kuwukamisa,

1 Petelo 4:9

Mwiyicemelaje viswanu nyenye wose akuno musina wung'ung'ulice.

Yuda 1:16

I wanhu wawa wekalaga du wakung'ung'ulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.