Wafilipi 2:13 - Luganuzi Luswanu Kuli Wanhu Wose 2002

¹³ hambi u Mulungu nha yo ketumaga u mulimo muli nyenye nhondo zose, no kumupelenyi u wusume wo kusaka no kufisiliza zose zono zili mu wulunji wo wuhile wakwe mweneco.

I CILAGANE CIPYA 1991

¹³ hambi u Mulungu nha yoketumaga u mulimo muli nyenye nhondo zose, no kumupelenyi u wusume wo kusaka no kufisiliza zose zono zili mu wulunji wo wuhile wakwe mweneco.

Wafilipi 2:13 ပူးပေါင်းရင်းမြစ်များ

1 Watemi 8:58

Yacipele cogopo ca kuli mwene, nhondo zose, ho cikale mu mikalile yono yikumwendeza mwene, kanyhi cibate no wulajilize wakwe, hamonga ne malajilizo gakwe, gono yawapela walezi wetu.

2 Zinghomo 30:12

Nayo Mulungu yakawapela Wayuda wose i nhumbula ye cihuliko kuli malajilizo go mutemi ne wawaha wakwe mu nghango yo wulajilize wo Muwaha Mulungu.

Ezila 1:1

Ale mu mwaka mulongozi wa mu wutemi wo mutemi Koleshi we yisi ya Pelisiya u Muwaha Mulungu yakazinoza zose zono yazilonga mu nzila yo muwizi Yelemiya zikawa za mbeka. Yakamulonjela Koleshi yalavye yilajilizo lyandikwe no kutegulwa likasomwe hanhu hose mu wutemi wakwe.

Ezila 1:5

Baho i walongola wa mu zindelo zose za wo mulango wa Yuda na wa Benyamini, wakenuka hamonga ne wakohani, ne Walawi, ne wanhu wose, wono Muwaha Mulungu yali yawapamiza zi nhumbula zawo, ho wabite wakamuzenjele kanyhi Nyumba yakwe ku Yelusalemi.

Ezila 7:27

Ezila yakatya “Muwaha Mulungu we wasogo zetu yalumbwe! Mono yamunozize mutemi, ho yendezwe no mulimo wo kuyizenga Nyumba yo Muwaha Mulungu ku Yelusalemi.

Nehemiya 2:4

Umutemi yakambuza yakatya, “Alo cicici cono wukusaka nghutendele?” Nghamulomba Mulungu wa ku wulanga.

Jobu 33:29

“Mulungu ketumaga zizi vilo vyose,

Zabuli 110:3

Nawo wanhu wako wokwilavya weneco, ko mutima muzelu, mwizuwa lyo kuwahoma no kuwasuma walugu wako. Nha vyono yinha buhe ya hakali mitondo, ale, nhavivyo ne wazelelo wako, nawo, vyo wolokuziza gwegwe, mu matunda gono gelile.

Zabuli 119:36

Wumhele nyhilu yo kugebatila malajilizo gako, ninga yilece kuwa so wutuga cambuzi yaye.

Zabuli 141:4

Wunyhitile kuli zo wituma zimbi, ndece kwilunza no wajilile wa wetuma zo wavu, kanyhi ndecele lukulu kuhanga nawo, mu zindigwa za mu zi sikukuu zawo.

Zimbazi 21:1

Muwaha Mulungu, kayitongaga nhumbula yo mutemi, nha vyono kacihulumyaga cikolongo.

Isaya 26:12

Gwe go Muwaha Mulungu, kocimotya mu milimo yetu yose, hambi nha yo soko ye metumo gako.

Yelemiya 31:33

Ninga aluno, i cilagane cono nocinoza ne wanhu wa Isilayeli, cocino, Ane nolowutajila wulajilize wangu muli wene, niwandice mu zinhumbula zawo mugati. Nane nolowa Mulungu wawo, nawo wolowa wanhu wangu.

Yelemiya 32:38

Na wowa wanhu wangu, nane nowa Mulungu wawo.

Luka 12:32

“Mulece kogopa anye mo cipuga cidodo, hambi Sogo yenyu nha yendile kumupelenyi wutemi.

Luka 2:14

“Lukumyo kuli Mulungu kucanyha, na kono'nze mulamu kuli wanhu wono wakumunojeza.”

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Yohana 6:45

Yandikwa ne wawizi, ‘Iwanhu wose wokwijizwa no Mulungu.’ Muli wose mono yakumuhulika Baba, no kwiyijiza muli Mwene, yuyo yo yakuza kwangu.

Yohana 6:65

Hanyuma yakatya, “Yo yilecile nghumulonjelenyi, vyono hasina mono kosuma kuza kwangu hono yalece kupegwa wusume na Baba.

Metumo ge Watumwa 11:21

U Muwaha yakawataza, ne wanhu wenji wakehuwila, no kumupitucila u Muwaha.

Walumi 12:3

Ku soko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galing'aniciye cijelo co wihuwilo, nha vyono u Mulungu yamugawila munhu na cakwe.

Walumi 9:11

Ninga ho Mulungu yejele vyono yena welecele wo kuhagula, na lono wawalya iwana we metundu wakali si nalelwa, na lono wakali si namanya kuhagula iziswanu ne zimbi.

Walumi 9:16

Holeka zose zili mu lusungu lo Mulungu du, hamba si zili mu wuhidimbale wo munhu, hamba si zili mu wuhile wo munhu.

1 Wakolinto 12:6

Kanyhi ko wuli no witumami nawo wuli henji, ninga u Mulungu yo monga du, mono yakulavya ivilungo vyo witume muli wose.

1 Wakolinto 15:10

Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye, langa lihewa lyo Mulungu lyono likwitumana hamonga na nene.

2 Wakolinto 3:5

Ninga si vyono ase cosuma kwitumila nghani yinji yo yose mu vilungo vyetu co weneco, langa u wusume wetu wose, wulawaga kuli Mulungu,

Waefeso 1:11

Ivinhu vyose vinozezwaga mu wuhile no wulamuzi wo Mulungu, nayo u Mulungu yakacihagula ase, ho ciwe wanhu wakwe mu wendo wakwe, so wilunze wetu na Kilisito, ku soko yo wutemye wakwe wo wulawa mwamulizo.

Waefeso 1:5

U Mulungu yali yehwesize ku wulawa mwa mulizo vyono yacilete kwakwe ho ciwe wakwe mu nzila ya Yesu Kilisito. Vyo yali yendile na vyo yali yehwesize.

Waefeso 1:9

U Mulungu yacifisiliza cicilya cono yali yatemizye, yakacimanyiza zo wuhile wakwe wono wali wihundice, wono yali yewikanize kuwufisiliza mu nzila ya Kilisito.

Waefeso 2:8

Hambi nha mwakombozwa ku so lihewa lyo Mulungu mu nzila yo wihuwilo. Ne nghani yiyi si yili mu wuhidimbale wetu, langa cipegwa co Mulungu du.

2 Watesalonike 1:11

Na ku soko yiyo, holeka si cidilaga kumulombelenyi. Cikumulomba u Mulungu wetu yamupelenyi vilungo vyo kusumila kukangalila kwikala mikalile yono yamucemelenyi. Cikumulomba, kwe vilungo vyakwe, yawukwizilize u wuhile wenyu wo wituma i ziswanu, hamonga no kuwufisiliza u mulimo wenyu wo wihuwilo.

2 Timoteyo 1:9

Mwene yacikomboza, kanyhi yakacicema ciwe wanhu wakwe mweneco, si ku soko vyono cinojeye so metumo getu, aa, ng'o, ninga ku so wuhile wakwe mweneco, na so lihewa lyakwe. Nayo yakacipela i lihewa lilyo ku soko ya Kilisito Yesu, lono vilo vyali vikali si vinawa.

Wahebelaniya 13:21

U Mulungu wo mulamu, yamukwilanicizenyi mu ziswanu zose, ho mwitume wuhile wakwe; nayo yetume muli sese, zono zikumwendeza mweneco mu nzila ya Kilisito. Kuli mwene, weze lukumyo cibitilila ne cibitilila. Heya.

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya, ko kumuzukula Yesu muli wafu. Yakondya kucipela u witumbilo wo wumi,