Wafilipi 2:12 - Luganuzi Luswanu Kuli Wanhu Wose 2002

¹² Ale anye wendece wangu, lono nali nili hamonga nanye, mwahulikaga nhondo zose, sunga na lulu hambe nili kutali nanye, anye mujendelele ne cihuliko. Mweze kwituma milimo akuno mwina ne cogopo no wucicime ku soko ye mhonelo yenyu,

I CILAGANE CIPYA 1991

¹² Ale anye wendece wangu, lono nali nili hamonga nanye, mwahulikaga nhondo zose, sunga na lulu hambe nili kutali nanye, anye mujendelele ne cihuliko. Mweze kwituma milimo akuno mwina ne cogopo no wucicime ku soko yo wukombozi wenyu,

Wafilipi 2:12 ပူးပေါင်းရင်းမြစ်များ

Ezila 10:3

Holeka aluno, cinoze wuhembi wo kumulomba Mulungu yacinenele, kanyhi ciwice cilagane nayo, vyono ase cowawinga wacekulu wawa, hamonga ne wana wono waleligwe nawo. Nase cokwituma du nha vyono agwe wacilonjela, hamonga ne wanji wono wendile kwituma malajilizo go Mulungu. Nase cokwituma nha vyono malajilizo go Mulungu gakucilonjela.

Zabuli 119:120

Ane nghucicima so wogopa gwegwe, memile woga, ku soko ye ning'aniza yako.

Zabuli 2:11

Ale, mumwitumamilaje Muwaha Mulungu kwe cogopo, mucicime kanyhi mumufugamile,

Zimbazi 10:16

Ne cipegwa so mulimo muswanu, wo wumi. Ninga wubi wonjelezaga mukwelekwele wo kujendelela kwituma wubi.

Zimbazi 13:4

Ne nhumbula yo munhu mudoba, hamba yisulumile cinji, si kosuma kucituga yaye. Ninga munhu muhidimbazi, katugaga vyose vyono kasakaga.

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.

Isaya 66:5

Alu muhulicize zono Muwaha Mulungu yakulonga, anye mono mumuhulicile kanyhi mumogopile, yakutya, nhavi, “Alu anye vyono muli wehuwilwa kuli'ne, holeka wanji wa muli nyenye wakumusulenyi, ninga hamba nhavivyo, si wosuma kumunozenyi cinji yaye. Wene wekaliye zo kumusekanjenyi du, wakutya, ‘Ale ta, Muwaha Mulungu yalajile zo wuwaha wakwe yamuponyenyi, nase cimuwonenyi musangalaye.’ Ninga wene wakolwa cevu!

Matayo 11:12

Kuwulawilila mu vilo vya Yohana sunga nalu, u Wutemi wa ku wulanga wukwinjilwa kwe vilungo muno muno, ne wanhu i wahidimbazi, wo wakujela kuwutuga kwe vilungo.

Matayo 11:29

Mwiwicilaje u lubano lwangu, mwiyijize kuli'ne, hambi ane nha nili mupolo, kanyhi nili mwinenenyhezi mu nhumbula, nanye motuga wutuzwe mu zinhumbula zenyu.

Metumo ge Watumwa 16:29

Yaza kumucema yunji ho yalete tala, u mwene u musilikale mulindilize jela yakamanyhila kugati, yakagwa ha magulu ga Pawulo na Sila akuno yakucicima so woga.

Metumo ge Watumwa 9:6

Ninga winukaje wukenjile mwi'kaya, na kuko kolonjelwa yono yikunojeye witume.”

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi we cibitilila.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma, vyono si wolokwajilila bwete.

1 Wakolinto 2:3

Lono nali nili kuko kwenyu, nali nili musocele, na kuno kanyhi nghucicima so woga winji.

1 Wakolinto 4:14

Ane si nghuzandika zizi, ho nimukozenyi cevu, aa ng'o, langa nizandika zizi, ho nimwijizenyi du, anye mo wanangu wendece.

2 Wakolinto 7:15

Holeka no wendo wa mu nhumbula yakwe kuli'nye, wokonjelezeka muno, ko muno lono yakukumbucila vyono anye wose muli cihuliko, na vyono mwamubocela mwene ne cogopo ciwaha hamonga no wucicime.

Waefeso 6:5

Nanye mo wawanda, muwahulice iwawaha wenyu wa baha mononze kwa cogopo no wucicime, mweze kunoza nhavivyo na mitima mizelu kotya nha mukumwitumamila Kilisito.

Wafilipi 1:27

Ninga nghani mbaha yoyi, i mikalile yenyu yiweze yilunojeye u Luganuzi Luswanu lwa Kilisito, nane hono sume kuza kwenyu, hamba ndece kusuma kuza, hulice vyono mwimile mukamile mwina nhumbula monga, na vyono mukwihoma no wulugu muli hamonga, kanyhi mwina no mutima wumoga ku soko yo wihuwilo wo Luganuzi Luswanu.

Wafilipi 1:29

Hambi anye nha mwapegwa cipegwa co kumwitumamila Kilisito, si so kumwihuwila du, langa na so kugazwa ku soko yakwe nhavivilya.

Wafilipi 1:5

ku soko nha vyono mwanhaza mu mulimo wo Luganuzi Luswanu ku wulawilila mwi'zuwa alilya lilongozi sunga izuwali.

Wafilipi 1:6

Holeka nitumbiye vyono, u Mulungu mono yawanza u mulimo wuwu muswanu muli nyenye, kowujendeleza sunga ko ku wukondelecele mwi'zuwa lilya lya Kilisito Yesu.

Wafilipi 2:19

Mu wilunze no Muwaha, nina witumbilo vyono nosuma kumutuma Timoteyo kuko kwenyu vilo vivi, ho sinyhimale nane kolo nghumanya zenyu.

Wafilipi 4:1

Holeka wandugu zangu wendece, nina nyhilu muno yo kumuwonenyi, hambi anye nha yo nyenye nyemo yangu, no mukumbo wo lukumyo lo wusume wangu. Holeka nyo wendece wangu, vyo yinojeye kuli anye, mweze mukamile muli Muwaha.

Wafilipi 4:15

Nanye nyo Wafilipi mumanyile vyono yo nyenye muli wene mono mwanhaza ha mwamulizo wo wuganule wangu wo Luganuzi Luswanu, lono nawukaga kuwulawa ku Makedoniya, yo nyenye du muli wene mono mwali hamonga nane mu cambuzi na mu wambuce wangu.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nhavivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.

Wahebelaniya 12:1

Ase cina yipuga yiwaha lye wahomelezi wono wali ha mwande yetu. Holeka ku soko yiyo ciyilegaje muli vimizi vyose vyono vikucimila, hamonga no wubi wono wucinamatiye muno muno. Kanyhi cimanyhe ko wukangalizi mu witije wono wuli ha mwande yetu.

Wahebelaniya 4:1

U Mulungu yacihuwiza vyono cosuma kuwutuga u wuceho wuwo wono yawulonga. Holeka ceze kogopa, yilece kuwa na lunji, muyenyu yunji yanjile ku winjila mu wuceho wuwo.

Wahebelaniya 4:11

Holeka cihidimbale, ciwutuje u wuceho wuwo, ho halece kuwa yunji muli nyenye yanjile kuwinjila mu wuceho wuwo, nha vyono wanoza wawo, ku soko yo wuleka kwihuwila kwawo.

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.

2 Petelo 3:18

Ninga mujendelele kuwilucila mwihewa no mu wumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.