Wafilipi 1:8 - Luganuzi Luswanu Kuli Wanhu Wose 2002

⁸ U Mulungu yamanyile vyono nghulonga mbeka, lono nghukangaza vyono, so wendo wuwulya du wa Yesu Kilisito, nghuhila muno kumuwonenyi.

I CILAGANE CIPYA 1991

⁸ U Mulungu yamanyile vyono nghulonga mbeka, lono nghukangaza vyono, so wendo wuwulya du wa Yesu Kilisito, nghuhila muno kumuwonenyi.

Wafilipi 1:8 ပူးပေါင်းရင်းမြစ်များ

Jobu 16:19

Ninga kuko ku wulanga, ko ko yuli u muhomelezi wangu, mono yali ku lubavu lwangu.

Isaya 16:11

Holeka nane nghuzizidika muno ko wukalale ku soko ya Mowabu, kanyhi nghuwona wusungu ku soko ya Kili-helesi.

Isaya 63:15

Gwe go Muwaha Mulungu, wucilangaje ase ku wulawa kuko ku wulanga ku wikalo wako, mu wele wako no lukumyo. Alo wupiligazi wako wa kuli'se, wuli hayi lo? Hamba vilungo vyako, vili hayi lu? No wendo wako wa kuli'se, hamonga no lusungu lwako, vili hayi lo? Wulece kucisemwa yaye.

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Luka 1:78

U Mulungu wetu mupolo, kanyhi yali lusungu. Koleta wuzelu wo wukombozwe, wucizize ku wulawa ku wulanga,

Walumi 1:9

U Mulungu mono nghumwitumamila kwe nhumbula yangu yose, mu wuganula u Luganuzi Luswanu lo Mwanagwe, yamanyile vyono nghumukumbucilenyi,

Walumi 9:1

Nghulonga mbeka, nakondya kwilunza na Kilisito, nane si nghulonga wulambi. Iciselinji lono cikutongwa no Muhe Mono Yelile, cikunghangaziza inghani yiyi nhavivyo.

2 Wakolinto 13:9

Ninga cikusangalala vyono cili wasocele, langa anye muli vilungo, holeka cikulomba muwuficile u wukwilanicile.

2 Wakolinto 6:12

Na hono muwe mukuwona ko cili cikobazo co cose cilya, i cikobazo cico cili muli nyenye nyo weneco, ninga si cili kulubavu lwetu yaye.

2 Wakolinto 7:15

Holeka no wendo wa mu nhumbula yakwe kuli'nye, wokonjelezeka muno, ko muno lono yakukumbucila vyono anye wose muli cihuliko, na vyono mwamubocela mwene ne cogopo ciwaha hamonga no wucicime.

Wagalatiya 1:20

Azi zono nghumwandicilenyi, no Mulungu yamanyile vyono si nghulonga wulambi.

Wagalatiya 3:26

Na mu nzila yo wihuwilo, anye wose mwawa wana wo Mulungu muli Kilisito.

Wagalatiya 4:19

Mo wanangu, ane kanyhi nghumugazicilenyi muno nha vyono kagazikaga mucekulu mono yali magulu mazito mu cipango co kusawa, sunga Kilisito yalaza kuwa yalunzwa muli nyenye.

Wafilipi 2:1

Alu wulenyi mikalile yenyu ya muli Kilisito, yikumupelenyi vilungo? Hamba wendo wakwe wukumusindamicenyi? Aluno ma, mwina wumonga no Muhe Mono Yelile, kanyhi mukwiwonela lusungu no kwikalalila nyenye wose?

Wafilipi 2:26

Yena wuhile wuwaha wo kumuwonenyi nyenye wose, nayo yakukalala muno nha vyono mwahulika yali yatamigwe.

Wafilipi 4:1

Holeka wandugu zangu wendece, nina nyhilu muno yo kumuwonenyi, hambi anye nha yo nyenye nyemo yangu, no mukumbo wo lukumyo lo wusume wangu. Holeka nyo wendece wangu, vyo yinojeye kuli anye, mweze mukamile muli Muwaha.

Wakolosayi 2:1

Hambi nha nghusaka mumanye vyono netuma mulimo ko wuhidimbazi ku soko yenyu, ku soko ya wanya Lawodikeya, na ku soko ya wose wono wakali si nambona wusu wangu.

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

1 Watesalonike 2:5

Nanye mumanyile vyono lono caziza kwenyu, si caza ne zinghani zo wutelemezi, hamba si cetumamila u wulonji wo wusugu wo kwihundika cinji muli sese, u Mulungu yo muhomelezi!

1 Watesalonike 2:8

Ale nhavivyo, vyono cikamwendenyi anye muno muno, cikawa ciwikanize kumugawilenyi si u Luganuzi Luswanu du lo Mulungu, langa sunga no wumi wetu. Nhavivyo nanye vyo mwali mo wendece wetu!

2 Timoteyo 1:4

Kanyhi nghugakumbucila i mahozi gako, nane nghusulumila muno muno ciwone nagwe, i nyemo yangu ho yimeme.

Filemoni 1:12

Alu nghumugomola u kwako, nayo yenha i nhumbula yangu nene no mweneco.

Filemoni 1:20

Ale du kanyhi ndugu yangu, wunozezaje i nghani yiyo ku soko ye litagwa lyo Muwaha, wusangalazizaje i nhumbula yangu muli Kilisito.

1 Yohana 3:17

Holeka munhu hono yawe yena zisawo za baha mononze, na hanyuma yamuwone nduguye yali mu wugaye, ninga ho yawe na nhumbula nghamu hamba kumuwonela lusungu ng'o, alu kosuma nhawule kutya yamwendile Mulungu?