Wafilipi 1:30 - Luganuzi Luswanu Kuli Wanhu Wose 2002

³⁰ Alu mudahile kuwa hamonga nane mu wihomi wo wulugu. U wulugu wuwuno, wo wulugu wuwulya wono mwawuwona cikwihoma nawo bahalya ha mwamulizo, na nghali kwihoma nawo sunga na lulu nha vyono mukuhulika.

I CILAGANE CIPYA 1991

³⁰ Alu mudahile kuwa hamonga nane mu wihomi wo wulugu. U wulugu wuwuno, wo wulugu wuwulya wono mwawuwona cikwihoma nawo bahalya ha mwamulizo, na nghali kwihoma nawo sunga na lulu nha vyono mukuhulika.

Wafilipi 1:30 ပူးပေါင်းရင်းမြစ်များ

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Wafilipi 1:13

Hambi nha ku soko ya zizo, i walindilizi wose we likulu, hamonga na wanji wose wa baha, wamanyile vyono nili mu jela, ku soko vyono ane nghumwitumamila Kilisito.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.

Wakolosayi 2:1

Hambi nha nghusaka mumanye vyono netuma mulimo ko wuhidimbazi ku soko yenyu, ku soko ya wanya Lawodikeya, na ku soko ya wose wono wakali si nambona wusu wangu.

1 Watesalonike 2:2

Mumanyile vyono catamiswa, no kutovulwa akulya ku Filipi, lono cali cikali si nafika u kwenyu ku Tesalonike. Hamba kuwe kwali kowuli wiwanganile winji, ninga u Mulungu wetu, yakacipela wuluwuce wo kumuganulilenyi u Luganuzi lwakwe Luswanu.

1 Timoteyo 6:12

Wumanyhe kwe vilungo vyako vyose wicize lumangho lo wihuwilo, ho witujile cihumbilizwa co wumi we cibitilila, wono wacemelwa lono wawuvumilila u wihuwilo wako hali wahomelezi wenji.

2 Timoteyo 4:7

Hidimbala muno mu wisumanize, muhinzo niwumala viswanu, sunga no wihuwilo nawo niwukamisa.

Wahebelaniya 12:1

Ase cina yipuga yiwaha lye wahomelezi wono wali ha mwande yetu. Holeka ku soko yiyo ciyilegaje muli vimizi vyose vyono vikucimila, hamonga no wubi wono wucinamatiye muno muno. Kanyhi cimanyhe ko wukangalizi mu witije wono wuli ha mwande yetu.

Wahebelaniya 12:4

Hambi nha mukali si nehoma mukwisumaniza no wubi, sunga muficile ku wita sakami yenyu.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye nghani yono wayiganula, kanyhi wawuwona no wumi wawo si cinji, hamba wafwe.