Wafilipi 1:27 - Luganuzi Luswanu Kuli Wanhu Wose 2002

²⁷ Ninga nghani mbaha yoyi, i mikalile yenyu yiweze yilunojeye u Luganuzi Luswanu lwa Kilisito, nane hono sume kuza kwenyu, hamba ndece kusuma kuza, hulice vyono mwimile mukamile mwina nhumbula monga, na vyono mukwihoma no wulugu muli hamonga, kanyhi mwina no mutima wumoga ku soko yo wihuwilo wo Luganuzi Luswanu.

I CILAGANE CIPYA 1991

²⁷ Ninga nghani mbaha yoyi, i mikalile yenyu yiweze yilunojeye u Luganuzi Luswanu lwa Kilisito, nane hono sume kuza kwenyu, hamba ndece kusuma kuza, hulice vyono mwimile mukamile mwina nhumbula monga, na vyono mukwihoma no wulugu muli hamonga, kanyhi mwina no mutima wumoga ku soko yo wihuwilo wo Luganuzi Luswanu.

Wafilipi 1:27 ပူးပေါင်းရင်းမြစ်များ

1 Zinghomo 19:12

Yowabu yakamulonjela Abishayi, yakamutya, “Ale, hono wuwone Wasiliya weza kusumiliza, wuze mbela mbela wunhaze. Nane hono mbone Waamoni weza kukusumiliza, ale, nane nokuza mbela mbela nghutazilize.

Zabuli 122:3

Gwe Yelusalemi, go likaya lyono lizenjigwe wuzengwe wuswanu muno, kanyhi wukamile!

Zabuli 133:1

Lanje ta vyono yo nghani swanu muno, kanyhi yono yikwendeza, hono we zindugu wawe wekalane hamonga ko wumonga.

Zimbazi 22:23

Hambi Muwaha Mulungu, nha kowahijila zinghani zawo. Nayo komuwusiza wumi, u munhu wo wose mono kowawusiza wumi wawo.

Yelemiya 32:39

Nane nowapela wuhile wumonga, ho wanyogope nene vilo vyose, so ziswanu zawo, hamonga ne ziswanu ze wana wawo.

Matayo 12:25

Ninga Yesu vyono yali yagamanyile i mahweso gawo, baho yakawatya, “U wutemi wo wose wono witemanuce weneco wose vipuga vipuga vyono si vikwilumvya vyeneco vyose, u wutemi wuwo si wosuma kujendelela hamba hadodo, ne likaya lyo lyose hamba mhuga yo yose yono yitemanuce vipuga vipuga vyono vitemanuye, lilyo lyogwa.

Metumo ge Watumwa 2:46

Nawo wakajendelela kwitang'anila mu Nyumba yo Mulungu no wuhile wumonga vilo vyose. Langa mwi'daha lyo wubegule wo mukate, wetang'anililaga mu zinyumba zawo, no kuhanga wose ndigwa yiyo ne nyemo na nhumbula nzelu,

Metumo ge Watumwa 24:24

Vyaza puluta vilo vicefu, Feliki yakaza no mugolece wakwe we Ciyahudi ilitagwa lyakwe Delusila. Yakamucema Pawulo, yakamuhuliciza zono yakulonga zo wihuwilo wa muli Yesu Kilisito.

Metumo ge Watumwa 4:32

Ne mhuga yawo wose wono wehuwila, wali na nhumbula monga no mutima monga. Hasina hamba yunji mono yali yena cinji co cose, mono yatya, yo sawo yakwe mweneco, langa wali wahanjile vyose.

Walumi 1:16

Hambi nha si nghuluwonela cevu u Luganuzi Luswanu; hambi nhavyo vilungo vyo Mulungu, vyono vikuwakomboza wose wono wakwihuwila, lulongozi kuli Wayahudi, nha vivyo na kuli wono si Wayahudi.

Walumi 1:5

Muli yuyo, ane mo natujila ilihewa lyo kuwa mwitumami. Na ku soko yakwe, ho niwalongoze iwanhu we makungugo gose, ho wasume kwihuwila, no kuwa na cihuliko.

Walumi 1:9

U Mulungu mono nghumwitumamila kwe nhumbula yangu yose, mu wuganula u Luganuzi Luswanu lo Mwanagwe, yamanyile vyono nghumukumbucilenyi,

Walumi 10:8

I Mandiko Gono Gelile gakutya nhavi: “Inghani yo Mulungu yili behi nagwe, yili mu mulomo wako na mu nhumbula yako,” yo nghani yo wihuwilo yono ciganulaga.

Walumi 15:16

ho niwe mwitumami wa Kilisito kuli wanhu wono si Wayahudi. Wo mulimo wangu we cikohani kuwaganulila u Luganuzi Luswanu lo Mulungu, ho wanhu we wono si Wayahudi wawe yikumbiko lyono likuvumilwa no Mulungu, likumbiko lyono lyezigwe no Muhe Mono Yelile.

Walumi 15:29

Nane manyile vyono kolo nghuza kuko u kwenyu, nolomuletelenyi u wumoti wuwaha wa Kilisito.

1 Wakolinto 1:10

Nye wandugu zangu, cikumunenenyi muno, mwi'tagwa lyo Muwaha wetu Yesu Kilisito, vyono mweze mulaganiye kumonga, muli yo yose yono mukulonga, halece kuwa na matemanuko ganji go gose muli nyenye, muweze ne 'hweso limonga kanyhi no wuhile wumonga.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma, vyono si wolokwajilila bwete.

2 Wakolinto 13:11

Na ye ndumilizo, wandugu zangu, nghutya, mwikalaje! Mweze mukamile, muwibataje muno muno u wijize wangu, mweze mulaganiye kumonga, mwikalaje mwilamuye. Nayo u Mulungu wo wendo no mulamu, kowa hamonga nanye.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

2 Wakolinto 9:13

Na ku soko ye citanjilo cono cikwijela so mulimo wetu wuwu, i wanhu womukumyo Mulungu ku soko yo Luganuzi Luswanu lwa Kilisito lono mukuluvumila, kanyhi na ku soko yo wuswanu wono mukuwatendela wene hamonga ne wanhu wose.

Wagalatiya 1:7

Ninga i mbeka, howali wanhu wanji wono wakumuhanza-hanzenyi, wo wanhu wono wakuhila kulwajiliza u Luganuzi Luswanu lwa Kilisito.

Waefeso 1:13

Nanye nyo wanhu we makungugo ganji, mwayihulika inghani ye Mbeka, wo wutya u Luganuzi Luswanu lono lwamuletelenyi u wukombozwe, mukamwihuwila Kilisito, nayo u Mulungu yakamuwicilenyi citanjilo so kumupelenyi u Muhe Mono Yelile mono yacihuwiziza, ho yalajile vyono ase cili wakwe.

Waefeso 1:15

Ku soko yiyi, nane naza kuhulika muli zo wihuwilo wenyu kuli u Muwaha Yesu, no wendo wenyu kuli wanhu wo Mulungu,

Waefeso 4:1

Holeka ane mono nili muwopwa ku soko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

Wafilipi 1:5

ku soko nha vyono mwanhaza mu mulimo wo Luganuzi Luswanu ku wulawilila mwi'zuwa alilya lilongozi sunga izuwali.

Wafilipi 2:12

Ale anye wendece wangu, lono nali nili hamonga nanye, mwahulikaga nhondo zose, sunga na lulu hambe nili kutali nanye, anye mujendelele ne cihuliko. Mweze kwituma milimo akuno mwina ne cogopo no wucicime ku soko ye mhonelo yenyu,

Wafilipi 2:24

Nane nitumbiye muli Muwaha vyono si noleka kuza kuko kwenyu vilo vivi.

Wafilipi 3:18

Nakondya kumulonjelenyi nghani yiyi kali kenji, nalu kanyhi nghuwuyajila kumulonjelenyi kwa mahozi, vyono, howali wanhu wenji wono walugu wo Musalaba wa Kilisito.

Wafilipi 3:20

Ninga ase cili wanya ku wulanga, nase cikumulindiliza cikaluce muno, u Mukombozi yaze ku wulawa ku wulanga, u Muwaha Yesu Kilisito.

Wafilipi 4:1

Holeka wandugu zangu wendece, nina nyhilu muno yo kumuwonenyi, hambi anye nha yo nyenye nyemo yangu, no mukumbo wo lukumyo lo wusume wangu. Holeka nyo wendece wangu, vyo yinojeye kuli anye, mweze mukamile muli Muwaha.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wu mumanya u Mulungu.

Wakolosayi 1:4

Hambi nha cahulika zo wihuwilo wenyu muli Kilisito Yesu na muli zo wendo wenyu kuli wanhu wose wo Mulungu.

1 Watesalonike 3:6

Ninga alu Timoteyo yakondya kuwuya kono kwetu, yakulawa u kwenyu, nayo kacilonjela nghani za nyemo kuli zo wihuwilo wenyu no wendo wenyu. Kacilonjela kanyhi vyono mukucikumbucila nhondo zose na vyono mwina wuhile wo kuciwona ase, nha vyono na sese cina wuhile wo kumuwonenyi nyenye.

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

1 Timoteyo 1:11

Hambi imejizo gaga nha gali mu Luganuzi Luswanu lo Mulungu wo lukumyo kanyhi u mulugutwe.

1 Timoteyo 1:19

kanyhi wuwukamisaje u wihuwilo wako ne ciselinji ciswanu. Hambi iwanhu wanji vyono si wasaka kuvihuliciza i viselinji vyawo, holeka wakawuhodanga u wihuwilo wawo.

2 Timoteyo 4:7

Hidimbala muno mu wisumanize, muhinzo niwumala viswanu, sunga no wihuwilo nawo niwukamisa.

Tito 2:10

hamba kuwahiziza i vinhu vyawo. Ninga yiwanojeye walajile vyono wene waswanu, kanyhi wehuwilwa nhondo zose, ho wasume kugatujila lilumbo yiswanu i mafundo go Mulungu u Mukombozi wetu ku soko ye metumo gawo gose.

Filemoni 1:5

nha vyono nghuzihulika zo wihuwilo wono wina nawo kuli Muwaha wetu Yesu, na zo wendo wako kuli wanhu wo Mulungu wose.

Yakobo 3:18

No wiling'ano, yo mikalo ye zimbeyu za wono wendile mulamu wahadicilaga mu mulamu.

2 Petelo 3:11

Ale, hono vinhu vyose vyohodangwa nha vivi, ma, anye munojeye muwe wanhu we nha wule? Munojeye muwe ne nyikala yono yelile no kumogopo Mulungu,

2 Petelo 3:14

Holeka nyo wendece wangu, vyono mulilindiye lizuwa lilyo, mupiligale kwiyeza muno muno, muwe musina manamha-manamha hali Mulungu, ho mowa no mulamu nayo.

Yuda 1:3

Anye wandugu zangu wendece, lono nghali nili mu wupiligazi wo kumwandicilenyi muli zo wukombozi awulya wono cihanjile wose hamonga, mbona vyono yinojeye nimwandicilenyi, kanyhi nimuswaswanizenyi ho mujendelele no wihomi ku soko yo wihuwilo wono Mulungu yawapelela lukulu i wanhu wakwe lwa kamonga du.