Wafilipi 1:23 - Luganuzi Luswanu Kuli Wanhu Wose 2002

²³ Ninga ha mwande yangu ho zili nghani nyejete. Nghusulumila kuwuka mu wumi wuwu, ho nghekale hamonga na Kilisito, hambi nha yo nghani swanu muno,

I CILAGANE CIPYA 1991

²³ Ninga ha mwande yangu ho zili nghani nyejete. Nghusulumila kuwuka mu wumi wuwu, ho nghekale hamonga na Kilisito, hambi nha yo nghani swanu muno,

Wafilipi 1:23 ပူးပေါင်းရင်းမြစ်များ

2 Samwili 24:14

Nayo Dawudi yakamupitula Gadi yakatya, “Alu ane nenjilwa na mahwele mawaha muno muno! Kanyhi hamba si nendile ndipicizwe ne wanhu. Holeka yili ciba Muwaha Mulungu yo yacilipicize mweneco, hambi mwene nha yali lusungu.”

Zabuli 17:15

Ninga ane nokuwona, hambi nha sina wusutye, nane kolo neza kwinuka, nowa nina nyemo ku soko yo kukuwona.

Zabuli 49:15

Ninga ane, Mulungu konhaza, komhonya mu vilungo vye yisi ye wafu.

Luka 12:50

Nina wubaputizo wono yinojeye niwubocele; alu mwene vyono nghugazika sunga niwufisilize!”

Luka 23:43

Yesu yakamutya, “Mbeka nghukulonjela, izuwalili du, cowezana nane ku Wulanga.”

Luka 8:38

Ninga u munhu mono yalavywa macisi, yakamunena viwezane nayo, ninga Yesu si yamulumba, langa yakamutya.

Yohana 12:26

Munhu mono yakusaka kunyitumamila, yimunojeye yanhyatye, kanyhi ho hose hono nili honili ane, baho ho kowa no mwitumami wangu. No munhu wo wose mono yakunyitumamila ane, nayo Baba komupela lilumbo.

Yohana 13:1

Isikukuu ye Pasaka, lono yali yikali nafika, Yesu yakamanya vyono cidaha cakwe cafika, co kuwuka mono yinze yiyi, yabite kuli Sogwe. Nayo yakawendela lukulu iwanhu wakwe, wono wali mononze sunga ko ku ndumo.

Yohana 14:3

Na hono mbite, nghamuwikanizizenyi wikalo, nolowuya, ho nimucemelenyi kwangu, nanye ho mwikale hono ho nili ane.

Yohana 17:24

“Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali nawumbwa.

Metumo ge Watumwa 7:59

Wakajendelela kumutowanga Sitefano ne mabwe, akuno u mwene yakulomba yakutya, “Go Muwaha Yesu, wubocele Muhe wangu!”

2 Wakolinto 5:8

Ninga hamba nhavivyo, cikamile du. Kanyhi cali cende cihame mu wikalo wuwuno wa mu muwili no kuhamila kuli Muwaha.

2 Wakolinto 6:12

Na hono muwe mukuwona ko cili cikobazo co cose cilya, i cikobazo cico cili muli nyenye nyo weneco, ninga si cili kulubavu lwetu yaye.

Wafilipi 1:24

ninga hono njendelele kwikala mumi, yo nghani yono yina cambuzi muno kuli nyenye.

1 Watesalonike 2:1

Hambi nha mumanyile nyo weneco wandugu zetu, u wuze wetu wa kuko kwenyu vyono si wali wa bwete.

1 Watesalonike 2:13

Kanyhi cina ne soko yinji yo kumulumbila u Mulungu; lono camuletelenyi i nghani yo Mulungu, anye mwayihulika kanyhi mukayibocela si nha vyono yinha nghani yono yikulawa kuli wanhu, langa mwayibocela nha nghani yo Mulungu, nayo mbeka vyo yinha. Hambi u Mulungu nha yakwituma muli nyenye mono mwihuwiye.

1 Watesalonike 4:17

Hanyuma nase nhondo mono cili womi mwidaha lilyo, colonyasulanwa nawo mu mavunde no kumuhinjiliza u Muwaha, ale nhavivyo colowezana no Muwaha cibitilila.

2 Timoteyo 4:6

Ninga ane ku lubavu lwangu, niwikanize du, ku wulavywa niwe yikumbiko, ne lidaha lyo wufwe wangu nha lyasejelela.

Wugubule 14:13

Nghahulika kanyhi lizi kulawa ku wulanga likutya, “Wandice nhavi! Wo wamoti wanhu wono ku wulawa lulu, wakufwa akuno welunzize no Muwaha.” Nayo Muhe yakutya, “Heya! Woceha mu wulawa mu magazo gawo, hambi metumo ge nhuguti yawo nha gowatyatya.”