Wafilipi 1:16 - Luganuzi Luswanu Kuli Wanhu Wose 2002

¹⁶ Awa wakwituma nhavivyo ko wendo, hambi nha wamanyile vyono u Mulungu yo yamhelile u mulimo wuwu wo kulutetela u Luganuzi Luswanu.

I CILAGANE CIPYA 1991

¹⁶ Awa wakituma nha vivyo ko wendo, hambi nha wamanyile vyono u Mulungu yo yamhelile u mulimo wuwu wo kulutetela u Luganuzi Luswanu.

Wafilipi 1:16 ပူးပေါင်းရင်းမြစ်များ

Jobu 16:4

Na hono anye mwali muwe yo ane, nane niwe yo nyenye, nali nonje zose zono mulonjile. Nali sinjise mutwe wangu kwe mahala, nimusumenyi ne zinghani zono zinha lihwazi lye malenga.

Jobu 6:14

“Na mu wugaye wono winha wuwu, mbeka nghusaka wendece, wono wonhendela viswanu, hono niwe nakondya kumuleka Mulungu hamba ng'o.

Zabuli 69:26

Hambi nha wakuwagaza, wono agwe wakondya kuwalipiciza, kanyhi wakuwonjelezeza nghomele, awalya wono agwe wakondya kuwapela zinghomele.

1 Wakolinto 9:17

Na hono nali niwe neyihagulila nene no mweneco u mulimo wuwu, haco nali niwe nanjiliye ho ndipwe musahala, ninga alu vyono nghuwituma u mulimo wuwu nha munhu mono nojeye niwitume, alu baho wo wutya, wo mulimo wangu du wono napegwa niwitume.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

Wafilipi 1:10

ho musume kuhagula zinghani ziswanu. Baho ho mowa mwina nhumbula nzelu, kanyhi musina yilema sunga ko Kwi'zuwa lya Kilisito.

Wafilipi 1:12

Ale wandugu zangu, nghuhila mumanye vyono, zose zono zanyagana, zanhaza muno mu wujendeleza u Luganuzi Luswanu.

Wafilipi 1:5

ku soko nha vyono mwanhaza mu mulimo wo Luganuzi Luswanu ku wulawilila mwi'zuwa alilya lilongozi sunga izuwali.

Wafilipi 1:7

Na vyo yinojeye nimwihwesezenyi, hambi nha nghumukumbucilenyi nhondo zose mu nhumbula yangu. Hambi na nyenye wose, nha muhanjile na nene, mwi'hewa lyono yamhela u Mulungu ho nilutetele no kulukangaza u Luganuzi Luswanu, mwi'daha lili lono nili mu jela, na kanyhi sunga na bahalya ha lulongozi lono nali nghali nawopwa mu jela.

Wafilipi 2:22

Nyenye weneco mumanyile vyono Timoteyo yakamile, u mwene na nene, cihwanile vyono yenha u mwana no sogwe, cali kwitumama hamonga ku soko yo Luganuzi Luswanu.

Wafilipi 4:15

Nanye nyo Wafilipi mumanyile vyono yo nyenye muli wene mono mwanhaza ha mwamulizo wo wuganule wangu wo Luganuzi Luswanu, lono nawukaga kuwulawa ku Makedoniya, yo nyenye du muli wene mono mwali hamonga nane mu cambuzi na mu wambuce wangu.

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.