Wafilipi 1:13 - Luganuzi Luswanu Kuli Wanhu Wose 2002

¹³ Hambi nha ku soko ya zizo, i walindilizi wose we likulu, hamonga na wanji wose wa baha, wamanyile vyono nili mu jela, ku soko vyono ane nghumwitumamila Kilisito.

I CILAGANE CIPYA 1991

¹³ Hambi nha ku soko ya zizo, i walindilizi wose we likulu, hamonga na wanji wose wa baha, wamanyile vyono nili mu jela, ku soko vyono ane nghumwitumamila Kilisito.

Wafilipi 1:13 ပူးပေါင်းရင်းမြစ်များ

Metumo ge Watumwa 26:29

Pawulo yakamupitula, yakatya, “Vyo nghumulomba u Mulungu hono yiwe mwi'daha yifupi, hamba yitali, kanyhi si gwegwe du, langa na wose wono wakuhuliciza ane yizuwali, wawe vyono ninha nene, ninga si ne manyolo gaga.”

Metumo ge Watumwa 26:31

Nawo waza kuwuka, wakawa kulongana weneco wose, wakutya, “Munhu ayu si yanozize nghani yo yose yono yomutegula ku wufwe, hamba ku wufungwe.”

Metumo ge Watumwa 28:17

Kukawa vyaza malika vilo vidatu, Pawulo yakawacemela hamonga Wayahudi walongola wa baho. Nawo waza kwikonghola, Pawulo yakawatya “Nye wandugu zangu, ane hamba niwe si nanoza cinji cibi muli wanhu, hamba kubeza myoto ye wakuku zetu, nebatwa kuko ku Yelusalemi nghenjizwa mu miwoko ye Walumi.

Metumo ge Watumwa 28:20

Ku soko yiyo holeka nimucemenyi ciwone, cilongane nanye, hambi ane nha mbopigwe ne manyolo gaga ku soko yo witumbilo wa Isilayeli.”

Metumo ge Watumwa 28:30

Mwidaha lya myaka myejete yose, Pawulo yekalaga mu nyumba yakwe mweneco yono yali yapanjile, vikawa kuduwana na wose wono wazaga kumulamusa.

Waefeso 3:1

Ku soko yiyo holeka ane no Pawulo no muwopwa wa Kilisito Yesu ku soko ya nyenye mono si muli Wayahudi, nghumulomba u Mulungu.

Waefeso 4:1

Holeka ane mono nili muwopwa ku soko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

Waefeso 6:20

Ane nili mutumwa ku soko ya lulo Luganuzi Luswanu hamba niwe alu nili mu jela. Ale lombenyi ho sume kuwa sina woga mu wuganule nha vyono yinojeye.

Wafilipi 1:30

Alu mudahile kuwa hamonga nane mu wihomi wo wulugu. U wulugu wuwuno, wo wulugu wuwulya wono mwawuwona cikwihoma nawo bahalya ha mwamulizo, na nghali kwihoma nawo sunga na lulu nha vyono mukuhulika.

Wafilipi 1:7

Na vyo yinojeye nimwihwesezenyi, hambi nha nghumukumbucilenyi nhondo zose mu nhumbula yangu. Hambi na nyenye wose, nha muhanjile na nene, mwi'hewa lyono yamhela u Mulungu ho nilutetele no kulukangaza u Luganuzi Luswanu, mwi'daha lili lono nili mu jela, na kanyhi sunga na bahalya ha lulongozi lono nali nghali nawopwa mu jela.

Wafilipi 4:22

I wanhu wose wo Mulungu wono wali baha, na ko muno wono wali Mwikulu lyo Mutemi, wose wakumulamusenyi.

2 Timoteyo 2:9

Na ku soko yiyo yo kuluganula Luganuzi Luswanu, holeka ane nghugazika, na kanyhi holeka mbopigwe ne manyolo nha nili musutyi. Ninga inghani yo Mulungu siyosuma kuwopwa ne manyolo,