Tito 2:2 - Luganuzi Luswanu Kuli Wanhu Wose 2002

² Wuwalonjelaje i wakombi vyono yiwanojeye waweze ne cisindo, wawe watuvu, weyimizi, kanyhi waweze no wihuwilo we telele, wawe no wendo hamonga no wukangalizi.

I CILAGANE CIPYA 1991

² Wuwalonjelaje i wakombi vyono yiwanojeye waweze ne cisindo, wawe watuvu, weyimizi, kanyhi waweze no wihuwilo we telele, wawe no wendo hamonga no wukangalizi.

Tito 2:2 ပူးပေါင်းရင်းမြစ်များ

Jobu 12:12

“Mahala gali mu wakombi, ninga Mulungu yo yena mahala ne vilungo.

Zabuli 92:14

Hamba wawe wakombipe, ninga wojendelela kulela mana sunga ku wukombi, womema moso, nawo wodedewala, no kuwa ne vilungo ho wasume kulwanza u wiling'ano, lo Muwaha Mulungu,

Zimbazi 16:31

No wikala mumi vilo vinji, co cihumbilizwa ce wanhu we ling'ani. Ne zimvwi nazo, wo mukumbo wo lukumyo.

Isaya 65:20

Ne wana wagalika, si wolowa kufwa yaye lono wakali wadodo. Ne wanhu wose wolowa kwikala vilo vinji mono'nze. Na wono wokwikala sunga waficile myaka yigana limonga, wowa kuwalwa nha wazelelo du. Na munhu hono yafwe yakali si naficila myaka yiyo, cowa co citanjilo nha vyono ane yo nene mono nimulipicize.

Walawi 19:32

“Mweze kuwapela cogopo i wakombi, no kuwapela lilumbo lyawo. Munyogope nene, ane no Muwaha Mulungu.

Maluko 5:15

Wakamuziza Yesu, wakamuwona no munhu yuyulya mono yali yena litewa lye macisi yekaye hasi, yavwalile ne myenda, yena ne mahala gakwe, yatulile, nawo wakogopa muno.

Luka 8:35

Wanhu wakaza wazilanje zono ziweye; wakafika kuli Yesu, wakamuwona munhu mono yali yalavywa macisi, yavwalile myenda, yena ne mahala gakwe; yekaye ha magulu ga Yesu, wakogopa muno.

Metumo ge Watumwa 24:25

Ninga Pawulo yaza kwamula kulolosa zo wiling'ano na zo wiyimile na ze ning'aniza yono yikuza, Feliki yakogopa muno yakatya, “Alu wubite, ninga nokucema kanyhi kolo natuga cilejeho.”

Walumi 12:3

Ku soko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galing'aniciye cijelo co wihuwilo, nha vyono u Mulungu yamugawila munhu na cakwe.

1 Wakolinto 15:34

Ale, mwinukaje! Mwamulaje kanyhi kwikala mu mikalile miswanu, mulece kwituma wubi. Hambi wanji wa muli nyenye nha si wamumanyiye lukulu u Mulungu. Nane nghumulonjelenyi mbeka, vyono co cevu ciwaha kuli'nye!

1 Wakolinto 9:25

I wedawazi wose, wewikanizizaga mu nzila yo wizoweleze, hamonga ne cogopo cose, ninga hamba nhavivyo, wene wanozaga nhavivyo, ho watuje u mukumbo wono wuhodanjikaga! Ninga ase cikunoza nhavivyo, ho cituje u mukumbo wono wikalaga cibitilila.

2 Wakolinto 5:13

Hono ciwe cikwijela nha cina lukwale, ako ko ko Mulungu, na hono ciwe cina mahala gono gatulile, ayo cowa co cambuzi cenyu.

Wagalatiya 5:23

wupolo no wiyimile. Hasina u Wulajilize wono wukusuma kuzimila zizi.

Wafilipi 4:8

Ze ndumilizo wandugu zangu, mugamemyaje mahweso genyu ne zinghani ziswanu zono zili mbeka, swanu, na ze ling'ani, zono zilenguce, zono zikwendeza na ze cogopo.

1 Watesalonike 5:6

Holeka cilece kugona zinhongo nha vyono wanji, langa yicinojeye cikale meso kanyhi ciweze no wiyimile.

1 Watesalonike 5:8

Ninga ase cili wanhu wa mu misi, holeka yicinojeye ciwe no wiyimile. Yicinojeye civwale u wihuwilo no wendo viwe nha civwalo cono cosuma kucicitiza mu mhambaga, kanyhi no witumbilo wetu we mhonelo, yiwe nha kofiya ya cuma.

1 Timoteyo 1:10

kanyhi wulajilize nha wuwicigwe ku soko ye wanhu wasenyha, i wamelopezi, i wahiza wanhu, walambi, na wono welahaga ko wulambi, hamba na wono wetumaga zono zili suta ne mejizo ge mbeka.

1 Timoteyo 1:14

Ninga u Mutwa wetu yakamhela i lihewa lyakwe ko winji, kanyhi yakamhela wihuwilo no wendo mu wilunza na Kilisito Yesu.

1 Timoteyo 1:2

nghukwandicila gwegwe Timoteyo umwanangu tuti mu wihuwilo. Ilihewa liweze kuli'gwe, hamonga no lusungu no mulamu vyono vikulawa kuli Mulungu u Sogo yetu na kuli Kilisito Yesu Mutwa wetu.

1 Timoteyo 1:5

Ale u wulunji we lilajilizo lili, nha wukukong'onheza uwendo wono wukulawa mu nhumbula nzelu, no mutima muswanu, na mu wihuwilo we mbeka.

1 Timoteyo 3:11

Ne wagolece zawo nawo, yiwanojeye wawe ne mikalile miswanu, si waheha wanhu, wono si wakolwa, kanyhi wehuwilwa muli zose.

1 Timoteyo 3:2

Ninga u mulongola we likanisa, yimunojeye yeze munhu mono yasina yilema, na kanyhi yimunojeye yeze mono yena mugolece yumonga du, kanyhi yeze mwiyimizi, mulula, we cisindo, kanyhi yimunojeye yeze mucemezi na mono yasumile kwijiza,

1 Timoteyo 3:4

kanyhi yimunojeye yeze munhu mono yasumile kuyitonga viswanu mhuga yakwe, no kuwanoza i wanagwe wawe ne cihuliko ne cogopo cose.

1 Timoteyo 3:8

Ne wetumami nawo mwi kanisa yiwanojeye wawe wanhu wono wena mikalile miswanu, kanyhi walonga mbeka, walece kuwa wang'wela muno we divayi, hamba kuwa ne masulumizi ga pesa,

1 Timoteyo 5:1

Wulece kumutacila u munhu muwaha, langa wumunenaje kotya nha Sogo mono yakulelile. Wuwatendele Iwadodo we cilume nawo, kotya nha wanduguzo,

Tito 1:13

Holeka ku soko yiyo yikunojeye wuwakalipile muno muno, ho wawe no wihuwilo wono wukwilaniciye.

Tito 1:8

Langa yimunojeye yawe mucemezi, kanyhi mono yakwenda iziswanu. Kanyhi yimunojeye yawe munhu mutuvu, we ling'ani.

Tito 2:7

Yikunojeye gwegwe go mweneco weze wina musambo we metumo maswanu. Weze wuli mutuvu, ne mafundo gako geze gena wuzito.

Filemoni 1:9

Ninga ku soko yo wendo, mbona yili ciba hono nghulombe. Nghunoza nha vivi, hamba yiwe ane Pawulo nili mutumwa wa Kilisito Yesu, nalu kanyhi nili mufungwa mu jela ku soko yakwe.

1 Petelo 1:13

Ale, holeka mwiwikanizizaje lukulu ko wuhile no kwikala meso. Wicenyi witumbilo wenyu wose mu wumoti wulya wono molopegwa mwi'daha lono Yesu Kilisito yakwijela!

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

1 Petelo 5:8

Mwikalaje meso, kanyhi mweze musujile. Hambi umulugu wenyu Setani, yakupilima pilima nha simba yikukoloma, yikulondola yunji yimuhawanje.

2 Petelo 1:6

mu wizuce namo, monjeleze wiyimile, na mu wiyimile namo, monjeleze ngola, mu ngola namo, monjeleze wogopo Mulungu.