Tito 1:3 - Luganuzi Luswanu Kuli Wanhu Wose 2002

³ ne lidaha lyono likwiliye lyali lyeza kufika, yakalyanzalicila mu nghani yakwe. Ane napegwa i nghani yiyo, ho niyanzize mu wulajilize wo Mulungu, u Mukombozi wetu.

I CILAGANE CIPYA 1991

³ ne lidaha lyono likwiliye lyali lyeza kufika, yakalyanzalicila mu nghani yakwe. Ane napegwa i nghani yiyo, ho niyanzize mu wulajilize wo Mulungu, u Mukombozi wetu.

Tito 1:3 ပူးပေါင်းရင်းမြစ်များ

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 45:15

Mulungu we Waisilayeli mono yakuwaponya wanhu wakwe mbeka yo Mulungu mono yehundice yali wene.

Isaya 45:21

Ale nzonyi muzilonje zenyu ha mahakama, muwalece wono wasitakwe walongane weneco wose. Alu mwene mukwihwesa nani mono yawila mu vilo vye katali vyono zizi zolokwijela? Yo nene du Muwaha Mulungu, u Mulungu mono kawaponyaga wanhu wakwe. Na hasina mulungu yunji, langa nene du.

Danyeli 11:27

Ne watemi wawo wejete, wolokwikala wahanje ndigwa ha meza monga. Ninga hamba nhavivyo, mwi'pango lilyo, i mitima yawo, yowa yikali mu wihwesa wituma zimbi. Kanyhi wolowa kwilambila munhu no muyagwe. Ninga si wolocituga cono wakucisaka, hambi lidaha lyayo, nha lyowa likali si naza yaye.

Danyeli 8:23

“Na lono mudumo we watemi wawa wuwe wasejelela, na kolo wakondya kusocela ho walipicizwe, ale baho ho holowa no mutemi mono kolowa yasina cihuliko, kanyhi mulambi, kanyhi mono kolowa yena mikalile ye cakacaka.

Danyeli 9:24

“Mu myaka makumi mupunghati kali mupunghati, wo wutali we cipango cono Mulungu yaciwika, co kuwimila wubi, hamonga ne masutya, muli wanhu wako na mwi'kaya lyako lyono lyelile. U wubi wolonenelwa, ne ling'ani ye cibitilila yolotema. Na mwi'pango lilyo, u wugubulilwe hamonga no wuwizi, ho vilawa vya mbeka. Ne Nyumba yo Mulungu nayo, yilasiwanulwa.

Habakuki 2:3

Wuzandikaje, hambi cipango nha cikali cono zizo zowela. Ninga cipango cikuza mbela, na zono nghukulajila zokuza. Ne cipango cico cokwijela nha cikucela ku wuze, ninga agwe weze wulindiye du, naco cokuza, hamba si cotinya yaye.

Maluko 1:15

“Icidaha cakwila, no wutemi wo Mulungu wasejelela. Nenenyi no kulwihuwila u Luganuzi Luswanu!”

Maluko 13:10

Ninga yinojeye u Luganuzi Luswanu lwamule kuganulwa kuli makungugo gose.

Maluko 16:15

Yesu yakawatya, “Bitenyi ku yinze yose, mukaluganule u Luganuzi Luswanu kuli wanhu wose.

Luka 1:47

No muhe wangu wumusangalaliye Mulungu Muponyi wangu.

Metumo ge Watumwa 10:36

Ayi yo nghani yo Mulungu yono yawategulila iwanhu wa Isilayeli, yakuganula u Luganuzi Luswanu lono lukuleta mulamu muli Yesu Kilisito, mono yo Muwaha wa wose.

Metumo ge Watumwa 17:26

Mu wulawilila mo munhu yumonga, mo yanozeza imakungugo gose ge wanhu, gekale kono'nze kose. Lono yali yakondya kuwawicila mapango gono yali yalamuye na katali muno, vyono hayi na nili, hono makungugo gago gokwikala.

Walumi 15:19

Mu vilungo vye vitanjilo na mu mezino, na mu vilungo vyo Muhe wo Mulungu. Holeka mu wupilima hanhu hose, ku wulawilila ku Yelusalemi sunga ku Iluliko, nghaluganula no kulukwiza u Luganuzi Luswanu lwa Kilisito.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka, yono yali hundikwe mu ndelo nyinji zono zapuluta.

Walumi 16:26

Ninga aluno, imbeka yiyo yakondya kugubulwa mu nzila ye Mandiko ge wawizi, na so lilajilizo lyo Mulungu we cibitilila, yakondya kulajilwa kuli makungugo gose, ho wose wasume kwihuwila no kuwa na cihuliko.

Walumi 5:6

Hambi ase lono cali cikali cisoceye, ivilo vyali kufika, Kilisito yakacifwila ase co wabi.

1 Wakolinto 9:17

Na hono nali niwe neyihagulila nene no mweneco u mulimo wuwu, haco nali niwe nanjiliye ho ndipwe musahala, ninga alu vyono nghuwituma u mulimo wuwu nha munhu mono nojeye niwitume, alu baho wo wutya, wo mulimo wangu du wono napegwa niwitume.

Wagalatiya 4:4

Ninga i vilo vyali vyeza kufika, u Mulungu yamutuma u Mwanagwe mono yalelwa no mucekulu, yakekala mu Wulajilize,

Waefeso 1:10

U wuhile wuwo wono yali yawufisilize mwi'daha lyayo, wo wukongholeza hamonga iviwumbwa vyose, ho yavitowelele vyose viwe muli Kilisito, vya ku wulanga na vya kono'nze.

Waefeso 2:17

Hambi Kilisito nha yaza, yakaganula u Luganuzi Luswanu lo mulamu kuli nyenye mo wanhu mono si muli Wayahudi mono mwali muli kutali no Mulungu, sunga na kuli Wayahudi wono wali wali behi no Mulungu.

Wafilipi 1:13

Hambi nha ku soko ya zizo, i walindilizi wose we likulu, hamonga na wanji wose wa baha, wamanyile vyono nili mu jela, ku soko vyono ane nghumwitumamila Kilisito.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mono'nze.

Wakolosayi 1:6

No Luganuzi Luswanu, lukucila kulela mikalo, no kutandala mono yinze mose, nha vyono lwaza kwenyu nyenye, ku wulawa mwi'zuwa lililya lyono mwahulicila ze lihewa lyo Mulungu no kumanya vyono yili mbeka.

1 Watesalonike 2:4

Ase cilongaga nhondo zose nha vyono yendile u Mulungu, hambi nha yo mweneco mono yaciwona ase cikwiliye, yakawa kucipela u mulimo wuwu wo Luganuzi Luswanu. Wo si wuhile wetu hamba hadodo ho ciwendeze wanhu, langa cikuhila kumwendeza u Mulungu, mono yazimanyile zinhumbula zetu sunga mo mugati.

1 Timoteyo 1:1

Nene Pawulo mutumwa wa Yesu Kilisito ku soko ye lilajilizo lyo Mulungu u Mukombozi wetu na Yesu Kilisito u witumbilo wetu,

1 Timoteyo 1:11

Hambi imejizo gaga nha gali mu Luganuzi Luswanu lo Mulungu wo lukumyo kanyhi u mulugutwe.

1 Timoteyo 2:3

Ne nghani yiyi nha swanu kanyhi yikumwendezo Mulungu u Mukombozi wetu,

1 Timoteyo 4:10

Ase cikupiligala no kwituma cihidimbaye, hambi nha cimuwiciye witumbilo wetu u Mulungu mumi, mono yo Mukombozi wetu co wanhu wose, na ko muno wa walya wono wehuwiye.

2 Timoteyo 4:17

Ningo Muwaha yali yali hamonga nane, yamhela vilungo, sunga nghasuma kuyiganula inghani nha vyono yinha, i wanhu wono si Wayahudi ho wayihulice, kanyhi nghaponywa mu waling'anizwe wo kuwulagwa.

Tito 2:10

hamba kuwahiziza i vinhu vyawo. Ninga yiwanojeye walajile vyono wene waswanu, kanyhi wehuwilwa nhondo zose, ho wasume kugatujila lilumbo yiswanu i mafundo go Mulungu u Mukombozi wetu ku soko ye metumo gawo gose.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lo Mulungu Muwaha no Mukombozi wetu Yesu Kilisito.

Wugubule 14:16

Ale, ayulya mono yali yena hengo, mono yali yekaye mwi'vunde, yakayigumila hengo yakwe kono'nze, ne nhwanga ye yinze yikadudulwa.