Obadiya 1:8 - Luganuzi Luswanu Kuli Wanhu Wose 2002

⁸ Na mwi'zuwa lyono noloyilipiciziza Edomu, nolowahodanga i wanhu wawo we citung'ati, kanyhi nololuwusiza lukulu no wizuce wawo.

Obadiya 1:8 ပူးပေါင်းရင်းမြစ်များ

Zabuli 33:10

U Muwaha Mulungu kawuwembulaga wuhile we makungugo, no kugapata i mahweso gawo.

Isaya 19:11

Nawo i walongola wa mwi'kaya lya Sayuni, mbeka walele! Hambi nha wakubocela wulanjizwe wo wulele we wanhu we mahala wa Misili! Ku sokoci wakwijelela kumulonjela mutemi, nha vyono wene wo wahazi we walimu we katali, hamonga ne watemi?

Isaya 19:12

Nagwe Falawo u mutemi wa Misili, wali hayi lu i wanyamhala wako wasugu? Na lunji wali wasume kukulonjela ze mahweso go Muwaha Mulungu we Mihanga, zono yakuyihweseza Misili.

Isaya 19:3

Nowudumuciza wuhile we mahweso ge Wamisili, nolihodanga ne lihala lyawo. Nawo wolondola wutazi kuli vihwani vyawo, wokwitoweleza visangu mu waganga, wowuza mahweso kuli myuhe ye wafu.

Isaya 29:14

Ninga nane nowatowa nhinicizo kali kenji. Na muli wanhu wawo we mahala, wolelepa, nawo wasugu, no wusugu wawo wowa wa bwete du.”