Obadiya 1:5 - Luganuzi Luswanu Kuli Wanhu Wose 2002

⁵ “Ne wahizi lono wakuza ne cilo, wasolaga vyono wendile weneco, na lono wanhu wakududula zabibu, wasigazaga nyhefu zo kuhalaliza. Ninga i walugu wako wakondya kugongomezeza lukulu.

Obadiya 1:5 ပူးပေါင်းရင်းမြစ်များ

2 Samwili 1:19

“I walongola wetu, wawulajilwa mu matunda ga Isilayeli! I wasilikale wetu vitung'ati wagwa!

Isaya 14:12

“Gwe go mutemi wa Babiloni, go nyelezi yono ying'alalaga hakali mitondo, alu hodu wagwiza ku wulawa ku wulanga! Ninga katali ho wali wugasumize makungugo, alu ninga wakondya kugwiswa sunga ho hasi.

Isaya 17:6

Nawo Waisilayeli wolosigala wacefu muno muno, wolowa nho mubici wo muzeyituni wono wakondya kuhepwa mana gose, alu gasigala mejete hamba madatu du ku cinang'anang'a co mubici, hamba mana macefu du gono gasigaye mu manhambi ga mu sika-sika du yo mubici. Ane yo nene Muwaha Mulungu, u Mulungu we Waisilayeli, vyo nghutya.”

Isaya 24:13

Na zizi zo zoyijelela yinze yose mu zinghungugo zose. Yokwihwana no mudumo we nhwanga, lono mizeyituni yakondya kukong'onhwa mu mibici yayo, no kuhalaliza zabibu zose mu mizabibu yayo.

Yelemiya 49:9

Nawo wanhu lono wakuhepa zi zabibu, wasigazaga zinji mu mizabibu, nawo wahizi kolo wakuza mu madaha ge cilo, nawo wasolaga du zono wendile weneco.

Yelemiya 50:23

Babiloni yayipondanjiza yisi ne nyondo no kuyibenanjiza. Ninga luno, nyondo yiyo nayo yakondya kubenanjika! Sunga ne makungugo gose gatinuswa, ku soko ya zono zakondya kuyagana yisi yiyo.

Yelemiya 6:9

U Muwaha Mulungu Mudaha Vyose yakanonjela yakatya, “Hambi Isilayeli nha wolowusizwa lukulu nhe mahalalizwa ge zabibu mu mubici wo muzabibu, wono wali wakondya kuhepwa zi zabibu zayo. Holeka aluno, yikunojeye wuwaponye wanhu wose wono kosuma, lono i cipango cico cikali si naza.”

I Cililo 1:1

Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

Obadiya 1:9

Ne wanhu vitung'ati wo wulugu wono wali ku Temani, wolokogofywa muno muno, ne wasilikale wose wono wali mu Edomu, wolowulagwa.”

Mika 7:1

Woyi hee! Hambi ane nha neza nha munhu mono yadabuce, mono yagana musina mikalo yono yisigazwe mu mibici, hamba zabibu mu manhambi ge mizabibu. Hambi zabibu zose hamonga ne mikalo yo mukuyu, nha vyakondya kuhepwa.

Zefaniya 2:15

Azi zo zololijelela likaya lyono lina wiwoni wo kwiyitumbila vilungo vyalyo lyeneco, no kwihwesa vyono likaye lipolile. Ne wanhu wayo wakwihwesa vyono likaya lyawo lye 'waha kuciza makaya gose mono yinze yose. Na kumbe wo wambuce wa bwete, hambi nha holopituka hawe wikalo we zinimu za mu mbago! No munhu wo wose mono kokolela baho, kololihoweleza no kusinjisa mutwe wakwe.

Wukumbucize wo Wulajilize 24:21

Nagwe kolo wakondya kuhepa kamonga zabibu zako, wulece kuwuyajila kanyhi, ho wukahepe zono zisigaliye. Azo zono zowa zikali zisigaye, zowa zawasigalila i wajenzi, ne wana wono wasina walezi wawo, hamonga ne wacekulu wafwile.

Wugubule 18:10

Nawo wolowa wemile kutali muno, wakugogopa i magazo gakwe, akuno wakutya, “Woyi he! Woyi, he kuli'gwe go Babiloni, i likaya litambule, kanyhi lye vilungo! Mwidaha lya saa monga du, u wulipicizwe wako wakondya kukuziza.”