Obadiya 1:20 - Luganuzi Luswanu Kuli Wanhu Wose 2002

²⁰ Ne lipuga lya wono wasolwa wakahamywa ku wulawa Isilayeli ya kusumuka, nawo wolowuya no kuyitema Foyinike, sunga ko kusumuka kutali, ku Zelefati. Na wono wahamywa ku wulawa Yelusalemi, wawo wono wali Sefaladi, wologasola makaya ga Yuda ya kutakama.

Obadiya 1:20 ပူးပေါင်းရင်းမြစ်များ

Yelemiya 13:19

Hambi i makaya ga Yuda, gono gali ku lubavu lwa kutakama ge yisi ya Yuda, nha gakondya kupilimwa no wulugu, hamba hasina munhu wo wose mono kosuma kwinjila mu makaya gago kanyhi. Ne wanhu wose wa Yuda nha wakondya kusolwa, wategulwa ku wuhamywe.”

Yelemiya 3:18

Mu vilo vivyo, i wanhu wa Isilayeli ne wanhu wa Yuda, wolokwilunza hamonga. Nawo wolowukana hamonga ku wulawa ku wuhamywe, mu yisi yo lubavu lwa kusumuka, wawe kuwuya kanyhi ku yisi yono ane nawapela i walezi wenyu yiwe wuhazi wawo.”

Yelemiya 32:44

Ne wanhu woloyigula, ne zikalatasi zo wuhomelezi zo wugule wazo, zolotajilwa vitanjilo no kwandikwa ne matagwa, hamonga no wuhomelezi. Na zizi, zolokwitumwa mu yisi ya Benyamini, na mu vitumbi vyose vyono vipilime Yelusalemi, na mu vikaya vya Yuda, sunga na mu vikaya vyose vya mu'si ye matunda, na mu mwalambalo we matunda, sunga na ku lubavu lwa kutakama lwa Yuda. Nolowagomola wanhu ku yisi yawo. Vyo nghutya, ane no Muwaha Mulungu.”

Yelemiya 33:13

Na mumo mu vikaya vya mu matunda, na mu mwalambalo we matunda, na mu yisi ya Yuda, ku lubavu lwa kutakama, na mu yisi yose ya Benyamini, na mu vitumbi vyose vyono vipilime Yelusalemi, sunga na mu vikaya vyose vya Yuda, mumo mose, molowa kanyhi hanhu hono wanhu wolowa kuziwalila zingholo zawo. Vyo nghutya, ane no Muwaha Mulungu.”

Yelemiya 33:26

Holeka vyono mbeka netuma zizi, ale, nane nocikamisa cilagane cangu, cono nacinoza no lulelo lwa Yakobo no mwitumami wangu Dawudi. Kanyhi nolomuhagula yumonga wa mu lulelo lwa Dawudi, yateme mu lulelo lwa Abulahamu, na Isaka na Yakobo. Nane nolowa no lusungu kuli wanhu wangu, kanyhi nolowamotya muno.”

Ezekiyeli 36:12

Nolomugomolenyi 'nye nyo wanhu wangu Isilayeli, muze mwikale kanyhi mu'si, nayo yolowa yisi yenyu nyo weneco. Nayo yisi hamba si yolowaleka kanyhi i wana wenyu waze wagazice ne lizala.

Luka 4:26

Hamba nhavivyo, Eliya si yatumwa kuli yunji wowose, langa yatumwa kuli mucekulu mufwile du wa ku Saleputa mu yisi ya Sidoni.