Obadiya 1:14 - Luganuzi Luswanu Kuli Wanhu Wose 2002

¹⁴ Hamba si yali yikunojeye wime ha nzila malekano, ho wuwebate wawo wono wakuhila kutiza. Hamba si yali yikunojeye wuwawice mu miwoko ye walugu, mwi'zuwa lyo wongomezwe wawo.”

Obadiya 1:14 ပူးပေါင်းရင်းမြစ်များ

Mwamulizo 35:3

Hanyuma cibite ku Beteli, nghamuzenjele wukumbicilo Mulungu mono yanhaza lono nali nili mu wugaye, kanyhi yakawa yali hamonga nane hanhu hose hono nabitaga.”

Zabuli 31:8

Agwe nha si wandeceleza nibatwe ne walugu wangu, kumbika hanhu hono hapolile.

Isaya 16:3

Nawo wakuwalonjela wanhu wa Yuda wakutya, “Ale mucilonjele zono citume. Mucicitile nho mubici wono wukung'unhice mahamha gayo mu misi mugati, mucilece cicehe mu mubeho wenyu. Hambi ase nha cili wahamizi, holeka muciwice i hanhu hono munhu yunji si kosuma kuciwona.

Isaya 16:4

Mucilece cikale mono yisi yenyu. Kanyhi mucicitile kuli wose wono wosaka kucongomeza.” Wukunhulangwe hamonga no wongomezwe, vyose vyolopuluta, na wawo nawo wono wakuyihodanga yisi, nawo nhavivilvya wolopuluta.

Isaya 37:3

Nayo yakawalajiliza wabite wakamulonjele Isaya watye nhavi, “Izuwali lye zuwa lyo wugaye, hambi nha calipicizwa, no kukozwa cevu, caweza nho mucekulu mono yali mu nghunga yo lusawo, ninga yasoceye hamba si yakusuma no kulela.

Yelemiya 30:7

Ninga lizuwa lyo wogofye likuza, hasina hamba lizuwa linji lyono lyolowa lihwanile ne lizuwa lilyo, lizuwa lyo wugaye we wanhu wangu, wo lulelo lwa Yakobo, ninga hamba nhavivyo, wolopona du.”

Amosi 1:6

Muwaha Mulungu yakutya, “Iwanhu wa Gaza, wetuma wubi muno muno. Na ku soko yiyo, nane nowalipiciza wene. Ku soko wene wayisola nghungugo yose, no kuwahamizizya kuli wanhu wa Edomu wawe wawanda.

Amosi 1:9

Muwaha Mulungu yakutya, “Iwanhu wa Tulo, nawo wetuma wubi kali kenji. Na ku soko yiyo, nane nowalipiciza. Hambi nha wayisola nghungugo yose no kuyihamizizya ku yisi ya Edomu wawe wawanda, hamba siwacikumbucila ne cilagane ce ndugu cono wacinoza.

Obadiya 1:12

Holeka si wali wunojeye wuwasece i wanduguzo wono wali mu Yuda ku soko yo wugaye wawo. Hamba kuwa no wusangalale mwi'zuwa lyawo lyo wugaye. Hamba kuwasekanga ku soko yo wugaye wawo.

Matayo 22:9

Holeka alu mubite mu zinzila malekano, na wo wose wono mowagana mumo, ale muwacemaje waze ku halusi.’