Obadiya 1:13 - Luganuzi Luswanu Kuli Wanhu Wose 2002

¹³ Hamba si yali yikunojeye winjile mwi'kaya lye wanhu wangu, wuwasimanjile mu magayo gawo, no kusola zo wugoli wawo mwi'zuwa lyo wongomezwe wawo.

Obadiya 1:13 ပူးပေါင်းရင်းမြစ်များ

2 Samwili 16:12

Lunji Muwaha Mulungu kozilanga zimbi zono nghutendelwa. No Muwaha Mulungu kohaliza ziswanu zihomele wulijitwe wangu we zuwali.”

Jobu 31:29

“Nane nghali si ninawusangalalila wutamiswe we walugu wangu, hamba lono wakwinjila mu magayo.

Zabuli 22:17

Alu nasigala mafupa gose du, ne walugu wangu wananjile akuno wakusimanga.

Yelemiya 46:21

Sunga ne wasilikale wakwe wo kulipwa, watimbile du, wenha ndama si wakusuma kwina no kwihoma, langa wose wawuya ne nyuma no kutiza. Hambi lizuwa lyawo lyo wongomezwe, nha lyakondya kuza, lidaha lyo wuhodanjice wawo.

Ezekiyeli 35:10

“Hambi agwe nha wukutya ti, gago i makungugo mejete, Yuda na Isilayeli, hamonga ne yisi yawo, vyose vyako yo sawa yako. Hamba yiwe ane no Muwaha Mulungu, yo nene Mulungu wawo ku wulawa na katali.

Ezekiyeli 35:5

“Anye nyo wanhu wa Edomu, yo nyenye mono mwali walugu wawaha we wanhu wa Isilayeli. Sunga mukawambuza i wanhu wa Isilayeli wakawulagwa vibi, mwi'daha lye magazo gawo, mwi'pango lye ndumilizo lyo wulipicizwe wawo ku soko yo wubi wawo.

Ezekiyeli 36:2

yono ane no Muwaha Mulungu, nghusaka nigalonjele. Hambi i walugu we yisi ya Isilayeli, nha wakwitopa wakutya, ‘I matunda gago ge katali nha geza getu co weneco!’

Ezekiyeli 36:3

Alu wuwawililaje, wuwalonjele zono ane no Muwaha Mulungu nghuwalonjela nghutya, Lono i makungugo i mekalani ne Waisilayeli, wagasolela no kugateka i matunda ge yisi ya Isilayeli, i makungugo gose gakawa kuwaliganga Waisilayeli.

Zakaliya 1:15

Kanyhi nghuziwonela yikuwo zinghungugo zono zicehile kanyhi zina mulamu. Ku soko lono likuwo lyangu lyali lyapola so wanhu wangu, zinghungugo zizo, ho zikacila muno kuwagaza wanhu wangu no kuwetumya vibi.