Obadiya 1:10 - Luganuzi Luswanu Kuli Wanhu Wose 2002

¹⁰ “Kolipicizwa agwe Edomu, ku soko vyono wali wuli muhizi, kanyhi wukawawulaga sunga ne wanduguzo, i wana wa Yakobo, holeka nagwe luno kohodangwa no kuwembulilwa lukulu cibitilila.

Obadiya 1:10 ပူးပေါင်းရင်းမြစ်များ

Mwamulizo 27:11

Ninga mwene Yakobo yakamulonjela nyina yakatya, “Ninga yaya, wukumbucile vyono u muwaha wangu Esawu yena wukunzeje mu muwili wakwe wose, wono ane no mweneco niwusina.

Mwamulizo 27:41

Hodu ku wulawilila baho, Esawu yakawa kumusula muno muno Yakobo u mwanakwawe, ku soko yo wulugutwe wono Yakobo yali yakondya kupegwa no sogo yawo. Nayo Esawu yakehwesa yakatya, “Ninga mwene i vilo vyo kumulilila sogo yetu nha vyasejelela muno. Ale, nane baho ho nomuwulajila u mwanakwetu Yakobo.”

2 Zinghomo 28:17

Hambi Waedomu, nha wali waza kanyhi kuwahoma Wayuda, no kusola wafungwa wenji.

Zabuli 109:29

Walugu wangu wavwikwe cevu, wefunice cevu cawo weneco nhe bulanjeti.

Zabuli 132:18

Nane nowakoza cevu walugu wakwe, ninga wutemi wakwe womoteswa muno muno.”

Zabuli 137:7

Gwe go Muwaha Mulungu, wulece kuzisemwa yaye zono wazituma Waedomu, lono Yelusalemi yasolelwa ne walugu, wukumbucile vyono watya, “Yimwagulenyi Yelusalemi! Sunga ne mabwe go musinji gose!”

Zabuli 69:7

Hambi nha nghozwa cevu ku soko yako gwegwe, soni zifunicize mu wusu wangu.

Zabuli 89:45

Kumucepulila vilo vyakwe vyo wuzelelo, wamupela cevu ciwaha.

Zimbazi 10:6

U munhu muswanu katugaga wumoteswe. Ninga zinghani zo munhu mubi, zigubikaga wugazi.

Zimbazi 17:5

Na hono wuwe kuwasekanga i waciwa, ale, wumanye vyono wukumutovula Mulungu mono yawawumba. Na mono kasecelelaga wugazice wo munhu yunji, kolipicizwa.

Yelemiya 12:14

U Muwaha Mulungu yakutya nhavi, “Ane nina nghani yono nghusaka niwalonjele wono wekalane ne wanhu wangu Waisilayeli, wono wakondya kuyinoza matongo, i yisi yono nawapela i wanhu wangu Waisilayeli. Nha vyono nane, nowawusa wawo i wanhu wabi, mu zi'si zawo, niwakule, niwawuse ne milela nho mubici, nimuponye Yuda muli wene.

Yelemiya 3:25

Holeka alu yicinojeye cigone hasi so cevu cetu, cilece zisoni zetu zicifunice. Hambi ase hamonga ne walezi wetu, nha cikalaga cikwituma wubi du hali Muwaha Mulungu, u Mulungu wetu, kanyhi hamba si cigebate ne malajilizo gakwe.”

Yelemiya 49:13

Nane nha nakondya kwilahiza nha vyono likaya lya Bozila, lyolowa yikaya lyo wogofye, kanyhi lyolowa nyika. Nawo wanhu wololisekanga muno, no kulitumamila litagwa lyayo nha wulijite. Ne vitumbi vyayo vyose vyono vilipilime, vyolowa matongo cibitilila. Vyo nghutya, ane no Muwaha Mulungu.”

Yelemiya 51:51

Ninga 'nye mukutya ti, ‘Oo! Ase nha cikozwa cevu, kanyhi cikuwona soni, kanyhi cikwiwona nha cisina wutazi wo wose, hambi i wajenzi nha wenjila hono helile mu Nyumba yo Mulungu.’

I Cililo 4:21

Ale, musece du, no kusangalala mu nghango yenyu, anye nyo wanhu wa Edomu na Uzi. Ninga mumanye nha vyono, nanye magazo gakumuzizenyi nhavivyo, nanye molopuwa, muwe jenda cipwi mukoligwe ne cevu.

I Cililo 4:22

Alu Sayuni yakondya kulipicizwa so wubi wayo. Holeka Muwaha Mulungu, hamba si kucileka cijendelele kuwa mu wuhamywe yaye. Langa agwe Edomu, u Muwaha Mulungu kokulipiciza du, kanyhi kowanzalika no wubi wako.

Ezekiyeli 35:9

Nane nolokunoza wulekwe cibitilila, na holowa hasina munhu hamba monga, mono kolokwikala kanyhi mu makaya gako. Nagwe go yisi ya Edomu, baho nhondo, ho wulamanyila nha vyono ane yo nene Muwaha Mulungu.

Ezekiyeli 7:18

Nawo wolovwala magunila, akuno wakucicima so woga wuwaha muno. Woloyiceta mitwe yawo, wolokozwa cevu ciwaha muno.

Yoweli 3:19

“Misili yolowa nyika nghavu, na Edomu yolohodangwa no wongomezwe, vyono wayihoma yisi ya Yuda, no kuwawulaga wanhu wono wasina masutya.

Amosi 1:11

Muwaha Mulungu yakutya, “Wanhu wa Edomu, wetuma wubi kali kenji. Na ku soko yiyo, nane nowalipiciza. Hambi nha wawatendela vibi wandugu zawo, Waisilayeli, hamba kulajila lusungu yaye. Ne likuwo lyawo, likawa vyo lijendeleye du lisina wumalice yaye.

Mika 7:10

Nawo walugu wetu, woloziwona zizi wakolwe cevu. Ne walugu wanji wolocilonga wawe kutya, “Alu yali hayi u Muwaha Mulungu, u Mulungu wenyu?” Nase colowawona wakondya kusumwa, wakukanyanjilwa hasi nhe madabaga, mu zinzila za mwi'kaya.

Wukumbucize wo Wulajilize 23:7

“Ninga langa mulece kuwasula i Waedomu, hambi awo nha wandugu zenyu. Ne Wamisili nawo mulece kuwasula, hambi nanye nha mwekala nha muli wajenzi mu yisi yawo.

Wukumbucize wo Wulajilize 23:8

Ne wana wawo wo lulelo lwe kadatu wono wolelwa, awo wosuma kuwalilizwa hamonga ne wanhu wo Muwaha Mulungu.”