Obadiya 1:1 - Luganuzi Luswanu Kuli Wanhu Wose 2002

¹ Awuno wo wugubulilwe wa Obadiya, wa zono Muwaha Mulungu yazilonga kuli likungugo lya Edomu. U Muwaha Mulungu yamutegula mutumwa wakwe kuli makungugo, nase cayihulika i nghani yakwe, yakutya, “Ale, wiwikanizaje! Cibite cikayihome Edomu!”

Obadiya 1:1 ပူးပေါင်းရင်းမြစ်များ

Mwamulizo 25:30

Yakawa kumunena Yakobo yakatya, “Gwe mwanakwetu Yakobo, nzala yanhama muno nomuyago, holeka dedede, wumhelaje ndigwa yiyo ndunghu nilye.” (Nayo yo soko yono yaleka wakamupela litagwa lya Edomu.)

Mwamulizo 36:8

Holeka Esawu yakabita kwikala mu yisi ye matunda ga Seyili. Litagwa linji lya Esawu, yo Edomu.

Mwamulizo 36:9

Awa wono wetyatizye, zo ndelo za Esawu u sogo ye Waedomu, mu yisi ye matunda ga Seyili.

Zabuli 137:7

Gwe go Muwaha Mulungu, wulece kuzisemwa yaye zono wazituma Waedomu, lono Yelusalemi yasolelwa ne walugu, wukumbucile vyono watya, “Yimwagulenyi Yelusalemi! Sunga ne mabwe go musinji gose!”

Isaya 21:11

Ayi nayo yo nghani kuli Edomu. Ko yuli munhu yunji mono yakunyhemeleza ku wulawa Seyili, yakutya, “Gwe mulindilizi, alu wusiku ho wokwela nili lo? Ta wunonjele, ho wokwela nili?”

Isaya 21:12

Nane nghamupitula nghatya, “Wusiku weza behi no kwela, ninga hamba nhavivyo, i cilo cokuza kanyhi. Holeka nagwe, hono wuwe wukusaka kuwuza, ale, nhondo wuze du wuwuze kanyhi.”

Isaya 30:4

Hamba wawe wawaha we yisi ya Misili, wakondya kwinjila mu makaya ga Zowani na Hanesi, gono gali mu wutemi wa Misili,

Yelemiya 25:17

Ale, nane nghawa kucibocela cikombe cico mu mawoko go Muwaha Mulungu, nghawa kuwapela i makungugo gose, kono Muwaha Mulungu yanhuma, nawo wakacing'wa cikombe cico.

Yelemiya 25:21

Hamonga ne wanhu wose wa mu yisi ya Edomu, na Mowabu ne yisi ya Amoni.

Yelemiya 51:46

Ninga mulece kutukuwika mitima yenyu, hamba kuwa no woga kuli zinghani zono mukuzihulika mu'si. Hambi mapwepwe nha si goleka kuza, mwaka na lupwepwe lwayo lono lwisimile. Hanji lupwepwe lwe mawulaji mu'si, hamonga no wihomi wo mutemi no mutemi muyagwe.

Ezekiyeli 35:1

U Muwaha Mulungu yakanonjela yakatya,

Yoweli 3:19

“Misili yolowa nyika nghavu, na Edomu yolohodangwa no wongomezwe, vyono wayihoma yisi ya Yuda, no kuwawulaga wanhu wono wasina masutya.

Mika 2:13

Nayo Mulungu kowadigulila nzila, no kuwalongolela, wawuce mu wulawa mu yisi yo wujenzi. Wogabenanjiza malango ge likaya no kubita wapolile. No mutemi wawo, u Muwaha Mulungu mweneco, yo kolowatonga.

Matayo 24:6

Kanyhi molohulika muli zo wulugu, ne zinonga nonga zo wulugu, ninga anye mulece kwihwelela, hambi zizo, nha zinojeye zize, ninga ndumo yeneco yowa yikali si nawa.

Maluko 13:7

Nanye kolo mukuhulika zo wulugu ne zinganuzi zo wulugu, mulece kogopa. Hambi zinghani zizi nha sizoleka kuza, ninga indumilizo yeneco yikali sinaza.