Nehemiya 9:8 - Luganuzi Luswanu Kuli Wanhu Wose 2002

⁸ Wukamuwona vyono mwihuwilwa kuli'gwe, wukawika cilagane nayo, wukamwilahiza vyono kowapela wo lulelo lwakwe yisi ya Kanani. Ne yisi ye Wahiti, ne Waamoli. Ne yisi ye Wapelizi, Wayebusi, ne Wagiligashi. Ho yiwe yisi yono zindelo zakwe zowa kwikala. Wakamisa wihuwizo wako. Vyono agwe wuli mwihuwilwa.

Nehemiya 9:8 ပူးပေါင်းရင်းမြစ်များ

Mwamulizo 12:7

Ale, u Muwaha Mulungu yakamulawila Abulamu yakamutya, “Nolupela lulelo lwako yisi yiyino.” Co caleka Abulamu yakumuzenjela cikumbicilo u Muwaha Mulungu mono yamulawila.

Mwamulizo 15:6

Nayo Abulamu yakawa kumwihuwila Mulungu, nayo Mulungu yakamuvumila Abulamu nha vyono yali ling'ani.

Mwamulizo 22:12

Malayika yakamutya, “Wulece kumutamisa yuyo mwana, hamba wulece kumutendela nghani yo yose! Alu namanya vyono agwe mbeka wumogopile Mulungu, vyono si wumulemeze mwanago we ciwene Isaka.”

2 Samwili 22:31

Nzila zo Mulungu, za mugoloka ne zinghani zakwe za mbeka. Mwene wo wutazi kuli wono wakutiziza kuli mwene.

1 Zinghomo 1:14

Nayo Kanani yali yo mulezi we Wayebusi, ne Waamoli, ne Wagiligashi,

1 Zinghomo 16:16

I cilagane cono yacinoza na Abulahamu no wihuwizo wono yamwihuwiza Isaka.

Ezila 9:15

Ninga agwe go Muwaha Mulungu wa Isilayeli, agwe yo wuli we ling'ani, hambi nha kucileka cikale cili womi. Holeka nase cikunena wubi wetu ne masutya getu hali'gwe, hamba si cinojeye kuza na ha mwande yako.”

Nehemiya 9:33

Wetuma viswanu kucilipiciza, kanyhi wuketuma ze ling'ani, hambe nha cakunozeza wubi.

Zabuli 116:5

Muwaha Mulungu yo munghala wuswanu wose, no wihuwilwa, Mulungu wetu, yo Mulungu wo lusungu.

Wutuluce 3:17

Holeka nane nadumula nghani vyono, niwawuse mu yisi yiyo ya Misili, hanhu hono wakuwatendela ko wukali, niwategule ku yisi yono yina moso, hamonga no wumemelecele wo wuswanu wose, yisi ye Wakanani ne Wahiti, ne Waamoli, ne Wapelizi, ne Wahivi, hamonga ne Wayebusi.

Wutuluce 3:8

Holeka aluno nhima ho niwaponye ku wulawa mu miwoko ye Wamisili. Niwawuse mu yisi ya Misili, niwategule sunga ko ku yisi swanu. Yisi yono yina moso, hamonga no wumemelecele wo wuswanu wose, yisi yono aluno wekaye wa Kanani, ne Wahiti, ne Waamoli, ne Wapelizi, ne Wahivi, ne Wayebusi.

Ezekiyeli 33:24

“Gwe go munhu, i wanhu wono wekaye mu matongo ge makaya ga mu yisi ya Isilayeli, wakutya, ‘Abulahamu, yali yo munhu mono yali yali wene du mono yapegwa yisi yiyi yose. Alu ase nha cili wenji, holeka ne yisi yiyi yose yetu.’

Wuwale 13:29

Nawo Waamaleki wekaye ku lubavu lwe takama ye yisi. Nawo Wahiti ne Wayebusi hamonga ne Waamoli, wekaye mu yisi ye matunda. Nawo Wakanani, wekaye mu mwalambalo we lilenga lya Meditelaneya, na ku lubavu lwe likolongo lya Yoludani.”

Wuwale 23:19

Mulungu si yehwanile wanhu wono walambaga. Hamba si yehwanile wuwe wo wuhile wo munhu wono wupitukaga, Ninga mwene ketumaga zose zono yehuwize, Mwene kalongaga ko mulomo, nazo ziwa kwijela.

Metumo ge Watumwa 13:22

No Mulungu yaza kumuwusa Sawuli, yakamuwika Dawudi yawe mutemi wawo. Mulungu yahomelela, yakatya, ‘Nimuwona Dawudi u mwana wa Yese, munhu mono nimwendile muno, yo munhu mono kosuma kwituma zose zono nghusaka nizitume.’

Wukumbucize wo Wulajilize 26:3

Hanyuma mumubitile mukohani mono kowa yali baho mu vilo vivyo, mumulonjele muwe kutya, ‘Alu nhondo ho camanya vyono Muwaha Mulungu, u Mulungu wetu, yakondya mbeka kucinjiza mu yisi yono yawehuwiziza i walezi wetu vyono kocipela sese.’ ”

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Wukumbucize wo Wulajilize 7:1

“Muwaha Mulungu, u Mulungu wenyu, komutegulenyi sunga ko ku yisi yono moyisola yiwe yenyu, nayo kogawinga makungugo menji gono gali mu yisi yiyo gawuce. Hamonga ne makungugo mupunghati mawaha, gono gali vilungo kuciza anye, likungugo lye Wahiti, ne Wagiligashi, ne Waamoli, ne Wakanani, ne Wapelizi, ne Wahivi, ne Wayebusi.

Wukumbucize wo Wulajilize 9:5

Kanyhi si vyono anye muli we ling'ani, mukwituma ze ling'ani, holeka yiwe Muwaha Mulungu yakumupelenyi yisi yawo. Langa mwene kowawinga ku soko yo wubi wawo. Yakuhila yajendelele kukamisa cilagane cakwe cono yacinoza kuli walezi wenyu, Abulahamu, Isaka na Yakobo.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo mu myaka ye katali lono yali yikali si nawa,

Wahebelaniya 11:17

So wihuwilo, Abulahamu yamulavya u mwanagwe Isaka ho yawe likumbiko, lono u Mulungu yamujelaga. Na yuyo Abulahamu yali yabocela u wihuwizo wo Mulungu, ninga, hamba nhavivyo, yavumila kumulavya yikumbiko u mwanagwe we ciwene,

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.

Yoshuwa 11:23

Yoshuwa yakayisola yisi yose, nha vyono Muwaha Mulungu yali yamulajiliza Musa. Yakawapela Waisilayeli yiwe yawo, yakawagawaniza wanhu, nha vyono lyali linha liwalo lye milango yawo, hanhu na mulango wawo. Nhondo no wulugu wukawa kumalika, ne wanhu wakawa kwikala wapolile.

Yoshuwa 11:3

Kanyhi Yabini yakategula nghani kuli Wakanani wono wekalaga ku nhumbi zose vyono nyejete ze likolongo lya Yoludani, sunga na kuli Waamoli na kuli Wahiti, na kuli Wapelizi ne Wayebusi wa mu yisi ye matunda, hamonga na kuli Wahivi wono wekalaga mu nhenenhuko ye litunda lya Helemoni mu yisi ya Mizipa.

Yoshuwa 23:14

“Lanjenyi ta, alu lipango lyangu lyo kufwa lyafika. Nanye mumanyile wose mu mitima na mu myuhe yenyu, vyono hasina cinhu cinji co cose, ce ziswanu zose, zono yehuwiza Muwaha Mulungu, u Mulungu wenyu, cono cicepuce. Wihuwizo wakwe wose nha waficilicila. Hasina hamba nghani yono yicepuce.

Yoshuwa 9:1

I vilungo hamonga no wusume we Waisilayeli, vikamanyika muno mu watemi wa mu mhelo ye mwezi ye likolongo lya Yoludani, mu matunda na mu mwalambalo we matunda, na mu mwalambalo wo wuhihi we lilenga lya Meditelaneya, sunga kulubavu lwa kusumuka, ku Lebanoni. Ne watemi wawa wali wo watemi we Wahiti, ne Waamoli, ne Wakanani, ne Wapelizi ne Wahivi ne Wayebusi.

1 Yohana 1:9

Langa hono ciwuvumile u wubi wetu, u mwene u Mulungu yo mwihuwilwa, kanyhi yali ling'ani, nayo kocinenela u wubi wetu wose, no kucikwema ne masutya getu gose.