Nehemiya 9:7 - Luganuzi Luswanu Kuli Wanhu Wose 2002

⁷ Yo gwegwe go Muwaha Mulungu u Mulungu mono wamuhagula Abulamu. Wukamutonga ku wulawa ku Uli wa ku Babiloni, wukamupela ne litagwa lya Abulahamu.

Nehemiya 9:7 ပူးပေါင်းရင်းမြစ်များ

Mwamulizo 11:31

Nayo Tela yakawa kuwasola u mwanagwe Abulamu, hamonga na Loti u mwizukuluwe, mono yali yo mwana wo mwanagwe Halani, hamonga na Salayi u mugolece wa Abulamu. Wakawa kutuluka wose hamonga ku wulawa ku Uli, likaya lye Wakalidayo, wakubita ku yisi ye Wakanani. Ninga wali weza kufika mu Halani, hodu wakekala kuko.

Mwamulizo 15:7

U Muwaha Mulungu yakamulonjela Abulamu, yakatya, “Ane yo nene Muwaha Mulungu mono nakuleta bahano ku wulawa ku Uli, likaya lye Wakalidayo, ho nghupele yisi yiyi yiwe yako.”

Mwamulizo 17:5

Na ku wulawa lulu, ilitagwa lyako si kocemwa kanyhi Abulamu, langa kocemwa Abulahamu. Hambi ane nha nakondya kukunoza ho wuwe sogo we makungugo menji.

Mwamulizo 18:19

Nimuhagula ho yawejize wanagwe hamonga no lulelo lwakwe, wayibate i nzila yangu nene no Muwaha Mulungu, mu wituma ziswanu na zo wiling'ano, nane no Muwaha Mulungu ho nimufisilizize zono namwihuwiza.”

1 Zinghomo 1:27

na Abulamu, (mono yamanyice kwe 'tagwa lya Abulahamu.)

Isaya 51:2

Kanyhi mwihwese na zo mulezi wenyu Abulahamu, na za Sala mono yamulelenyi. Kanyhi mumanye na vyono lono namucemela Abulahamu, lulo yali yasina hamba mwana monga, ninga ane nghamulugutiza, nghamupela ne wana. Nghawanoza wanagwe wawe wenji muno muno.

Wukumbucize wo Wulajilize 10:15

Hambi u wendo wakwe kuli walezi wenyu, nha wali wuwaha, holeka yakamuhagulenyi anye si nhe wanhu wanji, sunga nalu, mukali muli wanhu wakwe wahagulwa.