Nehemiya 9:6 - Luganuzi Luswanu Kuli Wanhu Wose 2002

⁶ Hobaho wana wa isilayeli, wakalomba lilombo alino, “Gwe go Muwaha Mulungu, yo gwegwe Muwaha wuli wene, yo gwegwe mono wawumba wulanga, hamonga ne zinyelezi kucanyha. Yo gwegwe mono wawumba yisi ne lilenga, na vyose vyono vili mumo. Yo gwegwe mono kuvipelaga vyose wumi. Mihanga yose ya ku wulanga. Yikufugamilaga gwegwe no kukuhemba.

Nehemiya 9:6 ပူးပေါင်းရင်းမြစ်များ

Mwamulizo 1:1

Ku mwamulizo Mulungu yawumba u wulanga ne yinze.

Mwamulizo 1:9

U Mulungu yakatya, “I malenga gono gali hasi yo wulanga gehangulizize hamonga, hakavu ho hasume kwijela.” Nayo vyo yikawa nhavivyo.

Mwamulizo 2:1

Ale, u wulanga ne yinze, hamonga ne vinhu vyose vyono vili mumo, vikawa vyakondya.

Mwamulizo 32:2

Nayo Yakobo yali yeza kuwawona, yakatya, “Ali lyo lipuga lyo Mulungu!” Holeka yakahacema hanhu baho yakahatya, Mahanayimu.

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

1 Watemi 8:27

“Gwe go Mulungu, alu mbeka, kosuma kwikala mono yinze? Wulanje vyono wulanga hamba si wukukwiliye yaye, alu Nyumba yiyi yono nzenjile yo yokukwila?

2 Watemi 19:15

yakalomba yakutya, “Gwe go Muwaha Mulungu, go Mulungu we Waisilayeli, mono wikaye mu makelubi, nha yo gwegwe Mulungu mono wutemile mu watemi wose wa mono'nze. Yo gwegwe mono wawumba wulanga ne yinze.

2 Watemi 19:19

Holeka aluno go Muwaha Mulungu go Mulungu wetu, cikukunena wuciponye mu miwoko ye Waashuli. Ne makungugo gose ga mononze, ho gomanya nha vyono yo gwegwe du wuli wene, go Muwaha Mulungu.”

Nehemiya 9:5

Hobaho i Walawi, Yeshuwa, Kadimiyeli, Bani, Hashebeneya, Shelebiya, Hodiya, Shebaniya, na Petahiya, wakawa kuwacemeleza wanhu waze ku wuhembi, wakatya, “Mwime mukamile, mumulumbe Muwaha Mulungu, u Mulungu wenyu, Mumulumbaje cibitilila ne cibitilila! Ale, wose walikumye litagwa lyako lyo lukumyo. Lyono likumucile si nho wulugute wose ne lilumbo lyose.”

Zabuli 102:25

wayiwumba yinze katali na katali, wulanga wo mulimo we miwoko yako.

Zabuli 103:21

Nanye nyo we vilungo ku wulanga, mukumyenyi Muwaha Mulungu, mukumyenyi anye nyo wetumami wakwe, anye mono mwibate zo wuhile wakwe!

Zabuli 115:15

Ale, Muwaha Mulungu yamulugutizenyi, mono yawumba wulanga ne yinze.

Zabuli 124:8

Wutazi wetu wulawaga kuli Muwaha Mulungu, mono yawumba wulanga ne yinze.

Zabuli 146:6

mono yawumba wulanga ne yinze, ne lilenga, sunga na vyose vyono vili mumo. Mwene kawukamisaga wihuwizo wakwe cibitilila.

Zabuli 24:10

Alo yuyo yo nani lo u Mutemi we nhojo? Yuyo yo Muwaha Mulungu, we mihanga, Mwene yuyo yo Mutemi we nhojo.

Zabuli 33:6

U Muwaha Mulungu, yawuwumba wulanga ko wulajilize wakwe, ne vinhu vyose vya ku wulanga, vyawumbilwa mu wahulile wakwe.

Zabuli 36:6

Ne ning'aniza yako, yihwanile visolo vye lilenga. Agwe go Muwaha Mulungu, kuwadimaga wanhu wose hamonga ne vilimu vyose.

Zabuli 86:10

Hambi nha yo gwegwe mukala wuwaha, mono kunozaga mapoto mawaha, agwe yo gwegwe Mulungu we ciwene.

Isaya 37:16

“Gwe go Muwaha Mulungu we mihanga, go Mulungu wa Isilayeli, mono wikaye kucanyha ha ciligati ye Makelubi. Yo gwegwe du Mulungu wuli wene, mono wutemile mu matemi gose ge yinze.

Isaya 37:20

Alu, 'gwe go Muwaha Mulungu, cikukulomba wuciponye mu miwoko ye Waashuli. Ne makungugo gose ga mono'nze ho gamanye vyono, agwe yo gwegwe du Mulungu wuli wene.”

Isaya 43:10

Nye nyo wanhu wa Isilayeli, anye yo nyenye wuhomelezi wangu. Ane namuhagulenyi ho muwe wetumami wangu, ho mumanye 'ne no kunyihuwila kanyhi ho mumanye nha vyono yo nene du Mulungu nili wene. Na kanyhi mumanye nha vyono hasina mulungu yunji ku wulawa katali, hamba mono kolowa, langa yo nene du.

Isaya 44:6

Nayo Muwaha Mulungu mono yatemile, kanyhi mono kawadimaga Waisilayeli u Muwaha Mulungu we mihanga, yakutya nhavi, “Ane yo nene mulongozi, na wo mundumo, ane mono nili Mulungu nili wene, na hasina kanyhi mulungu yunji langa nene du.

Isaya 44:8

Holeka anye wanhu wangu, mulece kogopa! Hambi nha mumanyile nha vyono ku wulawilila mu vilo vye katali sunga nalu, ane nali nakondya kuwila, nha vyono zizi zolokwijela, kanyhi yo nyenye wahomelezi wangu. Wulenyi, hambi ho yuli mulungu yunji kanyhi? Hamba ho yuli mulungu yunji mono nayo yali vilungo mono ane nghali namuhulika?”

Isaya 45:12

Hambi nha yo nene mono nayiwumba yinze, hamonga ne wanhu wose wono wekaye mumo. Na mu vilungo vyangu, nghawutandaza wulanga. Kanyhi yo nene mono nghulilajiliza lizuwa, no mwezi, hamonga ne zinyelezi.

Yelemiya 32:17

“Gwe go Muwaha Mulungu, hambi nha yo gwegwe du mono wawumba wulanga ne yinze, kwe vilungo vyako na ko wusume wako. Hambi nha hasina nghani yinji yo yose nghamu hali 'gwe.

Ezekiyeli 20:11

Nghawapela malajilizo gangu, no kuwalajila wuling'anizi wangu, wono munhu wo wose kosuma kuwumipa, hono yawitumame.

Yona 1:9

Nayo Yona yakawatya, “Ane nili Muhebelaniya. Ane nimuhembaga Muwaha Mulungu, u Mulungu wa ku wulanga, mono yanoza yisi nghavu ne lilenga.”

Yohana 10:30

Ane na Baba yo monga.”

Metumo ge Watumwa 4:24

Na wawo, waza hulika, wakenulila hamonga i mazi gawo kuli Mulungu, wakatya, “Gwe Muwaha, mono wanoza wulanga ne yinze ne lilenga, na vyose vyono vili mugati!

Wukumbucize wo Wulajilize 10:14

Hambi u Muwaha Mulungu, nha yo munghala wulanga wose, wono wulawiliciye, sunga ne yinze yose nha yakwe, sunga ne vinhu vyose vyono vili mugati yayo.

Wukumbucize wo Wulajilize 32:39

“ ‘Alu mulanje! Ane yo nene Mulungu du nili wene, hamba hasina mulungu yunji kanyhi, langa nene du. Yo nene mono nghuwulaga, kanyhi nghuwumifya, nghutajila nghomele kanyhi nghuponya. Na hasina munhu mono konyimila muli yono nghwituma.

Wukumbucize wo Wulajilize 6:4

“Anye nyo Isilayeli, ta mukumbucile! Muwaha Mulungu, yo Muwaha Mulungu yumonga du, yo Muwaha Mulungu wetu.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu Mono Yalawiliciye.

Wahebelaniya 1:6

Ninga u Mulungu lono yamutumila kononze u Mwanagwe mulelwa mulongozi, yatya nhavi, “Ne wamalayika wose wo Mulungu, yiwanojeye wamuhembe.”

Wugubule 14:7

Nayo malayika yuyo, yakalonga kwe'zi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ning'aniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”