Nehemiya 9:5 - Luganuzi Luswanu Kuli Wanhu Wose 2002

⁵ Hobaho i Walawi, Yeshuwa, Kadimiyeli, Bani, Hashebeneya, Shelebiya, Hodiya, Shebaniya, na Petahiya, wakawa kuwacemeleza wanhu waze ku wuhembi, wakatya, “Mwime mukamile, mumulumbe Muwaha Mulungu, u Mulungu wenyu, Mumulumbaje cibitilila ne cibitilila! Ale, wose walikumye litagwa lyako lyo lukumyo. Lyono likumucile si nho wulugute wose ne lilumbo lyose.”

Nehemiya 9:5 ပူးပေါင်းရင်းမြစ်များ

1 Watemi 8:14

Nawo wanhu lono wali wakali wemile baho, mutemi Solomona yakawapitucila, yakawalugutiza.

1 Watemi 8:15

Hanyuma yakawa kutya, “Yalumbwe Muwaha Mulungu, u Mulungu wa Isilayeli! Hambi nha yakamisa wihuwizo wakwe wono yamwihuwiziza baba Dawudi lono yatela.

1 Watemi 8:22

Solomona yakawa kubita kwima ha Cikumbicilo, ha meso ge wanhu wose, yakawa kuyigolola miwoko yakwe kucanyha,

1 Watemi 8:27

“Gwe go Mulungu, alu mbeka, kosuma kwikala mono yinze? Wulanje vyono wulanga hamba si wukukwiliye yaye, alu Nyumba yiyi yono nzenjile yo yokukwila?

1 Zinghomo 16:36

Yalumbizwe Muwaha Mulungu wa Isilayeli! Yalumbizwe ku wulawa lulu, sunga cibitilila! Ne wanhu wose wakatya, “Heya” wakamulumbiza Muwaha Mulungu.

1 Zinghomo 29:11

Agwe yo gwegwe mono wuwaha wo wako, kanyhi ne vilungo, no lukumyo, no wusume, no wutemi. Ne vinhu vyose vya ku wulanga na vyono vili mono yinze, vyose nha vyako, kanyhi agwe wutemile vyose, kanyhi wuli muwaha muli vyose.

1 Zinghomo 29:13

Holeka alu Gwe go Muwaha Mulungu, cikukulumba kanyhi cikulilumba litagwa lyako lyono lyelile.

1 Zinghomo 29:20

Hanyuma Dawudi yakawalajiliza wanhu yakatya, “Ale, mukumyenyi Muwaha Mulungu, u Mulungu wenyu.” Ne lipuga lyose lye wanhu, wakamukumya Muwaha Mulungu, u Mulungu we walezi wawo, wakenama, wakamupela lilumbo Muwaha Mulungu, hamonga no mutemi.

2 Zinghomo 20:13

Ne wanhu wose wa Yuda, hamonga ne wagolece zawo, ne wana wawo, wose wali wemile baho du ha Nyumba yo Mulungu.

2 Zinghomo 20:19

Nawo we mhuga ye Walawi, we mhuga ye Wakohati, na we mhuga ye Wakola, wakema wima, wakamulumba Muwaha Mulungu, u Mulungu we Waisilayeli kwe'zi yiwaha muno muno.

Ezila 3:11

Wakemba wakumukumya Muwaha Mulungu. Wembaga no kuwuyajiza wuyajiza wakutya. “U Muwaha Mulungu muswanu, kuli Waisilayeli. No lusungu lwakwe lwa cibitilila.” Wose wakawa kwimba wazozize kwe vilungo wakumukumya Muwaha Mulungu, so mulimo wo musinji wono wali wanzwa, wo kuyizenga Nyumba yo Mulungu.

Nehemiya 9:4

Baho hali ho hali hanhu hacanyha ho kulonjela hono hali hazenjigwe ne mabici hono Walawi wemaga mucanyha yayo. Ale Yeshuwa yakema mucanyha yayo, hamonga na Bani, na Kadimiyeli, na Shebaniya, na Buni, na Shelebiya, hamonga na Bani na Kenani. Wakalomba hamonga kwe mazi mawaha, kuli Muwaha Mulungu, u Mulungu wawo.

Nehemiya 9:6

Hobaho wana wa isilayeli, wakalomba lilombo alino, “Gwe go Muwaha Mulungu, yo gwegwe Muwaha wuli wene, yo gwegwe mono wawumba wulanga, hamonga ne zinyelezi kucanyha. Yo gwegwe mono wawumba yisi ne lilenga, na vyose vyono vili mumo. Yo gwegwe mono kuvipelaga vyose wumi. Mihanga yose ya ku wulanga. Yikufugamilaga gwegwe no kukuhemba.

Jobu 1:21

Yakawa kutya, “Ane nalelwa sina cinji, kanyhi nolofwa sina cinji. Muwaha Mulungu yo yalavya, kanyhi Muwaha Mulungu yo yawusize, Litagwa lyo Muwaha Mulungu lilumbwe!”

Zabuli 106:2

Hambi nani mwene mono kosuma, kuzilonga zimbaha zose zono yetuma? Hamba nani lo mono kosuma, kuzilolosa zo lukumyo lwakwe?

Zabuli 134:1

Ale nzonyi mumulumbe Muwaha Mulungu, anye nyo wetumami wakwe wose, anye wose mono mumwitumamilaga, ne cilo mu Nyumba yakwe.

Zabuli 145:2

Nowa kukulumba nhondo zose, nolikumya litagwa lyako nhondo zose cibitilila.

Zabuli 145:5

Zojendelela kuzilonga, zo wuwaha wo lukumyo lwako, nane nojendelela kuzihwesa, ze metumo gako go wizine.

Zabuli 146:2

Nomulumba Muwaha Mulungu, mu vilo vyo wikale wangu wose, nomwimbila Mulungu wangu, vilo vyose vyono nghali mumi.

Zabuli 16:2

Nimulonjela u Muwaha Mulungu, “Agwe yo gwegwe go Muwaha Mulungu wangu, sina cinji ciswanu, langa hono si gwegwe du.”

Zabuli 66:2

Mwanze zo lukumyo lwakwe kwa nyimbo, mulavizyenyi lilumbo lyo lukumyo!

Zabuli 99:3

Wanhu wose walikumye litagwa lyakwe, lyono lilawiliciye kanyhi lyo wogofye. Hambi Mono Yelile, nha yo mweneco du!

Wutuluce 15:11

“Gwe go Muwaha Mulungu, Alo nani 'mbi mono yehwanile gwegwe mu milungu yose? Hamba nani mono yehwanile gwegwe go Muwaha Mulungu mono Welile, mono wukogofya so mapoto gako, ne milimo yako ye vilungo no wizine?

Wutuluce 15:6

“Muwoko wako wo kulume 'gwe Muwaha Mulungu, wo we nhojo mu vilungo. No muwoko wako wo kulume 'gwe go Muwaha Mulungu, wukuwa kuwatijinha walugu.

Danyeli 2:20

“Mulungu yo we vilungo ne mahala! Mukumyenyi cibitilila ne cibitilila.

Matayo 11:25

Mwipango lilyo Yesu yakatya, “Nghukulumba 'gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

Wukumbucize wo Wulajilize 28:58

“Na hono mulece kugebata ko wihuwilwa i mejizo gose go Muwaha Mulungu, gono gandicigwe mu citabu cici, na hono mulece kulipela cogopo litagwa lili lye nhojo ne cogopo, lyo Muwaha Mulungu,

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya, ko kumuzukula Yesu muli wafu. Yakondya kucipela u witumbilo wo wumi,

Walamuzi 13:18

Malayika yakamuwuza yakatya, “Nhawule wukusaka wumanye litagwa lyangu? Hambi nhe 'tagwa lya wizine.”