Nehemiya 9:4 - Luganuzi Luswanu Kuli Wanhu Wose 2002

⁴ Baho hali ho hali hanhu hacanyha ho kulonjela hono hali hazenjigwe ne mabici hono Walawi wemaga mucanyha yayo. Ale Yeshuwa yakema mucanyha yayo, hamonga na Bani, na Kadimiyeli, na Shebaniya, na Buni, na Shelebiya, hamonga na Bani na Kenani. Wakalomba hamonga kwe mazi mawaha, kuli Muwaha Mulungu, u Mulungu wawo.

Nehemiya 9:4 ပူးပေါင်းရင်းမြစ်များ

2 Zinghomo 20:19

Nawo we mhuga ye Walawi, we mhuga ye Wakohati, na we mhuga ye Wakola, wakema wima, wakamulumba Muwaha Mulungu, u Mulungu we Waisilayeli kwe'zi yiwaha muno muno.

Nehemiya 12:8

Walawi awa nawo wono watyatyizye, wali wapejigwe wulajilize wo kwimba zinyimbo zono zelile, ze lilumbo hali Mulungu. Yeshuwa, Binuyi, Kadimiyeli na Shelebiya, Yuda na Mataniya, mono yali yo mulanjilizi mu zinyimbo zo wulumbe hamonga ne wanduguze.

Nehemiya 3:17

Liwalo lye walawi, wono kanozeleza majinji, mu vipimha vyono vilajiywe, lyo alino. Lehumu u mwana wa Bani, yakanozeleza lubavu lunji. Hashabiya u mulongola we lipuga lya Keyila, yakanozeleza lubavu lunji, so litumbi lyakwe.

Nehemiya 8:4

Ezila yali yemile hacanyha ye hanhu ho kulonjela, hono hali hazenjigwe ne mabici ku soko yiyo. Awa we cilume wono watyatyizye, wakema ku lubavu lo muwoko wakwe wo kulume, Matitiya, Shema, Anaya, Uliya, Hilikiya, na Maseya. Na awa nawo, wakema ku muwoko wakwe wo kucekulu, Pedaya na Mishayeli, Malikiya, Hashumu, Hasibadana, Zekaliya na Meshulamu.

Nehemiya 8:7

Hanyuma wakenuka wakema wima. Nawo i Walawi awa, Yeshuwa, Bani, Shelebiya, Yamimu, Akubu, Shabetayi, Hodiya, Maseya, Kelita, Azaliya, Yozabadi, Hanani na Pelayi, wakawa wo walolosi wono wawalolosezaga wanhu.

Nehemiya 9:5

Hobaho i Walawi, Yeshuwa, Kadimiyeli, Bani, Hashebeneya, Shelebiya, Hodiya, Shebaniya, na Petahiya, wakawa kuwacemeleza wanhu waze ku wuhembi, wakatya, “Mwime mukamile, mumulumbe Muwaha Mulungu, u Mulungu wenyu, Mumulumbaje cibitilila ne cibitilila! Ale, wose walikumye litagwa lyako lyo lukumyo. Lyono likumucile si nho wulugute wose ne lilumbo lyose.”

Zabuli 130:1

Gwe go Muwaha Mulungu, mu wukatale wangu ane nghukulilila.

Zabuli 3:4

Nane nghumulilila Mulungu kwe'zi, ho yanhaze, nayo kamhitulaga mu wulawa mwi'tunda lyakwe lyono lyelile.

Zabuli 77:1

Nghumulilila Mulungu kwe'zi yiwaha, nghumulilila nayo kohulika.

I Cililo 3:8

Nane nghulilila wutazi, ninga Mulungu si yakusaka kuhuliciza ng'o.

Yohana 11:43

Nayo yaza kukondya kulonga zizo, yakacema kwa yizi iwaha, yakutya, “Lazalo, wulawile kononze!”

Metumo ge Watumwa 7:60

Yakafugama yakabalaluka kwe yizi yiwaha, yakutya, “Gwe Muwaha wulece kuwahosa so wubi wuwu.” Yaza kondya kulonga zizi, hodu ho baho yakawa kufwa. Na Sawulo nayo yawona viswanu vyono wamuwulaje.