Nehemiya 9:34 - Luganuzi Luswanu Kuli Wanhu Wose 2002

³⁴ Walezi wetu, ne watemi wetu, ne walongola wetu, hamonga ne wakohani, hamba si walityatya Lilajilizo lyako, hamonga no Wulajilize wako wono wawapela.

Nehemiya 9:34 ပူးပေါင်းရင်းမြစ်များ

2 Watemi 17:13

Ninga Muwaha Mulungu yali yakondya kuwasugula Isilayeli na Yuda, mu nzila ye wanhu wono yawatumaga, hamonga ne wawizi, yakuwalonjela yakutya, “Mupituce muzilece zinzila zenyu zimbi, mwibate wuhile wangu, ne mejizo gangu gono gali mu wulajilize, wono nawalajiliza walezi wenyu, nghamulonjelelenyi nanye mu nzila ye wetumami wangu wawizi.”

2 Watemi 17:15

Wakalemela lukulu kugebata mejizo gakwe, hamba kucikamisa cilagane cono Muwaha Mulungu yacinoza ne walezi wawo, hamba kucelelela bwete, ze suguzi yono Muwaha Mulungu yawasugula. Wene wakahemba vihwani vye milungu yo wulambi, vyono visina cambuzi, wakahodanjika, wakatyatya myoto ye makungugo wono wali wawapilime, wakalibedegala lilajilizo lyo Muwaha Mulugu lyono yatya, “Mulecele lukulu kuwatyatya.”

2 Zinghomo 29:6

Hambi i walezi wenyu, nha si wali wehuwilwa kuli Muwaha Mulungu, na ku soko yiyo waketuma zono si zamwendezaga mwene. Wakamuleka, hamba si wakasaka no kuhalanga bwete, ne hanhu hono kekalaga.

Ezila 9:10

Alu 'gwe go Muwaha Mulungu, cotya wule 'mbi lono zizi zose zejela? Nalulu nha cakondya kanyhi kugabedegala malajilizo gako,

Nehemiya 9:30

Mu myaka yose, agwe wawasugulaga ko wukangalile. Wukawejiza wawizi, ho wawalonjele, ninga wanhu wako wakawa wali ciziwi. Holeka nagwe wukawaleka, wakatowa ne walugu wawo wa mu makungugo ganji.

Nehemiya 9:33

Wetuma viswanu kucilipiciza, kanyhi wuketuma ze ling'ani, hambe nha cakunozeza wubi.

Nehemiya 9:35

Ninga ko wuswanu wako wuwaha, i watemi wo wawalongoza wanhu wako, lono wekalaga mu yisi yo moso, kanyhi ngazi, yono wawapela. Ninga wene wakalema kukupitucila no kukutyatya.

Yelemiya 29:19

Na zizi zose zolomuzizenyi, vyono si mwasaka kuzihulika zinghani zangu, zono namulonjelajenyi kenji na kenji, mu nzila ye wetumami wangu i wawizi, nanye hamba kuzihulika yaye.

Yelemiya 44:17

Langa ase cojendelela du kwituma zinghani zose, nha vyono calonga. Cojendelela du kumulavizya makumbiko, mulungu wetu we cicekulu wa ku wulanga, no kumujidila vilavywa vyetu vye divayi, nha vyono canozaga ase, ne walezi wetu, ne watemi wetu, hamonga ne walongola wetu, mu makaya ga mu yisi ya Yuda, na mu zinzila za mu Yelusalemi. Na lono canozaga nhavivyo, cikatuga ndigwa nyinji muno, kanyhi cikamoteswa muno, cikawa cisina hamba wugaye wo wose yaye.

Yelemiya 44:4

Ninga hamba nhavivyo, nane vyo nghajendelela du, kumutumilenyi wetumami wangu wawizi, wono wazaga kumulonjelenyi vyono, mulecele lukulu kwituma makani gago ge cikomaza, gono si nigendile yaye.

Ezekiyeli 5:6

Ninga Yelusalemi yagabedegala malajilizo gangu, nokwilajila vyono yene yo 'mbi muno si nhe ma'si ganji gono galipilime. Hambi Yelusalemi nha yalema kuwibata malajilizo gangu, hamonga no wulajilize wangu.

Danyeli 9:6

Hamba si cawahuliciza sunga ne wetumami wako wawizi, wono wayilonjelaga nghani yako mwi'tagwa lyako kuli watemi wetu, na kuli walongola wetu, na kuli walezi wetu, sunga na kuli likungugo lyose.

Wukumbucize wo Wulajilize 31:21

Ninga kolo i zimbi zikuwaziza hamonga ne magazo mawaha, ale, u lwimbo lulo lolohomelela nha wuhomelezi kuli wene. Ninga hamba nhavivyo nghondizye kuzimanya za mu mahweso gawo sunga na lono nghali hamba nawafisa mu yisi yono nawehuwiziza.”