Nehemiya 9:25 - Luganuzi Luswanu Kuli Wanhu Wose 2002

²⁵ Wanhu wako wakatema ne makaya gono gali mazenjelwe magomawakali, ne yisi yo moso, ne zikaya zono zali zina sawo, hamonga ne masima, ne mibici ye mizeyituni, ne mibici ye mikalo miswanu, hamonga ne Mizabibu. Wakalya vyose vyono wasakaga, wakajina muno, wakendezwa ne vinhu vyose viswanu vyono wawapela.

Nehemiya 9:25 ပူးပေါင်းရင်းမြစ်များ

1 Watemi 14:9

Ninga agwe wakondya kwituma wubi kuciza wose wono wakulongolela kutema. Agwe wakondya kunema'ne, kanyhi wakondya kulisagala likuwo lyangu so wunoza vihwani viseswe, hamonga ne vihwani vyenjedulwe, no kvuihemba.

1 Watemi 8:66

Na mwi'zuwa lyo munana nhondo Solomona ho yakawa kuwakombola wanhu wawuye ku zikwawo. Ne wanhu wose wakamulumba muno Solomona, wakawuya ku zikwawo wena nyemo mbaha, ku soko yo wulugutwe wose wono Muwaha Mulungu yamupela Dawudi mwitumami wakwe, hamonga ne wanhu wakwe wa Isilayeli.

Nehemiya 9:35

Ninga ko wuswanu wako wuwaha, i watemi wo wawalongoza wanhu wako, lono wekalaga mu yisi yo moso, kanyhi ngazi, yono wawapela. Ninga wene wakalema kukupitucila no kukutyatya.

Zabuli 105:44

Mulungu yakawapela, ne zisi za we makungugo ganji, yakawapela ne migunda ye wanyawusi,

Zabuli 65:11

No mwaka wose kuwupelaga zo wuswanu wako, na ho hose hono ko kolela gwegwe, hamemaga wumoteswe.

Zimbazi 30:9

Ku soko hono niwe nina ndigwa nyinji, ndahile kutya “Muwaha Mulungu yo nani?” Ninga kanyhi hono niwe nili muciwa, nohiza no kulitoyula litagwa lyakwe.

Isaya 6:10

Hanyuma kanyhi yakanyitya, “Wuyinozaje mitima ye wanhu wawa yiwe mizito, ne makutu gawo gawe ciziwi, ne meso gawo gawe cibofu, ho walece kuwona, hamba kuhulika, hamba kwizuka kose. Hambi hono wawone, wahulice, no kwizuka, nha wombuyila niwaponye.”

Isaya 63:7

Nane nolukumya lusungu lo Muwaha Mulungu, na kanyhi nghumukumya muno so zose zono yakondya kucitendela. Hambi nha kawamotya muno i wanhu wa Isilayeli ku soko yo lusungu lwakwe no wendo wakwe.

Yelemiya 2:7

Nane nghawaleta sunga ku yisi yono yina moso muno, ho wayisangalalile mikalo yayo, hamonga ne vinhu vinji viswanu vyono vili mumo. Ninga wene wakayihodanga yisi yiyo, wakayavufya i yisi yono nawapela.

Yelemiya 31:14

Nane nolowalisa ndigwa swanu i wakohani, no kuwapela wanhu wangu, i visakwa vyawo vyose vyono wakuhila, sunga wawe waceye. Vyo nghutya, ane no Muwaha Mulungu.”

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Ezekiyeli 20:6

Na mwi'daha lilyo, lyo nehuwiziza nha vyono nowawusa ku wulawa mu yisi ya Misili, niwategule ku yisi yono nawahagulila, yisi ndezi yono yina moso mwinji muno, yisi swanu kuciza zi'si zose.

Danyeli 11:24

Nayo koloyihoma nhinicizo yisi yono yina wugoli. Kanyhi kolokwituma nghani zono hamba ne walezi wakwe si wazituma yaye. Hanyuma kolozisola zisawo, zono yazitecile kuko ku wulugu, yawagawile i wanhu wakwe. Kanyhi kolokwiwikaniza ho yagakumulanje magomawakali, ninga kolowa yaceleza, i cipango cakwe colowa cakondya malika.

Hoseya 13:6

Ninga lono mwali mweza kwinjila mu yisi swanu, yono mukulya no kwiguta, hodu imitima yenyu yikekumya no kusemwa 'ne.

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Walumi 2:4

Hamba lunji wukuwubedegala u wuswanu wakwe, ne ngola yakwe, no wukangalile wakwe, hamba si wukumanya vyono u wuswanu wuwo wo Mulungu, wukukutonga ho wusume kunena?

Wukumbucize wo Wulajilize 3:5

Ne makaya gago gose gali mazenjele majinji matali muno ge magomawakali, gono gali gena ne malango gayo, ne makomeyo go kudindila malango. Ninga kanyhi, hakawa ne vikaya vinji vyono vyali visina majinji matali ge magomawakali.

Wukumbucize wo Wulajilize 32:13

Muwaha Mulungu yakawapela i hanhu hose hono henuce, weneco wahateme, wakalya malimwa gose ga mu migunda. Wakabakula no wuci mu matalawe, wakalya, ne mafuta gakalawa mwi'bwe.

Wukumbucize wo Wulajilize 32:14

Zing'ombe zawo hamonga ne zimhene zawo zikalavya mele menji muno. Nawo wakawa wagoli we zingholo, ne zimhene ne zing'ombe ziswanu zono zijinile. Kanyhi wakawa no wusaje wuswanu, hamonga ne divayi.

Wukumbucize wo Wulajilize 32:15

“Wanhu wo Muwaha Mulungu, wakagolipa muno, wakajina muno, wakawa wena ndigwa nyinji. Ninga kanyhi ho wakawa wafyuzi wakamuleka Mulungu wawo mono yawawumba, wakamulema u muponyi wawo mono yali vilungo.