Nehemiya 9:22 - Luganuzi Luswanu Kuli Wanhu Wose 2002

²² “Wukawapela wusume muli walugu wawo na muli makungugo, no wutemi, hamonga ne zi'si zono wawagawila. Wakayisuma yisi ya Heshiboni yo mutemi Sihoni, hamonga ne yisi ya Bashani, yono yali yo mutemi muwaha Ogu.

Nehemiya 9:22 ပူးပေါင်းရင်းမြစ်များ

Zabuli 105:44

Mulungu yakawapela, ne zisi za we makungugo ganji, yakawapela ne migunda ye wanyawusi,

Zabuli 78:65

Ninga ku ndumilizo yayo, u Muwaha Mulungu yakenuka nha yakulawa mu nhongo, nha citung'ati mono yasangalazwe ne divayi.

Yelemiya 27:5

“Mumanye vyono yo nene mono nayiwumba yinze kwe vilungo vyangu, hamonga no munhu, ne vilimu vyose vyono vikaye mono'nze. Nane nimupelaga munhu wo wose nha vyono nyendile nene no mweneco.

Yelemiya 32:23

Ninga nawo wali weza kuza mono yisi yiyi, no kuyisola yiwe yawo, hamba si wasaka no kugebata ne malajilizo gako yaye, hamba kwikala mu mikalile ye mejizo gako ng'o. Hamba si wasuma kwituma nha vyono wali wuwalajilize wetume. Holeka nagwe luno wawaletela magayo gaga gose.

Ezekiyeli 20:28

Ninga nane, lono nawenjiza mu yisi yono nali nehuwiza nha vyono nowapela. Nawo wali weza kugawona matunda matali, hamonga ne mibici yono yidedewaye, ati hodu, wakawa kuvilavizya makumbiko. Nane nhondo, ho wakanghoza likuwo muno, so makumbiko gawo manyanywe, hamonga ne divayi yono wayilavya.

Wukumbucize wo Wulajilize 1:4

Na zizi zikejela lono Muwaha Mulungu yali yakondya kumusuma Sihoni, u mutemi we Waamoli, mono yali yatemile mu makaya ga Heshiboni. Na Ogu, u mutemi wa Bashani, mono nayo, yali yatemile mu makaya ga Ashitaloti ku Edileyi.

Wukumbucize wo Wulajilize 32:26

Nane nowongomezeza wose lukulu, hawe hasina yunji hamba monga mono kolowakumbucila kanyhi.

Wukumbucize wo Wulajilize 4:46

lono wali wali mwi'lolo, ku cilima ye likolongo lya Yoludani, lyono vidomile ne cikaya ca Betipeyoli. Baho ho yawalolosezeza malajilizo gago. Mu yisi yo mutemi Sihoni, u mutemi we Waamoli, mono yali yatemile mu cikaya ca Heshiboni. Ninga Musa ne wanhu Waisilayeli wakamusuma lono wawucila ku Misili.

Wukumbucize wo Wulajilize 4:47

Wakayisola yisi yiyo, hamonga ne yisi yo mutemi Ogu wa Bashani, u mutemi yunji muyagwe no mutemi Sihoni, mono nayo, yali mutemi we Waamoli mono yekalaga ku lubavu lwa ku cilima ye likolongo lya Yoludani.

Yoshuwa 10:11

Na lono Waamoli watizaga ha mwande ye Waisilayeli, akuno wakumangha, wakutimila ku Bete-holoni, Muwaha Mulungu yakawagumilila mvula mbaha ye mabwe, yono yikawatonyela nzila yose sunga ko ku Azeka. Wenji muno wono wawulagwa ne mvula yiyo, kuciza na wono wawulagwa ne Waisilayeli.

Yoshuwa 11:23

Yoshuwa yakayisola yisi yose, nha vyono Muwaha Mulungu yali yamulajiliza Musa. Yakawapela Waisilayeli yiwe yawo, yakawagawaniza wanhu, nha vyono lyali linha liwalo lye milango yawo, hanhu na mulango wawo. Nhondo no wulugu wukawa kumalika, ne wanhu wakawa kwikala wapolile.