Nehemiya 9:19 - Luganuzi Luswanu Kuli Wanhu Wose 2002

¹⁹ Ninga 'gwe siwasuma kuwaleka mu nyika yi yilya ku soko yo lusungu lwako luwaha, siwawawusiza lisumbili lye livunde lyono lyawalajilaga nzila ku misi. Hamba lisumbili lyo moto lyono lyawamulicilaga nzila ku cilo.

Nehemiya 9:19 ပူးပေါင်းရင်းမြစ်များ

Nehemiya 9:12

Wukawatonga ku misi ne lisumbili lye livunde. Na ku cilo nako wawamulicilaga nzila ne lisumbili lyo moto.

Nehemiya 9:27

Na ku soko yiyo nagwe wukawaleka, wakatowa no kutemwa ne walugu wawo. Na mu mapango go wugaye, wakakulomba wutazi, nagwe wukawapitula ku wulawa ku wulanga. Na ko lusungu lwako luwaha, wukawaletela walongola, wono wawakomboza mu walugu wawo.

Nehemiya 9:31

Hamba nhavivyo, so lusungu lwako luwaha kuli wene, holeka si wawaleka hamba kuwongomeza yaye. Hambi 'gwe, nha yo gwegwe Mulungu we lihewa no lusungu!

Zabuli 106:45

Mulungu yakacikumbucila cilagane cakwe, na ku soko yo lusungu lwakwe lwinji, hodu yakawa kulituza likuwo lyakwe.

Zabuli 136:16

Yawatonga wanhu wakwe mu nyika, hambi lusungu lwakwe, nha lwikalaga cibitilila.

Wutuluce 40:36

Nawo wanhu wa Isilayeli watyatyaga livunde lilyo. Nalyo kolo likuwuka hacanyha ye Lihema, nawo wawukaga mu nghambi yiyo, wawa kutuluka no kujendelela mu muhinzo wawo. Nawo wakawa wakunoza nhavivyo du mu mihinzo yawo yose.

Wutuluce 40:38

Na mu mihinzo yawo yose i wanhu wa Isilayeli, wasumaga kuliwona livunde lilyo lyo Muwaha Mulungu, hacanyha ye Lihema lyono lyelile ku misi. Na ku cilo, moto wakaga mwi'vunde lilyo.

Isaya 44:21

Muwaha Mulungu yakutya, nhavi, “Anye nyo nghungugo ya Isilayeli, mukumbucile ta nghani ayi, nha vyono anye muli wetumami wangu. Ane yo nene mono namuwumbenyi muwe wetumami wangu. Holeka nane hamba si nomusemwenyi yaye.

I Cililo 3:22

U lusungu no wendo wo Muwaha Mulungu, si vidumaga yaye.

Ezekiyeli 20:14

Ninga kanyhi, hodu ngheyimila. Nane nanoza nhavivyo ku soko ye litagwa lyangu, ho lilece kwavufywa ha meso ga we makungugo, wono wambona vyono nghuwawusa i wanhu wa Isilayeli ku Misili.

Ezekiyeli 20:17

“Ninga hanyuma kanyhi, nghawa kuwawonela lusungu. Nghawa kudumula nghani, nha vyono ndece kuwawulajila mu nyika.

Ezekiyeli 20:22

Ninga kanyhi hodu ngheyimila. Nanoza nhavivyo, ku soko ye litagwa lyangu, ho lilece kwavufywa ha meso ga we makungugo, wono wawona vyono nghuwawusa i wanhu wa Isilayeli mu yisi ya Misili.

Danyeli 9:18

Holeka nghukunena wucihulicize 'gwe go Mulungu, wucilanje, wuwuwone no wugaye wetu vyono cikugaya, ne magazo ge likaya lyono walicemela litagwa lyako. Nase cikukulomba, hambi nha cimanyile vyono agwe wuli lusungu, si cikukulomba vyono ase cituma ze ling'ani yaye.

Danyeli 9:9

Ninga agwe, wuli lusungu, kanyhi wuli munenezi, hamba ciwe ase cakondya kukugaluka no kukuleka.

Malaki 3:6

“Ane yo nene Muwaha Mulungu, mono sina cipitupitu yaye. Holeka nanye nyo lulelo lwa Yakobo, mukali si najililila lukulu ng'o.

Wuwale 14:14

na mbeka wosuma kuwalonjela i wanhu wono wekaye mu yisi yiyi. Hambi i wanhu wawo, nha wakondizye kumanya vyono, agwe go Muwaha Mulungu wuli hamonga nase, nagwe mbeka wukwijela ciwonelela, lono livunde lyako limile hacanyha yetu, na vyono kanyhi agwe, wukucilongolela ku mwande yetu ne lisumbili lye livunde ku misi, na ku cilo nako wukucilongolela ne lisumbili lyo moto.

Wukumbucize wo Wulajilize 8:2

Kanyhi mukumbucile vyono Muwaha Mulungu, u Mulungu wenyu, yamutonjenyi mu muhinzo mutali, wa mu nyika mu myaka yiyi makumi mane yono yipulute, yakamukozenyi mu makamu menji, ho yamujelenyi, ho yamanye zono zili mu zinhumbula zenyu, na hono mbeka mwendile kugebata malajilizo gakwe, hamba ng'o.

1 Samwili 12:22

Ninga Muwaha Mulungu, yanoza cilagane nanye, holeka sikosuma kumulecenyi yaye. Hambi nha yelahiza vyono komunozenyi anye, muwe muli wanhu wakwe.