Nehemiya 9:16 - Luganuzi Luswanu Kuli Wanhu Wose 2002

¹⁶ Ninga walezi wetu wakekumya muno, wakawa wasina cihuliko mu mikalile yawo, wakalema sunga no kugatyatya ne malajilizo gako.

Nehemiya 9:16 ပူးပေါင်းရင်းမြစ်များ

2 Watemi 17:14

Ninga wene hamba si wahulika yaye, wakawa wasina cihuliko nhe walezi wawo, wono wali si wakumwihuwila Muwaha Mulungu, u Mulungu wawo.

2 Zinghomo 29:6

Hambi i walezi wenyu, nha si wali wehuwilwa kuli Muwaha Mulungu, na ku soko yiyo waketuma zono si zamwendezaga mwene. Wakamuleka, hamba si wakasaka no kuhalanga bwete, ne hanhu hono kekalaga.

2 Zinghomo 30:8

Holeka nanye mulece kuwa musina cihuliko, nha vyono wene wali wenha, langa anye muweze ne cihuliko kuli Muwaha Mulungu. Holeka luno, wose muze ku Nyumba yo Mulungu ku Yelusalemi, i hanhu hono Muwaha Mulungu, u Mulungu wenyu, yaheza cibitilila, muze mumuhembe, nayo ho yalece kanyhi kumukolelwenyi likuwo.

2 Zinghomo 36:13

Ninga Zedekiya yakamubeza mutemi Nebukadineza, hamba yiwe Nebukadineza yakajela kumudindimiza yelahize mwi'tagwa lyo Mulungu, nha vyono kowa yali cihuliko kuli mwene. Zedekiya yakawa yasina hamba cihuliko, hamba si yenda ho yanene, yamupitucile Muwaha Mulungu, u Mulungu we Waisilayeli.

Nehemiya 9:10

Walajila vitanjilo vyo wizine kuli mutemi Falawo, hamonga ne walongola wakwe, ne wanhu wa mu yisi yakwe. Hambi 'gwe nha wukamanya vyono wawewonelaga wanhu wako, wuketujila lukumyo lono wina nalo sunga nalu.

Nehemiya 9:29

Wukawasugula wagavumile mafundo gako, ninga so cibede cawo, wakagalema ne malajilizo gako, hamba yiwe, mu wibata wulajilize wako, yo nzila yo wumi. Ninga wene so cibede cawo wakafyula wakalema no kukuhulika.

Zabuli 106:6

Cinoza wubi nhe walezi wetu, cituma zo wavu, cituma zimbi.

Zabuli 81:8

Ale muhulicize zono nghumusugulenyi, anye nyo wanhu wangu. Yali yiwe ciba, hono wali wuhulice, 'gwe Isilayeli!

Wutuluce 15:26

Yakawalonjela yakatya, “Hono mbeka mulihulice lizi lyangu ane no Muwaha Mulungu, no Mulungu wenyu, mwitume zono zili ling'ani hali'ne, na kanyhi hono muwukamise no wulajilize wangu, hamonga ne malajilizo gangu, ale, nane si nomugumililenyi matamwa gagalya gono nawagumilila Wamisili yaye. Hambi ane nha yo nene Muwaha Mulungu mono nghumuponyenyi.”

Wutuluce 32:9

Nane niwawene wanhu wawa, vyono wasina cihuliko.

Zimbazi 29:1

Na hono wuwe wusina cihuliko, nhondo zose lono wukutacilwa, lizuwa linji, kolobenangwa hamba si koloponywa kanyhi.

Isaya 48:18

Alu yali yiwe yili ciba le, hono mwali mugebate malajilizo gangu! Holeka mwali muwutuje no wumoteswe wuwaha, wono wihwanile nhe likolongo lyono si linyalaga! No wusume wali wumuzizenyi nhe mawingo ge lilenga.

Isaya 48:4

Ninga nali manyile vyono agwe kowa wusina cihuliko, hambi nha wuli mukavu wihwanile cuma, kanyhi ne lihanda lyo wusu wako lihwanile shaba.

Isaya 63:10

ninga wene wakamubeza Mulungu, wakamukalaza muhe wakwe mono yelile. Holeka nayo Muwaha Mulungu yakawapitucila yakawa mulugu wawo, yakawahoma.

Yelemiya 19:15

nha vyono u Muwaha Mulungu, u Mulungu wa Isilayeli katya nhavi, “Alu nane noliletela likaya lili, wulipicizwe wuwaha muno, hamonga ne vikaya vye behi behi, u wulipicizwe wono nali nawulonga. Hambi anye, nha muli wawanji muno, musina cihuliko, hamba si mosuma yaye kuzihulika zono 'ne nghuzilonga.”

Yelemiya 2:31

Nye nyo wanhu wa Isilayeli, muhulicize ta zono nghulonga ye. Mwene ane, nha cinji nehwana nhe nyika hongo kuli'nye, hamba naweza nha wutitu kuli'nye, ne yisi ye zimbali? Alu nhawulenyi mukutya mokwituma nha vyono mwendile nyenye, si mowuyila lukulu kuli'ne kanyhi ng'o?

Yelemiya 7:26

Ninga hasina hamba munhu monga, mono yawahulika, hamba kuzicelelela bwete zono wazilongaga. Ninga 'nye mukajendelela kuwa musina cihuliko kuli'ne, no kuwa wabezi muno si nhe walezi wenyu.

Ezekiyeli 5:6

Ninga Yelusalemi yagabedegala malajilizo gangu, nokwilajila vyono yene yo 'mbi muno si nhe ma'si ganji gono galipilime. Hambi Yelusalemi nha yalema kuwibata malajilizo gangu, hamonga no wulajilize wangu.

Metumo ge Watumwa 7:51

“Anye mo wakamu ku wuhulice! Izinhumbula ne makutu genyu vinha vye wanhu we makungugo. Anye mwinha i wakuku zenyu. Nhondo zose mumwimilaga u Muhe Mono Yelile.

Walumi 2:5

Ninga so wukamu ne cibede ca mu nhumbula yako, wukwiwicila go mweneco ilikuwo, kwi'zuwa alilya lyono ilikuwo lyo Mulungu lyono lina i ning'aniza ye ling'ani lyologubulwa.

Wukumbucize wo Wulajilize 31:27

Ane manyile vyono wali cibede kanyhi wasina cihuliko hamba hadodo bwete. Hambi nha manyile vyono wasina cihuliko hali Muwaha Mulungu mu wulawa mu mikalile yangu yose. Kanyhi manyile du vyono wocila kuwa wasina cihuliko sunga na hono niwe nakondya kufwa.

Wukumbucize wo Wulajilize 32:15

“Wanhu wo Muwaha Mulungu, wakagolipa muno, wakajina muno, wakawa wena ndigwa nyinji. Ninga kanyhi ho wakawa wafyuzi wakamuleka Mulungu wawo mono yawawumba, wakamulema u muponyi wawo mono yali vilungo.

Wukumbucize wo Wulajilize 5:29

Na hono mbeka nhondo zose wawe kwihwesa nhavivi! Na hono mbeka wawe wanyogopile, no kuwa ne cihuliko kuli'ne nhondo zose, muli ze malajilizo gangu, nawo wojendelela kuwa no wumoteswe muli zose, ne wana wawo cibitilila.

Wukumbucize wo Wulajilize 9:13

“Kanyhi Muwaha Mulungu yakanonjela yakatya, ‘Manyile vyono wanhu wawa, wena nhumbula yono yisina cihuliko.

Wukumbucize wo Wulajilize 9:27

Kanyhi nghukulomba wuwakumbucilaje i wetumami wako, Abulahamu, na Isaka na Yakobo. Holeka go Muwaha Mulungu, wulece kuwulanga wubedegazi wawo, no wubi wawo ne masutya ge wanhu wawa.

Wukumbucize wo Wulajilize 9:6

Holeka yinojeye mumanyile lukulu nha vyono, Muwaha Mulungu si yakumupelenyi yisi yiyi yo moso ku soko yo wiling'ano wenyu. Ng'o yaye! Hambi nha muli wanhu mono musina cihuliko.

Wahebelaniya 3:13

Ninga mweze kwiyilanjiza nhondo zose, lono hakali kutegwa, “I zuwali,” muyenyu yunji yalece kukamufywa no wukoci wo wubi no kuwa ne cibede.

Wahebelaniya 3:15

I Mandiko gakutya nhavi: “I zuwali hono muhulice lizi lyo Mulungu mulece kuzikamufya zinhumbula zenyu nha vyono wanoza wasogo zenyu lono wamubezeza u Mulungu.”