Nehemiya 9:14 - Luganuzi Luswanu Kuli Wanhu Wose 2002

¹⁴ Yo gwegwe mono wawalanjiza, wayibate Sabato yako yono yelile. Wukawapelela ne malajilizo gako muli Musa u mwitumami wako.

Nehemiya 9:14 ပူးပေါင်းရင်းမြစ်များ

Mwamulizo 2:3

Lizuwa lilyo lyo mupunghati, Mulungu yakalilugutiza no kulisiwanula, vyono lyo lizuwa lyono mwene yacehela mu wulawa mu milimo yakwe yose yo kuwumba.

Nehemiya 1:8

Wukumbucile lu, vyono wamulonjela Musa wukatya, ‘Anye mo wanhu wa Isilayeli, hono mulece kuwa wehuwilwa kuli'ne nane, nomwiyagazizenyi mu makungugo ganji.

Nehemiya 10:32

Na mu myaka yose, cowa kulavya munhu monga gulamu yihano za fweza, ho zitumamilwe mu milimo yo wuzenji we Nyumba yo Mulungu wetu.

Wutuluce 16:23

Nayo Musa yakawalonjela yakatya, “Awu wo wulajilize wo Muwaha Mulungu. Imitondo lyo lizuwa lyono lyelile lyo kuceha. Ne mitondo lyo lizuwa lye Sabato yo Muwaha Mulungu. Holeka mubite mukatelece, hamba muhemuse ndigwa yiyo mu nghango yono mukuyisaka izuwali, ne ndigwa yono yosigala, muyiwice sunga mitondo.”

Wutuluce 16:29

Ninga mumanye vyono, yo nene Muwaha Mulungu mono nimupelenyi lizuwa lilyo lye Sabato, na yo soko yono yikuleka nomupelenyi ndigwa ye vilo vyejete mwi'zuwa lyo mutandatu. No munhu wo wose, yimunojeye yekale baho du hono ho yuli, mwi'zuwa lilyo lye Sabato, yalece kuwuka mu kaya yakwe.”

Wutuluce 24:12

Muwaha Mulungu yakamulonjela Musa yakatya, “Musa, wuze kono kwangu mwi'tunda kucanyha, na lono wuli ku kuno, ane nokupela mbawo nyejete za mabwe, zono zandicigwe malajilizo gangu gose gono nagandika, ho niwejize Waisilayeli.”

Ezekiyeli 20:11

Nghawapela malajilizo gangu, no kuwalajila wuling'anizi wangu, wono munhu wo wose kosuma kuwumipa, hono yawitumame.

Ezekiyeli 20:12

Kanyhi nghawawicila no wibate we mazuwa ge Sabato, ciwe citanjilo hagati yetu ane na wene. Ho wamanye vyono, ane yo nene mono nghuweza.

Ezekiyeli 20:20

Muyezaje Sabato yangu, ho ciwe co citanjilo ce cilagane cetu cono canoza, kanyhi ho ciwe co cikumbucizo kuli'nye, nha vyono ane, yo nene u Muwaha Mulungu, u Mulungu wenyu.

Walawi 19:3

Na wose muli nyenye, yimunojeye munhu yawogope nyina no sogwe. Kanyhi muyibataje Sabato nha vyono namulajilizenyi. Ane yo nene Muwaha Mulungu wenyu.

Walawi 27:34

Nago gaga go malajilizo gono Muwaha Mulungu, yamulajiliza Musa mwi'tunda lya Sinayi, ho yawalonjele i wanhu wa Isilayeli.

Yohana 1:17

Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.

Wukumbucize wo Wulajilize 4:45

Na zizi ziketumwa lono wali wakondya kuwuka ku Misili,

Wukumbucize wo Wulajilize 4:5

“Nane nha nakondya kumwijizenyi ze malajilizo gose, nha vyono Muwaha Mulungu, u Mulungu wangu yanonjela nitume. Holeka mweze ne cihuliko kuli malajilizo gago, mumo mu yisi yono mokwinjila no kuyisola yiwe yenyu.

Wukumbucize wo Wulajilize 5:31

Ninga agwe Musa, weze wuli baha du hamonga nane, nane nokulajiliza wulajilize wangu wose, hamonga ne malajilizo. Nagwe wubite wukawejize wawo wanhu, wagebate no kugakamisa mumo mu yisi yono nghuwapela.’