Nehemiya 9:10 - Luganuzi Luswanu Kuli Wanhu Wose 2002

¹⁰ Walajila vitanjilo vyo wizine kuli mutemi Falawo, hamonga ne walongola wakwe, ne wanhu wa mu yisi yakwe. Hambi 'gwe nha wukamanya vyono wawewonelaga wanhu wako, wuketujila lukumyo lono wina nalo sunga nalu.

Nehemiya 9:10 ပူးပေါင်းရင်းမြစ်များ

Nehemiya 9:16

Ninga walezi wetu wakekumya muno, wakawa wasina cihuliko mu mikalile yawo, wakalema sunga no kugatyatya ne malajilizo gako.

Nehemiya 9:29

Wukawasugula wagavumile mafundo gako, ninga so cibede cawo, wakagalema ne malajilizo gako, hamba yiwe, mu wibata wulajilize wako, yo nzila yo wumi. Ninga wene so cibede cawo wakafyula wakalema no kukuhulika.

Zabuli 83:18

Ho wamanye vyono yo gwegwe du wuli wene, go Muwaha Mulungu, Mulungu Mono Wulawiliciye mu yinze yose.

Wutuluce 18:11

Alu nane namanya nha vyono, u Muwaha Mulungu, yo Yalawiliciye kuciza milungu yinji yose. Hambi nha yawakomboza Waisilayeli, mu miwoko ye Wamisili wono wali kuwatendela vibi.”

Wutuluce 3:20

Ninga hamba nhavivyo, nokwitumamila vilungo vyangu, nane noyilipiciza yisi ya Misili kwe mezino mawaha gono nogetuma muli yene. Na hanyuma ya zizo, nayo komukombolenyi mubite.”

Wutuluce 5:2

Nayo mutemi yakawawuza yakatya, “Alo yuyo Muwaha Mulungu yo nani nayo? Hamba nosuma nhawule kumuhulika ho niwakombole Waisilayeli wabite? Ane si nghumumanya yaye yuyo Muwaha Mulungu, hamba si nosuma kuwalecela lukulu Waisilayeli wabite.”

Wutuluce 7:1

Muwaha Mulungu yakamutya Musa, “Ane nokunoza wuwe nha wuli Mulungu hali Falawo, nayo Haluni u muwahawo, kowa muwizi wako kuli Falawo.

Wutuluce 9:16

Ninga lu ho nghulajile vilungo vyangu, holeka nghuwicile sunga nalu wuli mumi, u lukumyo lwangu ho lusume kwijela mono'nze mose.

Isaya 42:20

Alu nanye Isilayeli, nha mwakondya kuziwona nghani nyinji muno, ninga wulenyi, zina cambuzici kuli'nye? Kanyhi mwina ne makutu go kuhulicila, ninga hamba si mukuzitanga yaye.”

Isaya 63:12

Hamba yali hayi mwene Muwaha Mulungu mono yetumila zimbaha muli Musa, kwe vilungo vyakwe vinji, yakagatemanula i malenga ge lilenga, yakawalowoseza wanhu hakavu haciligati ye malenga, ho yetujile lilumbo lye cibitilila?”

Isaya 63:14

Wakawa nha ng'ombe zikutegulwa kudima mwi'hanze lidece lya mwi'lolo. Na mu nzila yiyo, u Muwaha Mulungu, yakawapela wucehe wanhu wakwe. Yawatonga wanhu wakwe, na mu nzila yiyo, yakaliletela lilumbo yiwaha litagwa lyakwe.

Yelemiya 32:20

Hambi i katali, nha wetuma metumo mawaha go wizine ku yisi ya Misili, ninga sunga nalu, vyo wukali wujendeleye kugetuma du. Wukugetuma mu Isilayeli, sunga na mu makungugo ganji, holeka sunga nalu agwe wumanyice hanhu hose.

Ezekiyeli 20:9

Ninga kanyhi hodu nghawa kwiyimila. Ninga zizo, netuma ku soko ye litagwa lyangu, ho lilece kwavufywa ha meso ga we makungugo wono wali wekaye hamonga nawo, wono ha meso gawo, nemanyiza kuli Isilayeli nha vyono nowawusa mu yisi ya Misili.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Danyeli 5:23

Nagwe wetuma zono si zikumwendeza Muwaha Mulungu wa ku wulanga, hambi nha kuvisola vikombe hamonga ne zibakuli, vyono sogo yavisola mu Nyumba yo Mulungu. Hanyuma gwegwe ne wawaha, ne wagolece zako, hamonga ne wajitulwa wako, muwa kuvitumamila so wung'wela divayi, akuno mukuyikumya milungu yono minozwe ne zahabu, ne fweza, ne shaba hamonga ne cuma ne mabici ne mabwe, milungu yono siyihulikaga hamba kuwona yaye, yono siyimanyile hamba cinji co cose. Hamba si wusacile kumupela lilumbo ne cogopo u Mulungu mono yena no muhe wako mu mawoko gakwe, na mono kakulongozaga muli zose zono wukwituma.

Danyeli 9:15

“Gwe go Muwaha Mulungu go Mulungu wetu, agwe walajila vilungo vyako, wukawawusa wanhu wako mu yisi ya Misili, ne vilungo vyako vikali vikumbuciywe. Ase mbeka cikusutizya, kanyhi cikuwuvumila wubi wetu.

Metumo ge Watumwa 7:36

Yo yuyo yo yawawusa ku yisi ya Misili, mu nzila yo kunoza mapoto, na mezino mu yisi ya Misili, na mwi'lenga lya Shamu na mu nyika, myaka makumi mane.

Walumi 9:17

Hambi i Mandiko Gono Gelile nha gakulonga nhavi kuli Falawo, “Nakunoza wuwe mutemi, ho vilungo vyangu vimanyicile muli gwegwe, ne litagwa lyangu limanyice kononze kose.”

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Wukumbucize wo Wulajilize 7:19

Kanyhi mukumbucile ze litamwa lyo kogofya lyo wukoma, lyono mwaliwona nyenye nyo weneco ne meso genyu, ne mapoto, ne mezino mawaha, no wusume, ne vilungo, vyono Muwaha Mulungu, u Mulungu wenyu, yetumila yakamuwusenyi mu yisi ya Misili. Na mu nzila yiyo du, yakawongomeza Wamisili. Holeka kowongomeza ne wanhu wawa wose, wono aluno anye mukuwogopa.

1 Petelo 5:5

Nanye nhavivyo mo wadodo, munojeye mwiwice mu wulajilize we wanyamhala. Nanye wose munojeye muwe no winenenyhezi ho musume kwiyitumila nyenye wose, hambi i Mandiko Gono Gelile nha gakutya, “U Mulungu sikawasakaga wono wena widunhumuzi, langa kawapelaga lihewa iwenenenyhezi.”