Nehemiya 8:9 - Luganuzi Luswanu Kuli Wanhu Wose 2002

⁹ Wanhu wali weza kuhulika, no kumanya vyono Wulajilize wukutya, hobaho wose wakanza kulila muno. Ale, vyono Nehemiya yali yo mulongola wa mwi'tumbi, na Ezila yali yo mukohani no munghula wo kuwumanya Wulajilize, hamonga ne Walawi wono wawalolosezaga wanhu zo Wulajilize, wakawalonjela wanhu wakatya, “Zuwali, lye zuwa lyono lyelile lyo Muwaha Mulungu, u Mulungu wenyu, holeka mulece kukalala hamba kulila.

Nehemiya 8:9 ပူးပေါင်းရင်းမြစ်များ

2 Watemi 22:11

Nayo mutemi Yosiya yali yeza kuzihulika zo Wulajilize zono zandicigwe mumo mu citabu, hobaho yakavidemulanga vivwalo vyakwe ko woga wuwaha muno.

2 Watemi 22:19

kanyhi kuwa kunena, no kwinenenyheza go mweneco hali'ne, kanyhi kuwa kuvidemulanga sunga ne vivwalo vyako, akuno wukulila, lono weza kumanya nha vyono ane nokuza niyilipicize Yelusalemi, hamonga ne wanhu wayo wose. Na vyono noyinoza Yelusalemi hawe hanhu ha kogofya, kanyhi halijitwe. Holeka aluno, nawuhulika du wulombe wako,

2 Zinghomo 15:3

Hambi nha wulawa vilo vinji, Waisilayeli wali wekaye wasina Mulungu we mbeka, hamba Wakohani, wono wali wawejize, kanyhi wali wasina hamba wulajilize, wono wali wawutyatye.

2 Zinghomo 30:22

Nayo mutemi Hezekiya, yakawalumba muno Walawi so wuhidimbazi wawo wuwaha, mu wulongoza wuhembi wo Muwaha Mulungu. Vyali vyeza kupuluta vilo mupunghati, vyono walavyaga makumbiko, wakumulumba Muwaha Mulungu, u Mulungu we walezi wawo,

2 Zinghomo 34:19

Nayo mutemi Yosiya, yali yeza kuzihulika zono zikusomwa mu citabu, hobaho yakawa kuvidemulanga vivwalo vyakwe ko wusungu wuwaha muno.

2 Zinghomo 34:21

“Alu, mubite mukambuzize kuli Muwaha Mulungu, hamonga ne wanhu wono wakali wasigaye mu Isilayeli na mu Yuda. Muzimanye ze mejizo gono gali mu citabu cici. Hambi Muwaha Mulungu nha yacikoleywe likuwo, vyono i walezi wetu si wenda kuyihulika nghani yo Muwaha Mulungu hamba kwituma zono zinojeye wazitume, nha vyono zandicigwe mu citabu cicino.”

2 Zinghomo 35:3

Yakawaloloseza ne Walawi wono wawejizaga Waisilayeli, wono wali wakondya kwiyilavya kuli Muwaha Mulungu, yakawatya, “Alu musole Lisanduku lye Cilagane, mulinjize mu Nyumba yo Mulungu, yono yazengwa no mutemi Solomona u mwana wa Dawudi. Vyono aluno, howa hasina soko kanyhi, yo kulihamya hamya ako na ako. Langa aluno, mulimo wenyu, wowa wo kumwitumamila Muwaha Mulungu, u Mulungu wenyu, hamonga ne wanhu wakwe Waisilayeli.

Ezila 2:63

Umulongola we Wayahudi, yakawalonjela vyono walece kulya ndigwa yono ndavye kuli Mulungu, sunga langa mukohani mono yakwitumamila Ulimu na Tumimu yawe yali baho.

Ezila 7:11

Alu lo lwandiko lono Mutemi Alitashasita yakamupela Ezila mukohani, u munghula we malajilizo hamonga no wulajilize vyono Muwaha Mulungu yawapela Waisilayeli.

Nehemiya 10:1

Umulongozi kutajila citanjilo, yali Nehemiya mwana wa Hakaliya, na Zedekiya, hamonga na awano wono wakutyatya.

Nehemiya 12:26

Walongola wawa, wekela mu vilo vya Yoyakimu u mwana wa Yoshuwa, u mwizukulu kwa Yehozadaki, na mu vilo vya Nehemiya u mulongola, na mu vilo vya Ezila u mukohani, u munghula we Malajilizo.

Nehemiya 7:65

Nayo mulongola we Wayahudi, yakawalonjela vyono, walece kusejelela no kulya ndigwa yono yelile, i ndavye kuli Mulungu, sunga langa yawe yali baho mukohani mono yakwitumamila Ulimu na Tumimu.

Nehemiya 7:70

Wenji muno, wa muli wanhu wa Isilayeli, wakalavya vinhu, so kuwulipila mulimo wo wuzenji we Nyumba yo Mulungu. Umulongola wa mwi'tumbi, yakalavya kilo munana za zahabu, bakuli makumi mahano zo kulila zindigwa ze zi sikukuu, hamonga ne vivwalo vyo kwitumamila wakohani, vyali vili magana mahano na makumi madatu.

Nehemiya 8:2

Ale, Ezila yakacileta citabu cico ha mwande ye wanhu, hono wali wekongholeye we cilume na we cicekulu hamonga ne wana wawo, wono wali wena lizika lyo wumanye no wizuce.

Muganuzi 3:4

cipango co kulila, ne cipango co kuseka, cipango co kukalala, ne cipango co kuvina,

Isaya 61:3

Ho niwasangalaze no kuwapela nyemo wanhu wose wono wali mu Sayuni, wono wali wali mu wusungu no wukalale wawuce mu wukalale, wembe lwimbo lo lukumyo. Kanyhi wawe nhe mibici i mihadikwe no Muwaha Mulungu mweneco. Kanyhi wawe kwituma zo mugoloka. Nayo Muwaha Mulungu ho yakumizywe muli zono yetuma.

Hoseya 4:6

Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu.

Walawi 23:24

“Na mwi'zuwa lilongozi lya mu mwezi wo mupunghati, lizuwa lilyo lyowa yizuwa lyo wucehe. Nanye kolo mukuhulika mazi ge zindulele, munojeye mwihangulize hamonga so wuhembi.

Malaki 2:13

Ayi yo nghani yinji kanyhi yono mukwituma, mukucigubika cikumbicilo co Muwaha Mulungu kwe mahozi ge cililo cenyu, vyono mwene siyakuvibocela vilavywa vyono mukumulavizya.

Walumi 3:20

Hambi nha hasina munhu wo wose, mono kosuma kuvumilwa hali Mulungu so wibato 'lajilize, ku soko u mulimo wo Wulajilize, wene wukuwa kumulajila du munhu vyono yetumile wubi.

Walumi 7:9

nane ha mwamulizo, nekalaga mumi hono hasina Wulajilize, ninga ililajilizo lyali lyeza kuza, uwubi wukawumipa,

Wukumbucize wo Wulajilize 12:12

Mumusangalalile Muwaha Mulungu, nyenye ne wana wenyu, ne wetumami wenyu, ne Walawi wono mwikalane nawo mu makaya genyu, ninga mweze kukumbucila vyono Walawi, wowa wasina yigawo, hamba wuhazi we yisi.

Wukumbucize wo Wulajilize 12:7

Nanye molya no kung'wa ko wusangalale baho hali Muwaha Mulungu, u Mulungu wenyu, mono yamulugutizenyi, no kumupelenyi vinhu viswanu ku walawa mwamulizo wenyu, nyenye hamonga ne wagolece zenyu ne wana wenyu.

Wukumbucize wo Wulajilize 16:11

Musangalalile hali Muwaha Mulungu, u Mulungu wenyu, mwi'zuwa lilyo, hamonga ne wana wenyu we cilume na we cicekulu, ne wetumami wenyu, ne Walawi, ne Wajenzi, hamonga ne wana wono wasina walezi, hamonga ne wacekulu wafwile, wono mwikalane nawo mu makaya genyu. Na zizi zose mweze kuzinozeza i hanhu ha wuhembelo du.

Wukumbucize wo Wulajilize 26:14

Hamba si niluvizye niyilye yiyo zaka yaye, lono nili mu cililo. Hamba si niyilavizye kunze ye kaya yangu, lono nali nili mu wavufywe yaye hamba si niyilavizye liwe yikumbiko kuli wafu ng'o. Langa nghakuhulika gwegwe du go Muwaha Mulungu, nane nakondya kwituma nha vyono wandajiliza nitume, kuli zo wulavya zaka.

Yakobo 4:9

Muzinguce, mugaye no kulila, uluseko lwenyu luweze cililo, ne nyemo yenyu yiweze wuzinguce wuwaha.