Nehemiya 8:6 - Luganuzi Luswanu Kuli Wanhu Wose 2002

⁶ Ezila yakatya, “Muwaha Mulungu yalumbwe, u Mulungu mumi!” Nawo wanhu wose wenulaga miwoko yawo kucanyha, no kupitula wakutya, “Heya, Heya.” Wakafugama no wusu wawo wukapamiza sunga ho hasi, wakamuhemba Mulungu.

Nehemiya 8:6 ပူးပေါင်းရင်းမြစ်များ

Mwamulizo 14:22

Nayo Abulamu yakamupitula yuyo mutemi wa Sodoma yakamutya, “Ane no muyago nghondya kwilahiza hali Muwaha Mulungu mono yawumba u wulanga ne yinze,

Mwamulizo 24:26

Nayo u munhu yakenamya mutwe wakwe, yakamuhembo Mulungu,

1 Zinghomo 16:36

Yalumbizwe Muwaha Mulungu wa Isilayeli! Yalumbizwe ku wulawa lulu, sunga cibitilila! Ne wanhu wose wakatya, “Heya” wakamulumbiza Muwaha Mulungu.

1 Zinghomo 29:10

Mutemi Dawudi yakawa kumukumya Muwaha Mulungu ha mwande ye wanhu wose wono wali wehangulize baho, yakatya, “Gwe go Muwaha Mulungu, wo mulezi wetu Yakobo, Agwe yo gwegwe mono wunojeye lukumyo cibitilila ne cibitilila!

1 Zinghomo 29:20

Hanyuma Dawudi yakawalajiliza wanhu yakatya, “Ale, mukumyenyi Muwaha Mulungu, u Mulungu wenyu.” Ne lipuga lyose lye wanhu, wakamukumya Muwaha Mulungu, u Mulungu we walezi wawo, wakenama, wakamupela lilumbo Muwaha Mulungu, hamonga no mutemi.

2 Zinghomo 20:18

Hobaho mutemi yehoshafati yekenama no wusu wakwe wukapamiza ho hasi, ne wanhu wose nawo nhavivyo, wakenama no wusu wawo wukapamiza ho hasi, wakamuhemba Muwaha Mulungu.

2 Zinghomo 29:10

“Aluno mbona viswanu cinoze cilagane no Muwaha Mulungu, u Mulungu we Waisilayeli, ho yaze yalece kucikolelwa likuwo kanyhi.

2 Zinghomo 29:30

Hanyuma, mutemi hamonga ne walongola wose, wakawalomba Walawi wajendelele kwimba, wamwimbile Muwaha Mulungu zinyimbo zo kumukumya, zono zandikwa na Dawudi, na zono yazandika Asafu u muwizi. Ne wanhu wose wakemba na nyemo mbaha muno. Lono wali wakali wafugame, wakamuhemba Mulungu.

2 Zinghomo 6:4

Na hanyuma yakatya, “Muwaha Mulungu yalumbwe, u Mulungu we Waisilayeli! Hambi nha kawukamisa wihuwizo wono yamwihuwiza baba Dawudi, lono yalonjela yakatya,

Nehemiya 5:13

Hobaho, nghawuwopola musipi wono nali niwopile mu ciwino nghawukung'unha nghatya, “Mulungu komukung'unha nhavivi muli nyenye, u munhu mono kobena cilagane cici.” Kanyhi nghatya, “Mulungu komuwusizenyi lukulu zikaya, na vyose vyono mwina navyo; no kumulecenyi muli bwete.” Na wose wono wali wali baho, wakavumila wakatya, “Heya!” Wakamukumya Muwaha Mulungu. Ne walongola wose waketuma nha vyono wehuwiza.

Nehemiya 8:7

Hanyuma wakenuka wakema wima. Nawo i Walawi awa, Yeshuwa, Bani, Shelebiya, Yamimu, Akubu, Shabetayi, Hodiya, Maseya, Kelita, Azaliya, Yozabadi, Hanani na Pelayi, wakawa wo walolosi wono wawalolosezaga wanhu.

Zabuli 134:2

Mwinule miwoko yenyu, muyilanzye kono koyili Nyumba yo Mulungu, mumukumye Muwaha Mulungu!

Zabuli 141:2

No wulombe wangu wukuficile nha wuvumba, sunga no winule we mawoko gangu, wuweze nhe likumbiko lya mwi'daha lye cinya mihe.

Zabuli 28:2

Wuhulicize lono nghukulomba wutazi, lono nghuyinula miwoko yangu, niyidomizye hono helile hako.

Zabuli 41:13

Yalumbwe Muwaha Mulungu, u Mulungu we Waisilayeli wulawa cibitilila ne cibitilila! Heya! Heya!

Zabuli 63:4

Nane nakulumba mu vilo vyose vyono nghali mumi, nane nokwinulila gwegwe miwoko yangu, lono nili mu wulombe.

Zabuli 95:3

Hambi Muwaha Mulungu, nha yo Mulungu Mono yalawiliciye. Mutemi mono yali vilungo mu milungu yose.

Wutuluce 12:27

Nanye mowapitula muwe kutya, ‘Alino lyo likumbiko lye Pasaka, so kumupela cogopo Muwaha Mulungu mono yaziwagula zikaya ze Waisilayeli ku Misili. Yakawa kuwawulaga Wamisili, ninga ase yakacileka.’ ” Nawo Waisilayeli wakafugama hasi, wakahemba.

Wutuluce 4:31

Nawo wanhu wakehuwila. Nawo wali weza kuhulika vyono Muwaha Mulungu kawaziza, kawona na vyono wakugazwa muno, hodu, wakenamya mitwe yawo hasi, wakahemba.

Yelemiya 28:6

“Heya viswanu! Nane nitumbiye vyono, u Muwaha Mulungu kokwituma zizi! Nane nitumbiye vyono, kowunoza u wuwile wako, wuwe wa mbeka, yavigomole baha i viya vyose vye Nyumba yo Mulungu, ku wulawa ku Babiloni, hamonga ne wanhu wose wono wali wasolwa nha wafungwa.

I Cililo 3:41

Cimwinulile Mulungu zinhumbula zetu ku wulanga, cimulombe.

Walawi 9:24

Nayo Muwaha Mulungu yakagumila moto nhinicizo, wukacitakamiza cilavywa cinyanywe hamonga ne mhama yose ya mu cikumbicilo. Nawo wanhu wali weza kuziwona zizo, wakazozeza wose hamonga, wakafugama, wakenamya wusu wawo sunga ho hasi.

Matayo 26:39

Hanyuma yakatela tela hamwande hadodo, yakagwa funama, yakalomba, yakutya, “Gwe Baba, hono yiwe yisumice, icikombe cicino co wusungu cimhulutaje, ninga yilece kuwa nha vyono nyendile nene, ng'o, langa yiwe nha vyono wendile du gwegwe.”

Matayo 6:13

Wulece kucitegula mu wujelwe, Langa wuciponye na yulya u Mubi.’ ” [Hambi u wutemi ne vilungo, no wuwaha nha vyako, sunga ku cibitilila. Heya.]

1 Wakolinto 14:16

Na hono wumukumizye u Mulungu mu muhe wako du, alu u munhu mono si yayimanyile nonga yiyo baho mu wihangulize wenyu, ho kosuma nhawule kuvumiza u wulombe wako wo wulumbe, no kutya, “Heya” hono si yakucimanya cono wukulonga?

Waefeso 1:3

Alenyi cimulumbe u Mulungu u Sogo yo Mutwa wetu Yesu Kilisito! Hambi mu wilunza na Kilisito, mumo mo yacimotezye ko kucipela ivipegwa vyose vye cimuhe kulawa ku wulanga.

1 Timoteyo 2:8

Ale, ho hose mu kanisa, kolo mukwitang'anila mu wuhembi, nghusaka iwalume weze kulomba akuno welavizye lukulu kuli Mulungu, na kanyhi wono wosuma kunyasula imiwoko yawo, kuno wakulomba wasina likuwo hamba wuwanji.

1 Petelo 1:3

Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya, ko kumuzukula Yesu muli wafu. Yakondya kucipela u witumbilo wo wumi,

Wugubule 7:11

Nawo wamalayika wose wakenuka, wakalipilima ligoda lyo wutemi, hamonga na wa walya wanyamhala hamonga na vivilya i viwumbwa vine. Wose wakagwa funama he'goda lyo wutemi, wakamuhemba Mulungu,