Nehemiya 8:16 - Luganuzi Luswanu Kuli Wanhu Wose 2002

¹⁶ Hobaho i wanhu wose wakalawila wakagaleta manhambi, wakawa kwizenjela vibanda mu matembe ge zikaya zawo, mu viwanza vyawo, na mu viwanza vye Nyumba yo Mulungu, na ha viwanza vya ha Mulango we Malenga, sunga na ha Mulango wa Efulayimu.

Nehemiya 8:16 ပူးပေါင်းရင်းမြစ်များ

2 Samwili 11:2

Na mwi'zuwa linji mapango ge cinyamihe, Dawudi yakenuka mu citanda cakwe, yakabita mu canyha ye litembe lye nyumba yo wutemi. Na lono yajendajendaga mumo mwi'tembe, yalanje nhavi, yakawona mucekulu yakwihovuga. No mucekulu yuyo ku wulangwe mbeka yali muswanu muno muno.

2 Watemi 14:13

Mutemi Yehowashi wa Isilayeli, yakamusola mutemi Amaziya wa Yuda, yakenjila mu Yelusalemi, yakalimwagulanga lijinji lye likaya ku wulawilila ku Efulayimu, sunga ko ku mulango wa ha cipeto, wugazi wa kotya mita magana mejete nhavi.

2 Zinghomo 20:5

Nawo waza kufika ku Yelusalemi, wakehanguliza he 'kumbo lya hadeha ye Nyumba yo Mulungu, hamonga na wanya baho ha Yelusalemi. Ale, nayo mutemi Yehoshafati, yakabita yakema ha mwande ye wanhu wose.

2 Zinghomo 33:5

Kanyhi, yakazenga vikumbicilo vyo kuzihembela zinyelezi, mu makumbo mejete ga mu Nyumba yo Mulungu.

Nehemiya 12:37

Wulawa ku Mulunga we Mivwilo, wakabita wakakolela mu zi ngazi zono zibitile sunga ko kwi'kaya lya Dawudi lyo wutemi. Wakakolela sunga he'kulu lyo mutemi Dawudi. Hanyuma, wakawa kuwuya, sunga ko ku Mulango we Malenga, ku lubavu lwa kucilima ye likaya.

Nehemiya 12:39

Na mu wulawa baho, cikakolela ha Mulango wa Efulayimu, no Mulango wa Yeshana, no Mulango we zisomba no Munala wa Hananeli, no Munala wa Hameya, sunga ko ku Mulango we Zingholo. No wupilime wetu, wukamalicila behi no mulango we Nyumba yo Mulungu.

Nehemiya 3:26

Pedaya, u mwana wa Paloshi, nayo yakanozeleza lubavu lunji, sunga ko ku ndumilizo yo lubavu lwe cilima, behi no Mulango we Malenga no munala wo kulindiliziza i Nyumba yo Mulungu. (Aha, hali behi muno no munala wono wacemwaga Ofeli, bahalya hono wetumami wa mu Nyumba yo Mulungu wekalaga.)

Nehemiya 8:1

Ale, mu mwezi wo mupunghati, i wanhu wa Isilayeli, wose wali wakondya kuceha mu makaya gawo. Na mwi'zuwa lilongozi lyo mwezi wuwo, wose wakekongholela mu Yelusalemi, mu ciwanza behi no Mulango we Malenga. Wakamulomba Ezila u mukohani, u munghula wo kumanya malajilizo gono Muwaha Mulungu yawapelela Waisilayeli, muli Musa, ho yasole citabu cico co wulajilize.

Nehemiya 8:3

Yakasoma malajilizo gago bahalya ha ciwanza ha Mulango we Malenga. Nawo wakahuliciza. Yakanza kuwasomela, wulawa hakali mitondo sunga mu misi mugati, nawo wakajendelela kuhuliciza du, watulile viswanu.

Yelemiya 19:13

Ne zikaya zose za Yelusalemi, ne zikaya zose ze watemi wa Yuda, du ne zikaya zose, zikaya zono zafusiswaga wuvumba kuli zinyelezi, hamonga ne hanhu hono halavizwaga i vilavywa vye divayi, ku soko yo kuyilavizya milungu yinji. Wawo wose wokwihwana ne Tofeti i nyavufywe.”

Yelemiya 32:29

walipembele moto. Wolikongoga hamonga ne zikaya zose, zono wanhu wakuzitumamila, so wufusa wuvumba kuli Baali, mu matembe mucanyha, hamonga no kuyilavizya milungu yinji vilavywa vye divayi.

Wukumbucize wo Wulajilize 22:8

“Na lono wukuzenga kaya yako mhya, wuyipilimyaje litembe lyayo ne cicitizo. Ho wulece kwiletela wuhoswe go mweneco, hono munhu yagwe ku wulawa mwi'tembe, yafwe.