Nehemiya 8:10 - Luganuzi Luswanu Kuli Wanhu Wose 2002

¹⁰ Alu, muwuye ku zikaya zenyu, ho mukanoze sikukuu. Muhanje zindigwa zenyu hamonga na awalya wono wena ndigwa ndodo. Zuwali lyo lizuwa lyono lyelile kuli Muwaha Mulungu, holeka mulece kuwa no wukalale. Hambi nyemo yono Muwaha Mulungu komupelenyi, nha yomupelenyi vilungo viwaha.”

Nehemiya 8:10 ပူးပေါင်းရင်းမြစ်များ

1 Watemi 8:66

Na mwi'zuwa lyo munana nhondo Solomona ho yakawa kuwakombola wanhu wawuye ku zikwawo. Ne wanhu wose wakamulumba muno Solomona, wakawuya ku zikwawo wena nyemo mbaha, ku soko yo wulugutwe wose wono Muwaha Mulungu yamupela Dawudi mwitumami wakwe, hamonga ne wanhu wakwe wa Isilayeli.

1 Zinghomo 16:27

Lilumbo no lukumyo, zimupilime mwene, Vilungo ne nyemo, vimemile mu Nyumba yakwe.

Nehemiya 8:11

Baho, i Walawi, wakawa kuwapilimila wanhu, wakawa kuwanyamaza, no kuwalonjela ho walece kukalala no kulila mwizuwa lili lyono lyelile.

Nehemiya 8:12

Hobaho i wanhu wakawa kuwuya ku zikaya zawo wapolile. Wakalya no kung'wa ko wusangalale wuwaha, wakahangana zindigwa ne wayawo. Hambi nha wali wakondya kuzimanya zose zono zasomwa na Ezila ha mwande yawo.

Esita 9:19

Holeka, Wayahudi wose wono wekaye mu vitumbi vidodododo sunga lulu, wakuwa kulikumbucila lizuwa lilyo lye kumi na yine, lyo mwezi wa Adali. Vyono lyo lizuwa lyo wucehe na lye nyemo muno. Kanyhi lyo lizuwa lyo kunoza sikukuu, no kwihumbiliza kwe vipegwa munhu na muyagwe.

Esita 9:22

Vilo vivyo vyo vyawakumbucizaga i Wayahudi, lono wekombozeza kuli walugu wawo. Mwezi wuwu wo mwezi wono wakawaniza wukalale wawo, hamonga ne cililo cawo, gakawa mazuwa ga nyemo no luseko. Wakalonjelwa, wawe kugalanjilila mazuwa gaga, ho wawe kunoza zi sikukuu, no kwihumbiliza vipegwa na ndigwa munhu na muyagwe, no kuwakumbucila waciwa.

Zabuli 149:2

Wusangalale, 'gwe Isilayeli, hambi mwene nha yo muwumbi wako, nanye nyo wekala ku Sayuni, sangalalenyi, hambi mwene nha yo mutemi wenyu.

Zabuli 89:17

Hambi nha yo gwegwe nhojo ne vilungo vyawo, na ko lusungu lwako wukucipela wusume.

Zimbazi 17:22

Wuseci nawo, wokupela muwili muswanu, wono wusina wunyoganyoga. No wukalale we mapango gose, wo wufwa mhola mhola.

Muganuzi 11:2

Wagawile wanhu zisawo zako, hambi nha si wumanyile yimbi yono yokwagana mono'nze.

Muganuzi 2:24

Gwe, hasina yinji swanu yono yimukwiliye munhu, langa hono si kulya no kung'wa, hamonga no kuwusangalalila mulimo wakwe. Yiyi nayo nghuwona vyono yilawaga kuli Mulungu,

Muganuzi 3:13

Ase wose, yicinojeye cilye no kung'wa, cisangalalile ziswanu ze milimo yetu. Hambi aci nha cipegwa co Mulungu.

Muganuzi 5:18

Alu azi ane zo nakondya kuziwona, vyono kumbe, nghani swanu yono yomukwila munhu yoyi, kulya, kung'wa hamonga no kusangalalila mana gono yetujiye mu nhuguti yakwe mu milimo yono yakwituma bahano hono'nze, mu vilo vivyo vicefu du vya mu wikale wakwe, vyono Mulungu yamupeye, hambi nha vyo yawicilwa no Mulungu.

Muganuzi 9:7

Holeka, wubite wukalye ndigwa yako ko wusangalale, wukang'we ne divayi yako ne nhumbula yono wusangalaye, hambi Mulungu nha yakondya kuyilumbiliza milimo yako.

Lwimbo Luswanu muno 5:1

Nenjila mu busitani yangu, 'gwe go mwendece wangu, go bibi halusi wangu. Nghuhepa wugutika hamonga ne mhunjile ye manemane. Nghulya no wuci wangu, hamonga ne lilala lyo wuci. Nghung'wa ne divayi yangu, hamonga ne mele. Zinghani za we cicekulu wenji Aa! Nye nyo wendece wetu, heya mulye, mung'we, sunga nyenye weneco nhondo muwe mwagala wendo! Zinghani za we cicekulu

Isaya 49:5

Muwaha Mulungu yahagula 'ne na lono nali nghali hamba nalelwa, yakanoza niwe mwitumami wakwe, ho niwagomole kwakwe wanhu wakwe, niwakonghole i wanhu wa Isilayeli wono weyagaye. Hambi Muwaha Mulungu nha yo yakumhela lilumbo, kanyhi mwene vyo vilungo vyangu.

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Yoweli 2:23

“Holeka muweze ne nyemo anye wanhu wa Sayuni, musangalalile zono Muwaha Mulungu wenyu yamutendelenyi. Hambi mwene nha kamupelenyi mvula ye lifuku yono yikwiliye, kanyhi komutonyezezenyi ne mvula ye mhinga na ye mafuso ku soko yenyu, nhe vilo vyono vipulute.

Zakaliya 14:21

Ne zinyungu zose zo kutelecela za mu Yelusalemi, na za mu Yuda yose, zolowa zasiwanulwa, ho zitumamilwe mu wuhembi wo Muwaha Mulungu we Mihanga. Ne wanhu wono wowa kulavya makumbiko gawo, wozitumamila so wutelecela zinyama zawo ze makumbiko. Ne lizuwa lilyo kolo lyafika, kolowa kusina kanyhi musuluza mu Nyumba yo Muwaha Mulungu we Mihanga.

Luka 11:41

Muwapelaje waciwa vinhu vyono vili mugati; na vinji vyose, vyowa vili ling'ani kuli'nye.”

2 Wakolinto 8:2

Wose wono wehuwiye wono wali kuko, vyono watuga majelo mawaha so wugaye, ninga hamba nhavivyo inyemo yawo yikonjelezeka muno, sunga wakawa wacemezi muno, hamba wawe wali waciwa muno muno.

Wafilipi 3:4

Nane nhavivyo nali ndahile kwitumbila i zinghani za munze, na hono hawe hoyuli munhu mono yakwihwesa vyono yadahile kwitumbila zinghani za munze, ane nina i soko mbaha muno yo kwihwesa nhavivyo;

Wugubule 11:10

Ne wanhu wose wono wekaye mono'nze, wowusecelela wufwe wa wawo wanhu wejete. Nawo wonoza sikukuu, no kwipela vipegwa munhu na muyagwe, vyono wawa wawizi wejete wali wawagaza muno, i wanhu wa mononze.

1 Samwili 25:8

Hamba wuwawuze, na weneco du wokulonjela. Nase ciziza mwi'zuwa liswanu, na Dawudi yakukunena wucibocele ko wuswanu. Kanyhi dedede, ase co wetumami wako, hamonga na Dawudi mwendece wako, cikukulomba wucipele cocose cono kowa wina naco.”