Nehemiya 8:1 - Luganuzi Luswanu Kuli Wanhu Wose 2002

¹ Ale, mu mwezi wo mupunghati, i wanhu wa Isilayeli, wose wali wakondya kuceha mu makaya gawo. Na mwi'zuwa lilongozi lyo mwezi wuwo, wose wakekongholela mu Yelusalemi, mu ciwanza behi no Mulango we Malenga. Wakamulomba Ezila u mukohani, u munghula wo kumanya malajilizo gono Muwaha Mulungu yawapelela Waisilayeli, muli Musa, ho yasole citabu cico co wulajilize.

Nehemiya 8:1 ပူးပေါင်းရင်းမြစ်များ

2 Watemi 23:2

wakenjila mu Nyumba yo Mulungu, i wakohani ne wawizi, ne wanhu wose wa Yelusalemi, i wawaha ne wadodo, wagoli ne waciwa, hamonga ne wanhu wose we mawala gose. Mutemi yakawasomela zose zono zandicigwe mu citabu ce cilagane, cono cejela mu Nyumba yo Mulungu.

2 Zinghomo 34:15

Hilikiya yakamulonjela Shafani yakatya, “Ane niciwona citabu co Wulajilize mu muno mu Nyumba yo Mulungu.” Hodu yakawa kumupela Shafani, citabu cico.

2 Zinghomo 34:30

Nawo, hamonga no mutemi, wakawa kwinjila mu Nyumba yo Mulungu, hamonga ne wakohani, ne Walawi, hamonga ne wanhu wose wono wasigala, i wagoli ne waciwa. Mutemi yakawa kwima ha mwande ye wanhu wose, yakawa kucisoma citabu cose ce cilagane, cono cejela mu Nyumba yo Mulungu.

Ezila 7:1

Myaka minji yali yeza kupuluta ya mu wuteme wo mutemi wa Alitashasita mutemi wa ku Pelisiya, kukawa na munhu yunji yitagwa lyakwe Ezila. Nayo mutemi yakazityatilila zinghani za Ezila ku wulawilila kuli wakukuze sunga ko kuli Haluni, u mukohani muwaha, nha vyono wityatye wayo wukulolosa. Ezila, yali mulelwe na Selaya mwana wa Azaliya, mwana wa Hilikiya.

Ezila 7:10

Ezila yali yelavizye mu mikalile yakwe yose, kwiyijiza no kutyatya malajilizo go Mulungu, no kuwafunda wanji wa mu nghungugo ye wanhu wa Isilayeli zo wulajilize ne malajilizo gago.

Ezila 7:11

Alu lo lwandiko lono Mutemi Alitashasita yakamupela Ezila mukohani, u munghula we malajilizo hamonga no wulajilize vyono Muwaha Mulungu yawapela Waisilayeli.

Ezila 7:6

Ezila yali yamanyile viswanu malajilizo go Muwaha Mulungu we Waisilayeli, gono Muwaha Mulungu yali yamupeye Musa. Ale, vyono Ezila yali mulugutwe no Muwaha Mulungu wakwe, u mutemi muwaha yamupelaga co cose cono Ezila yacisakaga.

Nehemiya 12:26

Walongola wawa, wekela mu vilo vya Yoyakimu u mwana wa Yoshuwa, u mwizukulu kwa Yehozadaki, na mu vilo vya Nehemiya u mulongola, na mu vilo vya Ezila u mukohani, u munghula we Malajilizo.

Nehemiya 12:37

Wulawa ku Mulunga we Mivwilo, wakabita wakakolela mu zi ngazi zono zibitile sunga ko kwi'kaya lya Dawudi lyo wutemi. Wakakolela sunga he'kulu lyo mutemi Dawudi. Hanyuma, wakawa kuwuya, sunga ko ku Mulango we Malenga, ku lubavu lwa kucilima ye likaya.

Nehemiya 3:26

Pedaya, u mwana wa Paloshi, nayo yakanozeleza lubavu lunji, sunga ko ku ndumilizo yo lubavu lwe cilima, behi no Mulango we Malenga no munala wo kulindiliziza i Nyumba yo Mulungu. (Aha, hali behi muno no munala wono wacemwaga Ofeli, bahalya hono wetumami wa mu Nyumba yo Mulungu wekalaga.)

Nehemiya 8:16

Hobaho i wanhu wose wakalawila wakagaleta manhambi, wakawa kwizenjela vibanda mu matembe ge zikaya zawo, mu viwanza vyawo, na mu viwanza vye Nyumba yo Mulungu, na ha viwanza vya ha Mulango we Malenga, sunga na ha Mulango wa Efulayimu.

Nehemiya 8:3

Yakasoma malajilizo gago bahalya ha ciwanza ha Mulango we Malenga. Nawo wakahuliciza. Yakanza kuwasomela, wulawa hakali mitondo sunga mu misi mugati, nawo wakajendelela kuhuliciza du, watulile viswanu.

Isaya 8:20

Nanye muwapitule muwe kutya, “Ciba muzihulice zono Muwaha Mulungu yakumwijizenyi! Mulece kuwahulika i waganga wo wulambi. Hambi zizo zono wakumulonjelenyi, nha sizo-mutazenyi cinji yaye.”

Walawi 9:5

Nawo wakawa kuvileta vinhu vyose ha mulango we Lihema, nha vyono Musa yalajiliza. Ne wanhu wose wakehanguliza hamonga ho wamuhembe Muwaha Mulungu.

Malaki 4:4

“Ninga mukumbucile mejizo go mwitumami wangu Musa, hamonga no wulajilize, ne malajilizo gono namupelela kwi'tunda lya Sinayi, anye wanhu wose wa Isilayeli, mugebate.

Matayo 13:52

Nayo Yesu yakawatya, “Alu holeka u mwijizi wo wose wo Wulajilize, mono yanozwa kuwa mwijizwa mu Wutemi wa ku wulanga, yuyo yehwanile u munhu munya kaya, mono kalavyaga mu viwutwa vyakwe i vinhu i vipya ne vihuma.”

Matayo 23:13

“Woyi he kuli'nye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [

Matayo 23:2

“Iwejizi wo Wulajilize ne Wafalisayo, wo wapejigwe u wulajilize wo kuwulolosa u Wulajilize wa Musa.

Matayo 23:34

Ku soko yiyo holeka ane nghumuletelenyi wawizi, ne wanhu we mahala, kanyhi ne wejizi, nanye mowawulaga no kuwatumbika wanji wa muli wene, na wanji mowakuna ne viboko mu matang'anilo genyu go wuhembelo, no kuwalondola londola mu matumbi gose.

Wukumbucize wo Wulajilize 31:11

Weze kuwasomela wanhu Waisilayeli, lono wehanguliza mu wuhembi, i hanhu ho wuhembelo wakumuhemba Muwaha Mulungu, u Mulungu wenyu.

Walamuzi 20:1

Wanhu wose wa Isilayeli kulawilila Dani lubavu lwa kusumuka sunga ku Beyeli-sheba lubavu lwa kutakama sunga ko ku yisi ya Gileyadi lubavu lwa kucilima, wose wakedika kucemo lulo, wakehanguliza hamonga hali Muwaha Mulungu ku Mizipa.

Walamuzi 20:8

Wanhu wose wakenucila hamonga wakatya, “Kusina yunji muli sese, mono kekalaga mwi'hema hamba mu kaya mono kopituka yawuye ku kaya kwakwe.