Nehemiya 7:73 - Luganuzi Luswanu Kuli Wanhu Wose 2002

⁷³ Hobaho i wakohani ne Walawi, ne walindilizi wa mu Nyumba yo Mulungu, ne wembi, ne wanhu wose, hamonga ne wetumami wa mu Nyumba yo Mulungu, ne wanhu wa Isilayeli, wakawa kwikala mu matumbi ne makaya ga Yuda.

Nehemiya 7:73 ပူးပေါင်းရင်းမြစ်များ

2 Watemi 7:10

Hobaho wakawa kutuluka, wakawa kubita ko ku Samaliya, wakawalomba walindilizi we milango ya mwi'kaya, wakawatya, “Ase cibita sunga ko ku nghambi yono wali wapanjile wanhu wa Siliya, nase si cagane, hamba kuwona munhu wo wose. Ne zifwalasi hamonga ne zindogowe zose, vyo ziwopigwe du, sunga ne mahema gose, nago malekwe du hamonga na vyose vyono vili mugati yago, hambi Wasiliya nha wakondya kuwuka.”

1 Zinghomo 9:2

Ne wanhu wono walongola kuwuya mu yisi yawo mu makaya gawo, wali Waisilayeli, i wanyawusi, hamonga ne wakohani ne Walawi, ne wetumami wono wetumamaga mu Nyumba yo Mulungu.

Ezila 2:70

Baho i wakohani, ne Walawi, hamonga ne wanhu wanji wakanoza wikalo wawo mu Yelusalemi, hamba behi na Yelusalemi. Ninga i wembi wa mu Nyumba yo Mulungu ne wetumami wayo, hamonga ne walindilizi wayo wana wose wakanoza wikalo wawo mu makaya ge behi na Yelusalemi. Na wanji wa muli Waisilayeli, nawo wakanoza wikalo wawo behi ne makaya gono zindelo zawo zekalaga katali.

Ezila 3:1

Ale mu mwezi wo mupunghati lono Waisilayeli wose wali wakondya kuwuya no kuceha mu makaya gawo, wose wakekongholela ha Yelusalemi.

Nehemiya 11:3

Mu makaya ganji ne matumbi ganji, i wanhu wa Isilayeli hamonga ne wakohani ne Walawi, ne wetumami wa mu Nyumba yo Mulungu, hamonga ne wetumami, ne wetumami we wana wa Solomona, awa wose, wekalaga hanhu hawo, mu matumbi gawo. Liwalo lye walongola, wono wekalaga mu Yelusalemi, likaya lyono lyelile, wono wali wo walongola we wanhu, wono wekalaga mu matumbi ga Yuda, lyo alino.

Nehemiya 7:72

I wanji nawo wakalavya kilo yigana limonga na makumi mutandatu na munana za zahabu, na kilo yigana limonga na makumi mane za fweza. Ne vivwalo vyo kuvwala wakohani, hono wali mu mulimo, vyali vili makumi mutandatu na mupunghati.