Nehemiya 7:71 - Luganuzi Luswanu Kuli Wanhu Wose 2002

⁷¹ Nawo walongola wa mu zimhuga, wakalavya: Kilo yigana limonga na makumi mutandatu na munana, za zahabu, kilo elufu monga na magana mejete na makumi mahano za fweza.

Nehemiya 7:71 ပူးပေါင်းရင်းမြစ်များ

1 Zinghomo 29:7

vinhu avi, so mulimo wa mu Nyumba yo Mulungu. Holeka wakalavya vinhu avi: Zahabu, kuciza tani yigana limonga, na makumi mupunghati. Fweza, kuciza tani magana madatu na makumi mane. Shaba, kuciza tani magana mutandatu na makumi mejete. Cuma, kuciza tani elufu yidatu, na magana mane.

Nehemiya 7:70

Wenji muno, wa muli wanhu wa Isilayeli, wakalavya vinhu, so kuwulipila mulimo wo wuzenji we Nyumba yo Mulungu. Umulongola wa mwi'tumbi, yakalavya kilo munana za zahabu, bakuli makumi mahano zo kulila zindigwa ze zi sikukuu, hamonga ne vivwalo vyo kwitumamila wakohani, vyali vili magana mahano na makumi madatu.

Nehemiya 7:72

I wanji nawo wakalavya kilo yigana limonga na makumi mutandatu na munana za zahabu, na kilo yigana limonga na makumi mane za fweza. Ne vivwalo vyo kuvwala wakohani, hono wali mu mulimo, vyali vili makumi mutandatu na mupunghati.

Jobu 34:19

Mwene si kawahijilaga mbejele i walongola, hamba si yakuwawona wagoli wawe wo waswanu si nhe waciwa, hambi mwene nha yo yawawumba wose.

2 Wakolinto 8:12

Hono munhu yawe yena mutima wo wutazi, u Mulungu nayo kabocelaga co cose cono u munhu yuyo kosuma kulavya, Mwene si kakanililaga yaye.