Nehemiya 7:70 - Luganuzi Luswanu Kuli Wanhu Wose 2002

⁷⁰ Wenji muno, wa muli wanhu wa Isilayeli, wakalavya vinhu, so kuwulipila mulimo wo wuzenji we Nyumba yo Mulungu. Umulongola wa mwi'tumbi, yakalavya kilo munana za zahabu, bakuli makumi mahano zo kulila zindigwa ze zi sikukuu, hamonga ne vivwalo vyo kwitumamila wakohani, vyali vili magana mahano na makumi madatu.

Nehemiya 7:70 ပူးပေါင်းရင်းမြစ်များ

1 Watemi 7:45

Mabakuli ne makoleyo, ne viya vyo kwitumamilwa, vya mu Nyumba yo Mulungu, vyono Hulamu yamunozeza mutemi Solomona. Navyo vyose vyali vinozwe na shaba yono yang'alalaga.

1 Zinghomo 28:17

Yakamulajiliza kanyhi kuli ze nghango ye zahabu nengu, yono yowa yinojeye yitumamilwe mu wunoza vicinyilo, ne zibakuli, hamonga ne vidumu, ne nghango ye fweza yono yowa yinojeye yitumamilwe so wunoza zisahani,

2 Zinghomo 4:11

Hulamu, yakanoza zinyungu, ne masili, ne zibakuli. Nhondo yakakondya kuvinoza vinhu vyose, vyono yehuwiza kuli Mutemi Solomona, nha vyono kovinoza so Nyumba yo Mulungu navyo vyali vyovi:

2 Zinghomo 4:8

Yakanoza na meza yikumi, yakaviwika vyose mugati ye cumba ca haciligati, mu Nyumba yo Mulungu. Yakawika viwicilo vye tala vihano, hamonga na meza yihano lubavu aluno na viwicilo vye tala vihano kanyhi na meza yihano, navyo yakaviwika lubavu luyagwe mumo mugati. Kanyhi yakanoza na bakuli yigana za zahabu.

Nehemiya 10:1

Umulongozi kutajila citanjilo, yali Nehemiya mwana wa Hakaliya, na Zedekiya, hamonga na awano wono wakutyatya.

Nehemiya 7:65

Nayo mulongola we Wayahudi, yakawalonjela vyono, walece kusejelela no kulya ndigwa yono yelile, i ndavye kuli Mulungu, sunga langa yawe yali baho mukohani mono yakwitumamila Ulimu na Tumimu.

Nehemiya 7:69

Zi Ngamiya, zali zili magana mane na makumi madatu na yihano. Zi ndogowe, zali zli elufu mutandatu na magana mupunghati na makumi mejete.

Nehemiya 7:71

Nawo walongola wa mu zimhuga, wakalavya: Kilo yigana limonga na makumi mutandatu na munana, za zahabu, kilo elufu monga na magana mejete na makumi mahano za fweza.

Nehemiya 8:9

Wanhu wali weza kuhulika, no kumanya vyono Wulajilize wukutya, hobaho wose wakanza kulila muno. Ale, vyono Nehemiya yali yo mulongola wa mwi'tumbi, na Ezila yali yo mukohani no munghula wo kuwumanya Wulajilize, hamonga ne Walawi wono wawalolosezaga wanhu zo Wulajilize, wakawalonjela wanhu wakatya, “Zuwali, lye zuwa lyono lyelile lyo Muwaha Mulungu, u Mulungu wenyu, holeka mulece kukalala hamba kulila.

Wutuluce 12:22

Nanye musole linhambi lya ezobu, mukalinimice mu sakami yono yili mu bakuli. Muyibace mu fulemu ze milango mu zimbawo zo wima, ne mbawo ya hacanyha ye cipinga, mu zinyumba zenyu. Kanyhi yunji wa muli nyenye, yalece kuwuka mu nyumba yakwe sunga kolo wukwela mitondo yaco.

Wutuluce 24:6

Nayo Musa yakasola sakami ndodo ye mitugo yiyo, yakayitajila mu zi sahani. Ne sakami yono yasigala, yakayimiza mu cikumbicilo.

Yelemiya 52:19

Wakavisola vinhu vyose du, vye zahabu hamba fweza, hamonga sunga ne vibakuli vidodo-dodo vyose, hamonga ne visahani vyono wetumamilaga so kupalila makala go moto. Hamonga ne zibakuli zono wambilaga sakami ye zi mitugo ze makumbiko, ne viya vyo kuwusiza mavu, ne viwicilo vye zitala, ne visahani vyo kufusiza wuvumba, hamonga ne zibakuli zono wetumamilaga so vilavywa vye divayi.